Perjanjian Waly Ayah Tandali Mo Lekgoweng

¹ Tabut nganemot Filistin go yakna no itakgo banu taiji taiji so namon. ² Sedue Filistin lo dmusung koiso pupuit go mang usigo weng ngano blueso sesemugo sedule nang ei,ngano mang pu, "Sgo kalik so yasmu Tabut Wali Ayah go nemot? Genam nang nopen sgo kalik so ya smu ngenemot nemogo sip sno tandali lekgo yaklong go?" ³ Nemotang lo mang pu, "motang Tabut Waly Ayah nemot Israel sno itigo klong so mo nemogosip sno, tauleso kwa klong motang, no motang, tandali lekgo klong so mo taiti ei kurban konbu suep nang. Ngenemot sgoso, motang sadui masuei ngano motang ma smung-nemogo ta molek motang siksogo." ⁴ Sedue Filistin lo mang pu, "nemot sgo kalik ya atang go kurban penebus salah/taiti kon bu suep nang sgolo yaiti drang tite sgo?" Nemotang lo mang pu, "Iryam kota Filistin sgo nago yamso, taiji yamso patung tikus emas, nga sogoso tulah kerlam go motang ma tradali iryam kota nganemot sgo. ⁵ Smuya patung borok mugo ngano patung usum lo smugo nga motang go nanso waluk go, ngano susu bu sewit Wali Ayah Israel nogo. nganemot kalik so smugo so-nemogo ta malek tandali motang siksogo, motang go nali wabu siksogo, ngano motang go nan siksogo. ⁶ Motang dabui dmu kwa daguin, sedue Mesir kalik ngano Firaun go dabui daguin? Nganemot sikso mang motang nogo munosam-munosam so taling, nemotang lo pugo saula nganemot mang klong? ⁷ Nga sgoso, itia ngano kreta imeninggo sewenggo ta ngano sapi namon ei maning nemogo nok minso kukuguit go, nga maning ku kwa pasang go. Sapi nganemot sedo kreta sno ngano nemogo nok mang se jok go klong tandali yap sno. ⁸ Ngano tabut Waly Ayah nganemot selek go kreta blo sno setui ngano emas nang setui dali ngane modo drang kalik go seiti nganemot sgoso matebus motang go piam-piam nga peti nemogo tebuem. Ngano, pugo Tabut ngnemot seklong. ⁹ Seikum, nemot keklong go yakna nago sno ya iwot Bet-Semes, nemot sikso kusadui kangok go wenggo kwamo, imut masnung smiso-nemogo talo imot nogo piam weng, tebali lemoi imot nago kusadui lemoi. ¹⁰ Sedue kabung nganemot mang smu newon, nemotong sapi namon ei mulok go maning nok minso luluguit go ngano mang dok kreta nemot namon sno. Ngano, nemogo nok ga yap no itak. ¹¹ Nemotang lo Tabut Waly Ayah kreta blosno lekgo mang tui, ngano peti usum emas lo smu go, nemotang go patung borok-borok. ¹² Sapi-sapi nga kaiso tap seguonglo Bet-Semes sno. Nemotang keklonggo ngasno nge sno go kwa dugut ngano, iryam-iryan kota Filistin siksogo masilo keng minsip so klonggo tap nesip Bet-Semes no. ¹³ Sedue Bet-Semes sgo nemotang nemogo usu so gandum suguoi goso teta. Ngano nemotang nemu mang yalap blosno, ngano mang ikum Tabut nemot nemotang lo ngano dabu yakai smu go ngane mot ikum go sgo so. ¹⁴ Kreta nganemot mang dugut Yosua go usu sno, sedue Bet-Semes, ngano, jamang suing. nga sgo dmu kangok go dega, ngano nemotang lo koi nga kreta blo sgo tigek go ngano sapi-sapi nga mang duik koino taiti TUHAN nogoso. ¹⁵ Sedue Lewi lo mang lek tabut nganemot peti ei nemotong mitsgo, ngabano emas nang ei king go, ngano mang tui dmu kangok go blono, ku nganemot no, sedue kabung Bet-Semes mang puit newon nemotang go taiti kop go mang puit ngano taiti TUHAN sno. ¹⁶ Iryam taijim so kota Filistin go nganemot ikum ikum gono, ngano nemotang mang klong Ekron sno kunga nemot no. ¹⁷ Nganemot mang, borok-borok emas drang kalik so itigo sedue Filistin lo taiti nang so nemotang go piam-piam go suep sgo TUHAN no. Meno Asdod siksogo, Gaza sikso klaya Askelon sikso klaya, Gad sikso klaya, ngano Ekron sikso klaya, ¹⁸ emas usum lo smugo nemogo miyam sedue kabung Filistin go miyam sgo kalik nganemot yamso, iryam taiji yamso kota nganemot sgo nemotang go sgo-sgo, nemotanggo kota benteng ngei nemotang usu sip dagu so Abel kangok go ei, nganemot blono tabut mang tui Tabut Waly Ayah nganemot nembut penso lemoi go nghe suigono kabepung Yosua go usuno, sedue Bet-Semes lo. ¹⁹ Ngano, nemodo sedue Bet-Semes sgo mang but temoya, nemotang ikum go Tabut Waly Ayah basno. Nemodo mang but 50.070 yamso sedue nemotang go. sedue kabung nga sgo nemotang uso TUHAN no nemotang no nga kalik so smugo kangok. ²⁰ Sedue kabung Bet-Semes lo mang pu, nando wisi sogo ya ip walong so TUHAN mit nogo, Waly Ayah nemot kudus? Nando mitno nemodo ikum go wisisogo naip walong so TUHAN mitnogo, Waly Ayah nemot kudus kabe? Nando mit no nemot ya klong ngesik sgo imot itak go?" ²¹ Ngano, nemotang lo sedue degui nang sgo mang klong sedue kabung Kiryat-Yearim mitnogo, ngano mang usi, "Sedue Filistin nemotang maitigo wong Tabut Waly Ayah tandali imot sno."