Ei Yonatan ei

¹ Nembut yamso pengo Saul ei Yonatan go dabui yuku klaya goso molemoi Daud goei. Yonatan lo nemot no klum trago nemogo saisuk no trago kalik. ² Ku ngane mot no,Saul lo nemot mang wawi ngano mang pu ayah go yap no kwa klong. ³ Yonatan nembut mang dok Daud ei,nemot sgo kluim kangok nemodo nemogo saisuk so klum nago kalik. ⁴ Yonatan nemogo jubah mang itak nga nemodo kekok go,ngano mang iti Daud nemogo amka pleso pupunh goeimtengan ple,ngano kuiteganso dodok goei. Ikumgo Daudgo usei sniei

⁵ Daud maklong Saul lo pugo nagonogo,ngano sni malemoi nganemot so Saul lonemot ingkabui plepung nangso lemoi nganemot ikum newon go suei sedue kabung naklai lo ikum newongo nga Saul nemogo kebali sedue lo ikumgo nemot kalikso pudali.

⁶ Nemotang yap sno wenggono,Daud plepung go sedue Filistin ei nemotang nggo don pudenggono,kabung-kabung Israel sgo naklai pulep jasno mang ukukuka wa usra wata iryam Saul uweng goso,ngano rebana kukuluinh,yakai ei ngano gerineing ei. ⁷ Kabung-kabung nganemot usre wata u kukuluwo wai waiso Saul don sugai pudenggo beribu-ribu,Daud logo berlaksa-laksa. ⁸ Saul dabui piam kangok so mang tra,nemotang lo pepen go nembut nge nemogo dabui sesat dei tra. nemotang taguei ineton go Daud go berlaksa-laksa,ngano genam sgo beribu-ribu,ngano sgo ya yaiti tandali go krajaan moti ge. ⁹ Ku nganemot no mang,Saul lo Daud sgo nemu nemuso mang luik. Swali Mangtra Daud Nogo

¹⁰ Ngantep,waglo swei kwa go Waly Ayah sik sogo mang li Saul bano nemot mawo go kalik so lemoi nemogo yap bano suon tano mulok go. Daud kecapi se kukluing nemogo tala,nemodo kuno-kuno sgokalik so klrung nga nemot kalik kuno-kuno. ¹¹ Saul lo suon mangtuk,ngakalik duinggo,genam suon tuk go nemot lukgo kaiso ding sno masbut,no Daud kedaso kusno lut tanamon yamso. ¹² Saul swali mang tra Daud nogo,TUHAN no nemot yai susuing ganogo. nemot Saul mit sik sgo ket sna klong.

¹³ Nga sgose,Saul lo nemot pugo ket sno mangklong ngano Saul lo nemot kueigo pasukan seribuso lemoi. nemotno ingkabui mangpu,nemot klonggo ngano wenggo yakna sedue kabung mata sgo blono, ¹⁴ Daud go takebali smugo naklai-naklai sueiso lemoi,ngano TUHAN no nemot yai suing. ¹⁵ Ngano,Saul ikumgo Daud go kebali suei so smu nemot suali mang tra nemot nogo. ¹⁶ No,sedue kabung Israel naklai ngano kabung Yehuda nemotang Daud no dabui iti,nemot klonggo ngasikso wenggo nemotang mit nogo ei pung. ¹⁷ Saul lomang pu Daud sno,snisaguongso,ago dua kabung denok trang so tuigo,merab,modo seiti go kabung so selemoi. No,mada sedue gaga perkasa se lemoi genam nogo mot ple se pupuing TUHAN nogo. Ngano,Saul lo ngekalik mang duing,ago talo nemot kwa but,no itak go sedue Filistin go talo mabut. ¹⁸ Ngane,Daud lomang pu Saul sno,genam nando tegano ago sat,hang nando,ngano ago ayah nang yap tenglam Israel sgo,genam iryam go doknin so lemoi go? ¹⁹ Nga sgodo,kunga nemot no pung gono,merab dok sgoso,dup kabung denok Saul go,Daud sno,kabung nganemot Adriel no bainang mopu,menolo siksogo sedue,nemodo moiti kabungso. ²⁰ Mikhal,Saul go dunun,Daud so mang duing tion ngano Saul no mang pen newon,nemot mang yang won. ²¹ Saul lo mang pu,"Genam go duo Mikhal ya ma dok nemot sno,duo nge tegan so malemoi nemot nogo, Filistin go talo mabut." Saul lo mang pu Daud sno,danamon tite,ngeasuigo kuno,mot ago doknin. ²² Ngano Saul pugo nemogo kebali sedue,Daud no sepen yakotso,ngekalik kebali sedue motno dabui itigo,nga sgoso,motse duing,iryam go doknin selemoi sgo." ²³ Saul go kebali sedue lo mang pu Daud sno,no ngekalik Daud lo mangpu,mode duing nembut nganemot suei modo ikumgo iryam doknin selemoi go? genam nge sedue sgo-sgo kwago ngano nemu keteng lo ikumgo. ²⁴ Saul go kebali sedue lo nembut ngane mot nang pen nemotno, Nganemot kalik mang Daud go nembut pen, ²⁵ Saul lo mang pu,Daud no sepen ngekalik,iryam drang sgo kwa pu wa no seratus yamso sedue Filistin go kulit katan nga wai nangso iryam go dabui piam sedue Filistin nogo. ²⁶ Ngano,kebali sedue lo nembut nganemot mang pen Daud sno,ngano Daud mang yang won nemogo doknin solemoi genang sgo,kunemot nogo maning kwa pung. ²⁷ Daud mang ipgo klong nemogo sedue nemot ne benggoei,ngano mang dua ratus yamso mang sedue Filistin go don pudeng ngano mang nemotang go kulit khatan jok go weng. ngano Saul lo Mikhal mang itak danone snunso mang lemoi. ²⁸ Ngano,mang Saul ikum ngano mang snung Daud nge TUHAN no yai susuing,ngano,Mikhal nemogo dunun klum kangok, ²⁹ Saul swali mang tra Daud nogo,ngano Saul waiso nemot nogo sagui se nemogo Wali banogo nemot sgo moiso kaiso woi masut. ³⁰ Ingkabui Filistin mang ip plesge,Daud gosui blosno keklong kebali sedue temungei yakwa kerlam Saul go ei,ngano nagono-nagono nemogo sui suguong pen klong.