Ayah Lo Samuel so Usigo

¹ Samuel maning saguai gono Tuhan no kenggo Eli lo nemot yai mang suing. ku nganemotno,samklaut Tuhan siksgo kwa ngano usne banogo kwa tetaling. ² Kumenono,Eli nemogo sip blolo sisrek. nemogo nemu sueiso yakwa ikum. ³ Pelita Waly Ayah go maning kwa sut,ngano Samuel usne so sisirek Bait suci Tuhan balo,sip nga Tuhan Waly Ayah ei tuigo sip no, ⁴ Tuhan lo mang usi nemotno,"Samuel,," nemodo mang jawab, at ge so." ⁵ Mang wa ngano mangklonggo Eli mit no mang ip,ngano mangpu," Genam ngego,modo genam sgo usito? "Ngano,nemot klonggo ELimitno ip gono mang pu,genam mot so kwa usi. tandali klong srek. tandali ngano,nemot klonggo tandali srek. ⁶ Tuhan lo tandali mang usi Samuel so,"Samuel, samuel mang bong,ngeno,mangklonggo ip Eli mitno ngano mangpu,"genam ngego,mot genam so usito? "Eli lo mangpu, "Genam mot sgo kwa usi,demsop tandali klong srek. ⁷ Samuel mot Tuhan maning kwa snung. Nembut klaut Tuhan siksogo maning kwapen nemot nogo. ⁸ Tuhan tandali mang usi Samuel sgo da nangglik tite,nemot bong,ngano klonggo mang ip Eli mitno,genam ngego, modo genam so usito? ngano,Eli mang duing won Tuhan no kabe usi duo ngenemot so. ⁹ Nganemotno,Eli lo mangp u Samuel no,"Klong srek ngano nemodo mo usi,sepu,"Nembut pen ya Tuhan,genam mugo hamba matup. " Ngano Samuel klonggo tendali mang srek nemogo sip srek blolo. ¹⁰ Ngano,Tuhan mang weng,ip gono mang usi nemogo dali kalikso, "Samuel! Samuel!" Samuel! Ngano mang wa,"Nembut kluim mangweng,mugo hamba motup kabe, ¹¹ Ngano,Tuhan lo mangpen Samuel sno,snise guongso,genam mot nogo masmu sgo-sgo masmu Israel no sedue kabung nga nemot tup go nemotanggo kama sualo tup go kama ei ma ketok. ¹² Kunganemotno,genama go takebali maplok yangga ado pengo Eli no nemogo yap tenglam sgo,nuik sikso itigo sringno mapung. ¹³ Nga,Genam lo nemot no pengo mugo yap tengelam ado madokgo bitep kaiso nemotanggo piam mosnung,yangga nemogo duo nanglo Waly Ayah so mo wayang,no,nemodo nemotang kwa igon sagui kwa kong nemotang nogo. ¹⁴ Nga sgoso,genam nembut kabe pupu Eligo yap tenglam nogo nemptanggo tasam piamgosik sogo Eligo yap tenglam go kon yakwa suep kurban sembelihan logo ngano ngano taiti kabuino suik gologo yaguino-yaguino. ¹⁵ Samuel srek go wakwa gono pung ngano nemodo yataput Tuhan go tap tumuing. samuel sualiso kwa pen sidisrekso nemot pensgo Eli no. ¹⁶ Ngano,Eli lo Samuel mang usi ngano mangpen,"Samuel dem sop,"Samuel mang wa,genam nggego ¹⁷ Eli lo mang pu,nembut kluim sgo kalikgo pen mot nogo? kwa kok sepen namnogo Waly Ayah mot nogo ma usi,kangok degaso ma,mogo yakotso mo gnam nogo kwa pen mo nga nembut motno pengo kwa gling. ¹⁸ Samuel naklai pen,naklai jasno pen yam so,ngano,Elilo mangpu,nemot nga Tuhan. nemogo nemukuno iknum go nga suei go,neiya selemoi nemodogo. ¹⁹ Samuel mo kangok ngano Tuhan no nemot yai suing takwa itak nemot siksogo nemogo sam klaut klaya kwa itak naklai lemoi nemogo sni. ²⁰ Israel naklai,dan sikso itigo Bersyeba,mang snung sniso Samuel mokuoi dmusung koiso pupuit go Tuhan no. ²¹ Tuhan no nemogo saisuk mang taling Silo no,nemodo nemogo saisuk talinggo Samuel no SIlo no nemogo sam klaut lo Tuhan siksogo.