Filistin Lo Israel go don Pudeng

¹ Samuel go nembut saula Israel sring no pung. Sedue Israel mang seigo klong sagui pungso sedue Filistin ei. nemotang go kemah klikgo dagu Ebenhaezer ei,sedue Filistin go kemah Afek no klik. ² Sedue Filistin nemotang go suei so iplak go tala-tala seguongso dabui Israel sno iwot. ngano sagui se kekangok,sedue Israel go don pudeng sedue Filistin lo,nemotang lo tuk go enam ribu yamso pleso pupung go bano. ³ Plesedue nganemotnang tandali pulepgo kemah bano,sedue-sedue Israel lo mangpu," Sgokalikgo sikso Tuhan no imgo don pudeng sedue Filistin go nembuem nemukuno? weng imotang tabut perjanjian ya itigo Tuhan go Silo sikso ngasgo nemot maweng imotang mit nogo imotang nemodogoso tamaitak sedue kabung piamgo siksogo. ⁴ Ngano,saula nganemodo nemogo sedue temung kuoi go mang klong Silono,ngano nga sikso nemolo Tabut Perjanjian mang lek go weng Tuhan go. kuknan so lemoi go,nemotang yakotso mang susuing kerup bloso. Eli go danon namon,Hofni ei ngano Penehas ei,nemotamon mitno Tabut Perjanjian Tuhan go mangtui. ⁵ Tabut Perjanjian Tuhan lekgo wenggo perkemahan no,sedue Israel naklai sek mang iti kangok dega so ngano kuknan bubong ei. ⁶ Sedue Filistin tupgo nemotang lo sek tegueng go,nemotang lo mang pu," nemogo snisgo kalik sek ngatemoyam seteguenggo sedue Ibrani go kemah nogo? ngano nemotang mang tup Tabut Perjanjian Tuhan modugut nemotang go kemah banogo. ⁷ Sedue Filistin suali mang tra,nemotang lo mang pu,ilah nemotanggo mangweng nemotang kemah sno,"mang pu tandali,mogobaso imot,imotang nganemot kalikgo maning kwa ikum. ⁸ Mogobaso mang ! Imotang nandolo taya itak nemota nggo ilah basik sgo nga yakwa kenggo sni? ilah-ilah nganemodo sedue mesir mangtuk,kusa meno-meno nemodo itigo padang gurun no. ⁹ Dabui don sekok imot ge sedue hai sedue Filistin imot sedue Ibrani go koibu tasmu so kwa lemoi,nga nemotang mugo koibu tasmu solemoi kalik sedue kalik seip,plesepung. ¹⁰ Nganemotno,sedue Filistin plepung go sedue Israel don pudeng,nemotang koisokuek nemotanggo tenda no neogo-nemogo kaisokuek nemotanggo tenda no nemogo-nemogo,nemotang don pudenggo kangokso itage,nemotanggo pasukan masilo klonggo tiga puluh ribu yamso tuk go. ¹¹ Gano,Tabut Allah nemotang lekgo,ngano Eligo danon namon,Hofni ei Penehas ei nemotang lobut go kebuong. ¹² Sedue Benyamin go tang sikso kaiso kap nemotang mit sik sgo waiso Silo no pung ku nga nemotno,amka yamso tigek ingkabui blo yamso nanlo yomyamso. ¹³ Nemot Silono punggo,Eli ikumgo kursi blososusuing tap ketengso ngaso bubung,nemogo dabui bobong ei Tabut Wali Ayah go nganemot sikso,sedue nganemot punggono mangpen nemotang tukgo plebano,yakna sedue kabung lo ukluogo. ¹⁴ 4Eli nemotanggo utup go,nemodo pangpu, sgokalik tasam lemoi> ngano sedue ngane met wenggono mang pen Eli no. ¹⁵ Eli go yagui sembilan puluh delapan tahun yagui nemu mo sali nemot yakwa ikum. ¹⁶ Sedue nganemodo Elino mang pu,genam sip pleso pupung gosikso kap go,genam plebasikso kapgo ngeasui. "Elilo mangpu,ago duo nang sgokalikmo? ¹⁷ Sedue nga deguoso wenggo nemodo mang pumsedue Israel mo kuek sedue Filistin go nemukusik sgo,atang don mo pudeng yamso,mogo duo namon Hofni ei Pinehas ei mo kubong,ngano Tabut Wali Ayah nemotanglo molek. ¹⁸ Ngano nemodo mang bega Tabut Waly Ayah Eli kusno kununggo dabui ya blosno iwot kursi blosno nemogo yataput ketengno. Buluin don kaise pideng ngano nemot kaiso kebuong,nemot mo sedue sni ngano saisuk moide. Nemot hakim so lemoi gp Israel no yagui 40 yamso,

¹⁹ Eli go duo kabung,Penehas sunun,duo nuso tui yam no,nemot tup go tabut Waly Ayh lekgo nemotang sikso go ngano mugo sedue mokebong,nemot segabuem unik go kaiso duo tui,nemot kaiso kuom ei tra duo tui nang sgo. ²⁰ Nakwagoso nemot mangno kebuong,kabung-kabung nga nemot mitno ipgolo mangpu,mot swali kwa tra,mot mot dwo sedue denok tuigo,"nemot nembut kwa tuot ngano nemu kwa iwot go ikum.