Mang duing nemon Ondoafi Kuoi Sgo

¹ Sedue sni tap temoi nogo,Samuel lo nemogo duo sedue denok kuoi go hakim so lemoi go sedue Israel nogo. ² Duo tang sgo nemogo sui Yoel,ngano danon meno namon tite nemogo sui Abia,yanggaje nemot namon hakim so mang lemoi Bersyeba no. ³ No nemogo duonang nemotanggo wali no kwa keng. nemotang kangok duoi sgoa truik,wamoi mule kangok so smu. ⁴ Nga sgoso sedue-sedue israel penawon go Samuel mitno mangweng dmusungkoi so pupuit go rama so. ⁵ Nemotanglo nemot sno mang pen neton, Mot do ikum,Mot sedue sni yam no mopung no mugo duo nang mot kalik go kwa. ngeasuigo,atangnogo so ondoafi setaling genam nang nemot no keng sgo saula temung-temung kalik. ⁶ Ngakalik nemoda mang,no,Samuel go dabui kwa iwat nemotang go nembut pen nogo,"atang nogoso ondoafi sekuoi nemogo nembut no atang ma keng. "Dmusung koiso pupuit go Samuel lo dewi mang pu Tuhan sno. ⁷ Tuhan go nembut kluim mang weng Samuel no,"Setup ngago nembut mot no mowenggo pu sgo-sgo so. nga,moda makwa tunguo nemotang logo,no genama Iryam sgo nemotang nogo matunguwo. ⁸ Tasam yangga kerlam mang Genamlo nemotang wawigo punggo Mesir sikso nganemot kalik,nganemot sikso itigo ngeasui gono kabe punga tugun nemotanglo Genam ngasno itak go waiso nali wabu no kabe kokong ngeasui go nemotanglo mot nemot kalik kabe smu dali. ⁹ Ngeasuigo,setup nemotanggo nembut. suei so setup,nemotangno tegadi dok gono ngano sepen nemotanggo sip suing nemot Iryam so lemoi genang nemotang blonogo. ¹⁰ Samuel lo nembut kluim nga Tuhan lo nemot no pengo nga mang pen nawa saula nganemot no nemotang nemot no wadong go nemotanggo Iryam suing genang sgo. ¹¹ Ngano mang pu nenawon,yangge nemot kabe atanggo Iryam nemodo atang nogo nembut mapen: Motang go duo sedue denok makuoi go kreta plesedue kuda blono klak genang,nemotang nemodo banim ma bsi kretaya minsipso. ¹² Nemodo makuoi motang plesudue ingkabui sgo pasukan seribu,plesedue pasukan limapuluh,nemotanglo ladang ma bajak,ngano nemogo sni ma tuet,ngano plai-plai plepung genang,kreta-kretanya. ¹³ Ngano,duo kabung denok makeng dali,nemotang lo rempah-rempah smu genang,tensuik genang ngano,tenwasei nang sgo. ¹⁴ Nemodo ijok gennag sgo seguong nga ladang siksogo ei usu anggur sikso goei,ngano di Zaitun mugo,ngane nemoda seiti kebali so smugo nogo. ¹⁵ Ngano nemodo maiti sepersepuluh mugo beni kwaligo siksogo ngano mugo usu anggur siksogo,ngano se wasei kebali so smugo nogo ngano mugo usu anggur siksogo,ngano se wasei kebali so smugo nogo ngano mugo tamot-tamot nogo. ¹⁶ Nemodo mugo tamot meno mawawi sedue ei kabung ei,ungguot dei kaguit dei yangga suei go seguongnga,ngano mugo keledai,naklai-naklai nganemot nemogo kebali smugenang sgoso. ¹⁷ Nemodo sepersepuluh maiti mogo domba siksogo,ngano mot nemogo tamot so malemoi dali. ¹⁸ Kunganemotno,motang walong ma luik motanggo Iryam motanglo kuoi nga,no TUHAN nembut yakwa tuot kunganemotnogo. ¹⁹ No,saula nganemot yakwa tup Samuelgo nembut pengo. nemotang lo iwot go mang pu, "kwa! Atang go Iryam mang genam nang tuo nang. ²⁰ Genam nang saula-saula ei makerlam,Iryamlo genam nang ma hakimi,mawawigo klong,ngano plepung sgo genam nangngei ma. ²¹ Samuel saula ngago nembut tup wongo,ngano mang pen Tuhan go kama sno. ²² Ngano sam klaut TUHAN siksgo mang weng Samuel nogo, "Setuo nemotang go nembut ngano Iryam se kuoi nemotang nogo. "Ngano Samuel lo mang pu sedue-sedue Israel sno,motang mugo-mugo seklong mugo kota sno.