¹ Sedue kabung Kiryat-Yearim wenggu mang lek Tabut Waly Ayah, nemotang lekgo klong Abinadab go yap no munduim blono. Nemotang lo nemogo duo kudus kan go, Eleazar, nemodo Tabut Waly Ayah go nemot yoi masuing. ² Tabut Waly Ayah nemot walong so itak go Kiryat-Yearim no, yagui 20 yamso, Israel sedue kabung naklai lo ukulogo TUHAN sno. NO ISRAEL TAMANG ITAK

³ Samuel lo mangpu sedue kabung Israel naklai-naklai no, ngekalik, motang TUHAN sno mo iwot mo dabui lo, saula menogo ilah-ilah nga sno seitak ngano, Asytoret nga sno seitak motang sikso go. motang go dabut TUHAN sno seiwot nemot no setup nemogo nembuda se pen, nemodo motang yai masuing sedue Filistin siksogo." ⁴ Ngano, sedue kabung Israel nemotang Baal ei Asytoret ei mang itak, TUHAN seguong no mang keng nemogo nembuda mang pen.

⁵ Ngano Samuel lo mang pu, ngeno sepulep sedue Israel naklai Mizpa no, ngono, genam dewi mapu TUHAN sno motang sgo. ⁶ Nemotang Mizpa no pung gono, nemotang bu mang guluik gano srego TUHAN go nemu kuno. Ku nganemot no, nemotang ngano mang puasa ngano mang pen, "Genam nang piam kangok so mo smu TUHAN nogo Samuel hakim so mang lemoi sedue Israel blono Mizpa no. ⁷ Ngano sedue Filistin tupgo sedue Israel wang pulep Mizpa no, iryam kota Filistin siksogo mang klong sedue Israel mitno. Sedue Israel nganemot tap gono, nemotang swali mang tra sedue Filistin nogo. ⁸ Sedue kabung Israel lo mang pu samuel sno, motang TUHAN nogo takwa itak mot se usi imotang sgo, Waly Ayah imgo, imot nogo nemodo imot tama itak sedue Filistin go tasiksogo . ⁹ ngasgoso, Samuel lo domba nok maning minso susup go, itigo mang kop naklai-naklai koino mang puit kurban nangso TUHAN nogo Samuel lo TUHAN sno mang usi sedue Israel sgoso, TUHAN nembut mang wa. ¹⁰ Samuel lo taiti nganemot koi no puit gono, plesedue Filistin yamso dagu no mopung sedue Israel mit sno mo dagu. No,kunganemotno,Tuhanlo mang bergemuruh kukutun kangok golo sedue Filistin blo sno nemotang suep-suep itigo nganemot no sedue Israel lo nemotanggo don pudeng. ¹¹ Sedue kabung Israel Mizpa siksogo mangpung ngano,sedue Filistin mangtruik,ngano susuei klong tap-tap hilir Bet-Kar nopung. mang pung Israel nogo

¹² Ngano,Samuel lo dmu mang iti konh yakna nesip no, Mizpa ei yYesana ei gono. Sip nganemot no sui mang pu Eben-Haezer,ngakalik ngenoyam,Tuhan no imot mawawing.

¹³ Ngekalik,sedue Filistin kusno suing ngano tandali Israel go sip snogo yakna pung. Tuhan go talo sedue kabung Filistin ma but yagui-yagui. ¹⁴ Kota-kota sedue Filistin lo nemogo so lemoigo Israel go tabasik sgo tandali undug wenglak Israel sno, Ekron sikso gasno,nganemot sikso suei mang smu sedue Israel ei sedue Amori ei. ¹⁵ Samuel hakim so mang lemoi sedue Israel blono yagui-yagui. ¹⁶ Yagui-yagui nemodo uwet go kling-kling Betel sno,Gilgal,ngano Mizpa,nemot hakim so mang lemoi sedue Israel blono sip nga naklai-naklai. ¹⁷ Ngano,nemot tandali mangklong Rama sno ngano nemogo yao mang nganogo nemot hakim so mang lemoi sedue Israel blono. nganogo nemoda mezbah Tuhan nogo mang dali.