Lo Israel Kuepgo

¹ Sedue Filistin pulep newon go nemogo plesedue plepung sgoso. Nemotang sokho no mang pulep,nganemot nan Yehuda so,ngane kemah smugo nesip no sokhoei ngano Azeka ngenemot Efes-Damim. ² Saul nemogo sedue Israel ei mang pulep klaigono ngano nemotanggo kemah Lembah Tarbantin no mang klik. Nemotang iplak go tala-tala seguongso dabui sedue Filistin sno mang iwot. ³ Sedue Filistin munduim menono maang pulep ngano sedue Israel kumunduim meno blono mang pulep dali nesip nga dai. ⁴ Ngano mang pung sedue so bubut go plesedue Filistin go,nemogo sui Goliat,yakna Gat siksogo nemogo walong enam hasta sejengkal. ⁵ Nemodo kurgo nemogo ingka buino ketopong tembaga nemodo amka kokgo amka Zirah nemogo keteng-keteng kontrop ei smugo. nemogo ije 5000 syikal tembaga. ⁶ Nemogo masi tembaga lo mang kibet,ngano nemogo suon yalu blono ta. ⁷ Suon nemogo taso mulokgo pesa kalik. ⁸ Nemot ipgo no mang tra,Israel go sedue sno,ngano mang pu nemotang sno,motang sgoso pung sgoso tala-talasolot? motang kwa snung genam nge sedue Filistin ngano motang Saul koibu tasmu? motang kuoi ya sedue motang nogo nemot ngeno wawigo weng ngesno genam mit sno. ⁹ Nemot genam eigo sagui ya pung nemodogo genam yabut,genam nang nemogo koibu tasmu so malemoi no ngekalik,genam lo nemot butgo,motang atanggo koibu tasmu so selemoi ngano genam nangno setup. ¹⁰ Sedue Filistin nemodo mangpu tandali,genam ngeasuigo Israel go sedue kabung so kabe kukuep. Genam mitno pugo weng mena duo genam nemodei sagui yapunggo,klaya-klaya duo." ¹¹ Ngano Saul ei nemogo plesedue nembut nganemot tap gono,nemotangggo dabui suguai ngano suali trago. Punggo Plepung so

¹² Daud nga denok sedue Efrata siksogo nemogo duo nemogo sui Izai,nemotang Betlehem-Yehuda siksogo Izai go duo sedue denok taiji-taijiso nangglik yamso. nganemot nogo Saul lo ta mulokgo,nemot nemogo tuigo yagui mamiyam sedue sno mo pung. ¹³ Ngano Izai go danon trang sgo plepung so klonggo Saul no. Nemotang nangglik plepungso klonggo nemotanggo sui Eliab,trang sgo,namon tite Abinadab,nangglik titesgo Syama.

¹⁴ Daud nga satsgo,nemogo duo nangglik trangsgo ei Saul no keng. ¹⁵ Daud mang klong nemogo yap no Saul mit siksgo nemogo ayah go domba yamso susuinggo Betlehem no. ¹⁶ Sedue Filistin nganemot mang weng dagu no wadikwa ngano use,nemotang go sip nemodo suing go ku empat pulu ku yamso. ¹⁷ Isai lo mang pu Daud sno,nemogo danon,itia efa klaya bertih gandum ngano roti sepuluh yamso,ijok go klong aka nanggo kemah no. ¹⁸ gano,taiji namon keju gekepala pasukan seribu no iti. ikum dali motnang go aka nang mo selamat gano tanda klaya seiti go weng. ¹⁹ Saul ngano nemotang ngano sedue Israel naklai-naklai nemotang lembah Tarbantinso susuing maning pleso pupung sedue Filistin ei. ²⁰ Daud wadikwa sni bonggo ngano nemogo domba-domba itak sedue menono itak go,ngano nemot mang klong nemogo ayah lo pengo kalik. nemot kemah no punggo,nemotang moldong plepungso,nemotang tala-tala so ipgono kekelong ngano bebega. ²¹ Sedue Israel ei ngano sedue Filistin ei nemotang go pel sedue tala-tala so ipgo,ngano dabui waiwai so iwot. ²² Daud lo nemogo ulong menodu no mang itak nemodo yai masuing,ngano nemot mang kap plebasno. ngano punggo,nemodo mang usi ago aka nang suei so. ²³ Ngano nemot suinggo nemotang ei nembut so pepen,ngano,sagui so pupung sedue nemogo sui Goliat,sedue Filistin Gat sikso,mang sei go weng sedue Filistin iplak go basikso. nemodo nembut pengo kerlam,ngano Daud mang tup. ²⁴ Sedue Israel naklai-naklai nemot ikum go,nemotang kaiso kuek swaliso. ²⁵ Sedue Israel lo mang pu,motang mo ikum sedue nga motang mitno ipgo? sni seguong so,nemot wenggo sedue Israel kuep so. sedue nga nemot but nang sgo mo,nemot no ulong mataso ma ijok iryam lo,ngano nemogo duo kabung denok nemotno maitak ngeno nemogo tang no go Israel nogo nemotang nogo kebebasan maiti. ²⁶ Daud lo mang usi sedue -sedue nemot mitno wisisi gono nemot daguno,ngano mang pu,"nemot sgokalik ya smu sedue nga sedue Filistin. nemot so but gonogo,ngane mot sgoso nganemodo kuep go nga maklong sedue Israel siksgo? sedue Filistin nando suk kwa tonggo ngekalikso nge Waly Ayah go sedue kabung so kuep go,mot sni se wali. ²⁷ Nemotanglo nemot no pengo nemogo nembut pensikso,ngane mot kalikso mang sedue ngane mo do nemot kuno mabitep. ²⁸ Eliab,nemogo entaton trang sgo,tupgo nemot sedue temung ei nembut so pepengo,sagui mangkong Eliab lo entaton sat sno Daud,ngekalik,mot nandolo pugoso weng ngenogo? nga imgo domba nandono itak padang belantara sgo? genam mo snung mugo wali ngano mugo iseng dabui basgo,motweng go plepunggo ikumso. ²⁹ Daud lo mang pu,no genam sgo smu? genam nemot so usitugo. ³⁰ Ngano,nemot mitsiksgo kaiso ip,klonggo sedue temung mitsno,ngano mang usi tandali,ngano nemotanglo nembut nganemot tandali pen nemotno. ³¹ Ngano nembut nga Daud lo pugo mang tup,nemotanglo mangpen Saul sno,ngano nemot so mang usi. ³² Daud mang pu Saul sno,motang ngakalikso kwa nemoge dabui iwot dei go nemot nogo, Hamba nge maklong sagui pung sgo sedue Filistin nemot ya ikumgo. ³³ Saul lo mang pu Daud sno,mot dogo yakwa wa sedue Filistin ngaei sagui pungsgo,imot maweng seguai,nemot nga maning seguai gosikso plesedue sgo molemoigo ngeasui gono mang pung. ³⁴ Nganemotno,Daud lo Saul sno mang pu,hamba nge mo mlai ago ayah go domba so gembala go,singa ei beruang ei moweng mo domba nesip basikso ei beruang ei moweng mo domba nesip basik so muloksgoso. ³⁵ Genam logo matruik ngano masugluk,ngano domba nemogo lomba siksogo ma kwala go itak bitep go itak lomba siksogo. nemot genam so mo sugluk mo,ado nemogo tuguwo dit no ma mulok,ngano nemot mabut go kebong. ³⁶ Hamba ngelago mobut,singa,beruang,sedue Filistin nga kwa sunat go nga ma kerlam nga manai ado but go kalik,nga nemodo wayang go barisan Waly Ayah wali. ³⁷ Daud lo mang pu tandali,TUHAN lo genam ta mang itak singa go taglang lo genam kulep go,ngano beruang logo,nemot dali lo genam tama itak sedue Filistin ngasik sgo,Saul lo mang pu Daud sno,klongnga! mot TUHAN lo yai masuing! ³⁸ Ngano,Saul lo nemogo amka pleso pupunggo Daud sno mang iti,ketopong tembaga,nemogo ingkabui blono kut,ngano baju zirah itidali. ³⁹ Daud nemogo tengang baju pleso pupungggo blosno tui,ngano nemang klong,nemot ngakalik ko maning kwa kok. Daud do mang pu Saul sno,genam yakwa klong ngekalik go eiga,genam ngekalik go maning kwa kok, ngano,Daud lo nga naklai mang sok go itak. ⁴⁰ Daud lo tuguoli,mang iti tano ngano dmu mang ijok tano taiji yamso bu basikso ngano dabui kebebano king manai nemotang go ngane mot yamso susuinggo nganemot ma glung nga nemogo,dmuso kikinggo,umban tano mulok,nemot dagu mang ip sedue Filistin mitno. Lo Goliat Butgo

⁴¹ Sedue Filistin nganemot klonggo Daud mitno ip,sedue nga nemogo perisai ei go nemogo nembuem nemukuso. ⁴² Sedue Filistin nganemot ikum gono Daud so nemu mang kluik,ngano,nembut sukikwago mangpu ikumgo nemot maning ungguot dato bombomso,ngano nembuem dato suei maning guluenso. ⁴³ Sedue Filistin mangpu Daud sno,genam nge udo mot tugoli ei wenggo genam mitno? ngano sedue Filistin nganemodo Daud kutukgo demi nemogo allah.

⁴⁴ Sedue Filistin nemodo mang pu Daud sno,"weng genam mitsno,ngano ado mogo kdong winok sno maiti blolo plinggo keklong gono ngano manai nga kulo uwet gono padanglo. ⁴⁵ Daud lo mang pu sedue Filistin sno,mot genam mitno wenggo ple ei,suon nei,ngano lembing ei no genam motmit no wenggo TUHAN go suino ku knan so lemoi go Waly Ayah barisan Israel ngamodo kuep go nga. ⁴⁶ Ngeasui TUHAN no mot ago tano maiti. ado mot kuno mabitep ngano mugo ingkabui matong. kungeno,ado mugo temoi maiti ngano mugo plesedue Filistin go temoi maiti winok blolo pling go klong go sno,ngano manai duen balogo sno,ku knan sringno-sringno snung sgo Waly Ayah Israel go mang. ⁴⁷ Sedue kabung naklai-naklai snung sgo sniso TUHAN no sedue kabung taitak genang sgo plelo,suonlo,yakwa nga TUHAN nemogo tangso ma prang ngano nemodo imot sno maiti." ⁴⁸ Sedue Filistin nganemot seigo wenggo,ngano daguno ip Daud mitno,Daud kedaso kap nemotanggo barisan bano ip ngano mang nemotang but nemodo dugut,ngano mang kunung dabui kusno kluguok nan blosno. ⁴⁹ ...... ⁵⁰ Nganemot no,Daud do sedue Filistin go don mang suguoi,nemogo tanogo dmu ei plekwa. Daud nemodo sudue Filistin kaiso bunuh go nemogo tabalo. ⁵¹ Daud kap go sedue Filistin nemot mitno ip,ngano mang ip nemot mitno.nemodo nemogo pedang mang iti,ngano mangsek nemogo sabuip basik sgo,ngano,nemogo ingkabui mang tong. Sedue Filistin nganemot ikumgono nemotanggo don kangok go sedue mokebong. nemotang kaiso kuek. ⁵² Sedue Israel mang ip wisiso ngano Yehuda ngano sek teguenggo ngano sedue Filistin mang truik go Gat no pung ngano temung pintu gerbang Ekron no pung;sedue Filistin nga but go mataso taplo kebonggo tap saaraim,Gat no pung ngano Ekron no pung. ⁵³ Ngano,sedue Israel mang klong plepunggo siksogo Filistin ei ngano nemotanggo kema truong. ⁵⁴ Daud lo sedue Filistin nemogo ingkabui mang lekgo mang klong Yerusalem sno,nemotang go plai naklai-naklai perkemahan no itak. ⁵⁵ Saul ikum go Daud seigo klonggo sedue Filistin mitno,nemodo mang usi Abner sno,pleseduego ingkabui sno,"duo nungguot nganemot nandogo danon,Abner? Abner lo mangpu,ago tuan Waly sgo nemot no kabe pusitugu,iryam,genam kwa snung. ⁵⁶ iryam lo mang pu,seusi,nganemot nandogo danon. ⁵⁷ Daud weng gono sedue Filistin ei saguipung go sik sgo wenggonomAbner lo nemot mangusi ngano mang wawigo klong Saul mitno,nemogo tano Filistin go ingkabui mulok. ⁵⁸ Saul lo mang usi nemot no,mot nando go duo,duo nungguot? Daud lo mang pu,mugo hamba,Isai,sedue Betlehem.