Pasal 15

Tuhan lo Hutang Masuep

1 Yagui tujuh no pupung banu yamno motse suep hutang. 2 Ngenemot kalik kabe suep nangsgo:Sedue kabung duo memono duoi mo pinjam mo,tandali wai seiti nemodo itigo kalik tandali nemot sno,nemot tandali kwa iti nemogo sat,trang siksgo dimaklumkan nnemogo wai pugenang sgo TUHAN suino. 3 Demenoso mot tandali sepugo iti,no mugo kemdet yap no moiti mo,tandali klonggo kwa pugo iti. 4 Nganemot kalikgoso,sedue kabung ten kwa go nga sgo yakwa ikum,sni so TUHAN no mot nogo taiti maiti,negeri nga TUHAN,Waly Ayah mugolo mot no itigono,mugo milik p usaka so lemoi go. 5 mada sueiso setup TUHAN,Waly Ayah mugo nemogo nembut motno pengo,sueiso takebali nemot seplok dabuilo nga nembut nemodo pengo nemot ngeasui go kuno. 6 TUHAN,Waly Ayah mugo lo mot nogo taiti moiti mo,nga nemodo pengo kalik motno,modo maiti sedue kabung menonogo,saula,mataso,nemotang lo mot yakwa kuasai. 7 Mot mit sgo sedue kabung ten kwago,mogo aka mot dagu so susuinggo,negeri TUHAN,Waly Ayah lo mot no itigo ngaso,mot dabui kwa daguin,menodai ta kwa kibet mugo sat,trang sgo-sgo kwa gonogo. 8 Nomot bata nemotang nogo,nemotang nogo seiti sueiso,nemogo sgo-sgo iti nangso,nagoyamso seiti. 9 Sueisose mot bano kunala dursila duing eigo nge kalikgo,'Modagu kabe yagui tuju tite yagui ago duoi itigo,wai seiti,no mot kamso duinggo mugo kemdet nemot sgo-sgo kwa go modo sgo-sgo kwa itimo nemot nogo,ngano nemodo dewi pugo TUHAN sno mot sgo,nganemot mot no konso malemoi.' 10 Mot nemot nogo seiti sueiso,ngano mugo dabui balogo ukaligo kwa duing,mugo sgo-sgo itigo sikso,mugo tasam nga kalikgo sikso,TUHAN,Waly Ayah mugo lo,mot nogo taiti maiti mugo takebali modo smu klonggono,ngano mugo usei bano. 11 Sedue kabung ten kwago mataso mong,mugo negeri basgo,nemotang kuno-kuno mauweg,nganemot sgoso genam mot nomang pu,ngekalik mot nemotang no tasebata,mugo sat,trang nemotang nogo,nemotang miskin ngano tindas go mang mugo negeri sgo mang.

Ibrani go Budak Taitak go
12 Nagono mugo kabuisro menolo nemogo saisuk duoiso itigo motno,sedue Ibrani ngano kabung Ibrani,nemot motno keblai smu genang yagui nemot enam yamso,no yagui tujuh titeno,mot taseitak nemot nogo. 13 Modo nemot tamoitak mo sedue kabung merdeka go kalik,nemot itakgo tauleso kea itak go klong. 14 Mot nemot nogo tenseiti mugo kambing domba siksogo,mugo sip tenso itigo siksogo,ngano mugo sip pemerasanmu,taiti mot nogo sgo kalik so iti TUHAN lo mot nogo Waly Ayah mugo lo mot seiti nemot nogo. 15 Mot seduing,mot banimgo budak nan Mesir nogo,mot nga TUHAN,Waly Ayah mugo lo tebus go nganemot sgoso Ago nembut kabe pepen motang nogo ngeasuigo kuno. 16 Nagono nemodomopumo motno:Genam yakwa pung not mit siksgo,nemodogoso klum kabe trang genam ei genam go yap tengelam ei,wali suei so masing mot mit nogo. 17 Mot seiti luk genang ngano menindik nemogo kama sna yataput temoino,ngano mot nemogo budak so selemoi yagui-yagui no,nganemot kalikso se smu mugo budak kabung nogo. 18 Dabui kwa seguai,modo nemot taitakgo klonggo,nemodo motno kebali smugo,yagui enam yamso,jasa dua kali upah kebali harian,TUHAN,Waly Ayah mugo lo,mot nogo taiti maiti mug kebali smugo bano.

Manai Nok Trang sogo
19 Manai nok kudongso tuigo,lembu sapi,kambing domba mugo,se kudus kan TUHAN,Waly Ayah mugo nogoso,mot nogoso kwa,lembu go nok kuduongsgo,ngano modo nemogo dit kwa ibot. 20 TUHAN,Waly Ayah mugo,nemogo nemukuno,modo nemogo kedong sedam yagui-yagui no,sip nga TUHAN lo kuoigono,mot mugo yap tegelam ei naklai. 21 Nagono,masi longgomo,nemu punggomo,saisuk temoi nogo,nganemot kwa kop TUHAN,WAly Ayah mugo nogo. 22 Mot nogo ya se,sedue sueigo,najis go ngano sedue tahir,sedam nemogo kedong,kijanggo kesong,rusa go. 23 Nemogo kin kwadam,nan blono sepi bu kalik."