Taiti Suei Mangpu

¹ Tuhan dewi mang pu ngekalik, Ago dabui yakai kangok Tuhan snogo,ago matu kabe iti blosno Tuhan no,ago lom balo mapen sedue kabung gnam so piam duinggo,genam dabui yakai kangok so trago mot sang waligo. ² Sedue kabung Tuhan kalik kudus go kwa,sgo-sgo kwa manggo mot seguengnya,kumunduim kwa dmu kwa Waly Ayah kalik go, ³ Nembut naklai blosno kwa klak,mugo yakai lombasikgo kwa pung,nga Tuhan,Waly Ayah mo snung mang,nemodo goso motang go nembut pen ije eigo,iwogoma snung. ⁴ Plesedue go ple unen mppudeng,no sedue kabung nga da sadui ei suinggo don moiti kui tegan dok genang. ⁵ Sedue kabung nga banim go nutemoi ei susunggo ngeasui go nemotang go saisuk temoi duoi so lemoi ten sgoso. namon,sedue kabung nga banim go duo mata sgo,ngeasui go mo kuok, ⁶ Tuhan no but go,ngano,mawali. Nemodo nanbasno making sedue kabung kebuong go sip sno,nga basikso maitigo klak blo sno. ⁷ Tuhan no smuwongo sgo-sgo kwa ngano,ulong mataso nemodo mot sgo-sgo kwa goso malemoi,ngano blosno maiti. ⁸ Nemodo sedue kabung wakotgo maiti sung blosiksogo sedue kabung sgo-sgo kwago nasrok blosik sgo maiti saula-saula ei klai gono masuing sueigo maiti sip suing suei go. ⁹ Seudue kabung nga naklai Tuhan no kenggo-nemodo yai masuing,sedue iseng kangok go kuklik go bosno maijok go tega. nga,nemogo don logo nemotangso mo nagluim kwa. ¹⁰ Tuhan no makusop nemot so wai-waisgoei waidang go,nemodo kukluim matogut ut blo sikso,Tuhan no nomotang klai-klai maksigo nan sringno pung. ¹¹ Ngano,ngano Elkana nemogo yap sno mang klong Rama sno,no duok nganemot Tuhan go nnembuya penklong dmusung koiso pupuit go Eli nemodo yai mang suing. ¹² Eligo duo nang sedue kabung kunala suei kua go tabat kangok. Nemotang Tuhan kwa snung, ¹³ Ngano dmudung kaiso pupui golo nembut tegadi pengo saula nganemot nogo. kuno sedue kabung lo nemotanggo taiti tigo wenggo mokep,manai mosuik,dmusung koiso pupuitgo koibuta smu maweng lak surom ei nemogo glang nangglik gei go ei tano mlok go. ¹⁴ Ngano,ngano maplok blang bata basno,kwago blang basno,meno periuk bano,kaiso naklai naklai maplok surmlo,nganemot naklai maijok dmusung koiso pupuit golo memogo nemot nogoso. nemotang go tasam ngenemot kalikso mataling sedue Israel nga nemot nang mitno wenggo nogo Silono. ¹⁵ Menodali,nemogo binya maning kwa duik gono,dmusung kaiso pupuit go koibutasmu maweng ngano,mapu seduk kabung nga manai kurban nangso itigo wenggo sno,itigo wengga manai nga ya duik go dmusung koiso pupuit gonogoso,nemot manai nga dali suikgo moiso,nonga maning kwasuik goso. ¹⁶ Sedue nganemodo mopu nemot sno,namboya nemogo binya naduik,ngano seiti mot ikumgo nagoya mugo dabui no trago," ngano,koibu tasmu dmusung koiso pupuitgolo mangpu,genam nang gotite itiya ngeasui! kwagomo,atang so maijok silu. ¹⁷ Nganemot kalik mang duo nungguot kaguit nemotang piam kangok Tuhan nogo, nemotanglo taiti kurban sgo,waiso piamso pu Tuhan itigenang. ¹⁸ Samuel Tuhan go kebali so sesemugo. Denok nganemot no amka efod mang kok amka lenan siksogo, ¹⁹ Unen lo subutgo jubah seguaigo nemot nogoso,ngano nemogo kinin ei moklong mo taiti kurban yagui yam nogo ei ne mogo jubah seguai go nemodei maitigo klong nemot nogoso. ²⁰ Ngano,Eli lo Elkana blono tamang tui ngano snun blonogo,ngekalik mangpu Tuhan no mot blonogo taiti maiti duo nang sgo mot sno. kabung ngenemot siksgo wai nangse meno Tuhan sno meno moiti ganemot wai sgo. ngano nemotang tandali mangklong nemogo yapsno. ²¹ Hana go wali Tuhan no yaisuing ngano nemotduo nuso ngano tuigo duo seduedenok nangglik yamso ngano kabung denok namon ei. Samuel yamso kangok Tuhan go nemu kuno. ²² Eli sedue sniso molemoi,nemogo duo naglo sgo-sgo smugo nemot yamso tup sedue Israel no smugo,kabung nge kamya-kamyaso uwetgo yataput tenda pertemuan no, ²³ Nemodo mang pu nemotang sno,mot sgoso tasam ngakalik go smu? Genam tup go modo tasam piamgo smu go saula ngesikso genam tup go. ²⁴ Nga kalik so kwa smuei dem sop,nga tasam suei kwago genam lo tupgo modo ngakalik smugo sikso sedue kabung Tuhan no kenggo nogo kenso malemoi. ²⁵ Duo menolo menoduo no piam mo smu,Waly Ayah lo nemot nogo tang ma usi. nandolo mo smu Tuhan no,nandolo ya kong yon? No,nemotang yakwatup nemogo Ayahlo nembut mang pengo,Tuhan nemotang ngasno mabut. ²⁶ Samuel nga maning kekangokgo ngano,nemot suei Tuhan go nemu kunogo ngano sedue kabung mata sgo mitnogo. ²⁷ Sedue Waly Ayah go kebali so sesemugo mang weng Eli mitno,"Nge nembut Tuhan siksgo; Genam go saisuk temoiso sni mugo babu asino nemotang maning mezir so suing gono,Firaun go tang baso? ²⁸ Genam lo nemotang kuoigo Israel go tang siksgo nemotang nganemodo,dmusungkoi mapupuit genam nogo,taiti ijokgo uwenggo kurban nangsgo mezbah Genam go,ukupan sepuit,ngano baju efod sekok nembuem nemuku no,Genam lo moiti naklai kurban puit nang,sedue Israel nomogo babu asinogo. ²⁹ Motang sgoso genam nemu keteng golo ikum ngano ago taiti suik go nga adopugo sip suing genamo suinggo? mot sgoso mugo duo nang sogo susubu kangok so wit Genam nogo nganemot kalik kwa? modo mugo saisuk temoi kangok go suei go sni mot nogo so taiti suikgo ago sedue kabung Israel logo? ³⁰ Nga sgoso,Tuhan go nembut kluim,Waly Ayah Israel genam nembut tegadi kabe dedok nemogo yap tenglam ngano mugo babu asi mawali ago nemu kuno yagui yagui,no ngeasuigo Tuhan go nembut,nga sno seitak genam mitsiksgo,nando lo genam sno susubu wit,genam nemot nemu ketenglo maikum. ³¹ Sni seguongse,ku nganemot nogo mapunga yun ado mugo tadon mapudeng ngano mugo yap tenglam basgo sedue kabung go tama pudeng dali,motang go yap tenglam basogo sedue sni yakwa ikum,kabung nalo ya kwa ikum. ³² Mot ikum go ago sipsuing sno tuguot glung so ma susuing.naklai-naklai suei go ado itigo sedue Israel sno sedue kabung yakwa nalo sedue sni sgo yakwa lemoi yap tenglam basogo manisemani. ³³ Ngano,sedue kabung nga damoi ei kwa iram go,ago mezbah siksgo nemogo nemu mawaluk,nemogo yalu ma u wet tebali sip kwa, naklai mogo tang makubuong pada masa akil baliknya. ³⁴ Mot nganemotno seikum nga nemogo tasam,lemoi nong sgo,mugo duo namon no,Hofni ei ngano Pinehas ei ma kebong ku kerlam gono. ³⁵ Genam lo makuoi dmusung koi so pupuitgo nga matupgo kong. ago dabui ngano iku lo duinggo ado nemot no yap tenglam sueigo/tuguopgo naiti nemot do keklonggo sedue kabung nga genamlo tatuigo blo suguong lo maklong. ³⁶ Sedue kabung nga unam kwago mugo yap tenglam sikso madong susubu witso nemot no duoi sgoso perak,roti temung sgoso,ngano mapu,genam no sip taling nga kebali nangsgo dmusung koiso pupuitgo nemogo roti temung dam nang sgo so.