TEGADI SODOK GO SEDUE FILISTIN NOGO DABUI SADUI LEMOI
1 Sedue Filistin no Tabut Waly Ayah go, tabaso lekgo Eben-Haezer sikso Asdod no klong. 2 Ngano, sedue Filistin no Tabut Waly Ayah, lekgo klonggodugut nali wabu yap bano nemogo sui kuil Dago. Nemotang lo Dagon go taiji no tui. 3 Nga utep, sedue kabung asdot sgo wadi kwa bonggo, ngano kabe ikum Dagon kaiso kusno kunonggo dabui kusno kruguok Tabut Waly Ayah mitno dabui ya iwot. Ngano nemotang lo Dagon lekgo tandali nemogo sipno tui. 4 Nga utep, nemotang wadi kwa bonggono, ngano mang ikum Dagon kumong dali go dabui kusno kruguok go Tabut Waly Ayah sno iwot, ngano, Dagon go ingkabui eita namon ei tonggo banom so yataput sno kunong. nganemot no, nemogo saisuk temoi temung maning nemot mit so. 5 Nga sgoso, Dagon nemogo dmusung koiso pupuit go sedue kabung nga nemot no kenggo Dagon no, kwadugut yap nganemot banogo Asdod sgo ngeasui gono kabe pung. 6 TUHAN go talo sedue kabung Asdad sgo dok go mabitep ide kangok go blono ngano nemotang ma lupuk. Nemodo nemotang masuei Asdod nemogo yakna, kusadui lo. 7 Sedui kabung Asdod sgo ikum go nemotang no piam-piam go lemoi go sgo so, nemotang lo mang pu, "Israel go Tabut Waly Ayah imotang mit no kwa tui, nemogo-talo imot nogoei ma waidang ngano Dagon, imgo nali wabu, ije ei." 8 Nga sogoso, nemotang lo pengo ondoafi-ondoafi mang pluep kota Filistin nemot sgo, ngano mang pen, "Sgo kalik so ya smu eyon Tabut waly Ayah Israel go nemot?" ngano mang pu, "Tabut Waly Ayah Israel tandali Gad sno seiti." ngano, Tabut Waly Ayah Israel go nemot lek tandali mang iti nemotang sno. 9 Tandali nemotang sno itigono, ngano, TUHAN go tamang weng nemotang sno, bubongngei tra kangok dega so kota nogoei pung. Nemodo sedule kabung kota sogoei dumum suei dali, denok seguai gosikso itigo sedue kabung kangok gono pung, kusadui piam go nemotang no pung go. 10 Ngano nemotang lo Tabut Waly Ayah nganemot tandali mang lekgo tandali mang klong Ekron sno, sedue Ekron no mang pu, nge kalik, "nemotang lo Tabut Waly Ayah Israel nga molekgo nge sno kabe tui imot but sgoso." 11 Imgo saula ei. "Nemotang no piam-piam go lemoi go, nemotang kota nganemot sgo yamso leguat go, Waly Ayah go talo dumun but go kangok so. 12 Sedule kabung nga kwa kebuong go nga yamso sadui seguong so lemoi ngano nemotang lo wak klung go ut blo negei pung.