lo Sedue Amalek Tukgo

¹ Samuel lo mang pu Saul no,TUHAN no pugoso genam wenggo mot urapigo iryam malemoi nemogo Israel blono,ngeasui,mot setup sam klaut TUHAN siksogo. ² Ngekalik kabe sam klaut TUHAN siksogo,kuknan so lemoigo,Ado wai maikum setue Amalek lo tasam piam go sedue Israel no talinggo,nemotanglo sedue Israel pung nang sgo Mesir sikso nemotanglo tap tonggo. ³ Ngeasui go seklong,sedue Amalekgo don sepuideng,nemotanggo sgo-sgo nga sno setega,nemotang nogo klum kwa tra,setuk sedue ei kabung ei ngano duo seguai-seguai go minsosusupgo,sapi ngano domba,unta ngano keledai. ⁴ Ngano,Saul lo sedue kabung usigo naklai,ngano tagu mang iwon tara-tara so ip gono telaim no. dua ratus ribu yamso plesedue masilo klonggo,ngano sepuluh ribu yamso sedue Yehuda. ⁵ Saul klonggo kota Amalekno ngano mang tap mulep lemba no. ⁶ Saul lo mang pu sedue Keni sno,klong ketsno. kuilo-kuilo klong sedue Amalek siksgo mode meno but dei go modei nemota ngei,nga modo tasuei taling go sedue Israel naklai no,nga nemotang Mesir sikso punggo "sedue keni ketsno mang klong sedue kabung Amalek nesip siksogo. ⁷ Saul lo sedue Amalek go don pudenggo Hawila sikso itigo syur no pung,nemotang woiklak ijiso Mesir. ⁸ Nemodo Agag mulokgo,iryam sedue Amalek go,wali waliso mang wawigo weng,nemogo sedue kabung yamso tuk tengang lo. ⁹ Ngasgoso,Saul ei nemogo sedue kabung ei klum mang tra Agag nogo,domba ngano sapi-sapi suei go ngano tambun,domba go nok,naklai-naklai nga suei go nemotang lo naklai kwatak,nonga suei kwa-suei kwa goya mang tuk yamso. go Kon

¹⁰ Samklaut TUHAN siksgo mangli Samuel sno, ¹¹ Genam tuguot glungso kabe susuing Saul no tebali iryam pugo,newot genamlo pugo yakwa tup,Samuel dabui sadui mangtra ngano nemo do dewi pugo TUHAN sno wadi kuklik gono.

¹² Samuel wadi mang bong Saul ey tugu sgo,no,Samuel no ngekalik mangpu, "Saul moklong Karmel no,ngano mang snung,nemodo tenda peringatan klikgo. "Ngano nemot tandali iwotgo mang klong Gilgal sno. ¹³ Ngano Samuel mang weng Saul mitno,Saul lo mang pu, Mot kabe berkati TUHAN lo, genam kabe ip tugu samklaut lo pugo kebali nemot smuso nembut TUHAN siksgo. ¹⁴ Samuel lo mangpu, ngakalik so mo,sklaik sogo kluim kambing go domba go ago kama nogo,ngano kluim sapi-sapi logo yangga genam tupgo? ¹⁵ Saul lo mangpu,"nemotanglo ngane moa naklai jokgo wenggo sedue Amalek logo,sedue kabung naklai lo pugoso kwabut ya jokgo klonggo kambi,domba ngano sapi suei-suei goya taiti so maiti TUHAN nogo nangso,Waly Ayah imgo. ngano,temung matasgo ngasnobut yamso. ¹⁶ Ngano,Samuel lo mang pu Saul sno, "nemotlo ! Mot tup ado mapen motnogo TUHAN go nembut genam sno pengo wadi, "Saul lo mang pu nemot no,pena. ¹⁷ Samuel lo mang pu,motang se mot ikum go seguai no,mot ingkabui so mang lemoi tang meno-meno blono Israel go. Ngano mot urapi go TUHAN lo iryam so mang lemoi Israel blono? ¹⁸ TUHAN no mot kuoigo nemogo kebali mang. Nganemodo pugo,seklong,ngano setuk sedue kabung nga tasam piam gse sesumugo nga,sedue,Amalek,nga modo setuk nemotang yamso. ¹⁹ Mot TUHAN go nembut nogo sgoso kwakeng? mot sgoso jarahan iti ngano tasam piamgo smu TUHAN go nemu kuno? ²⁰ Saul lo mang pu Samuel sno,"Genam kenggos nembut TUHAN gono ngano kebali nge smugo yangga TUHAN no pugo kalik genam no. genam lo Agag mulok goweng,iryam Amalek go,ngano ado sedue Amalek yamso tuk. ²¹ Ngano sedue kabung lo menjarah kambing domba ngano sapi-sapi nga suei go seguong ya TUHAN nogo taiti nang sgoso,Waly Ayah genam nanggo,Gilgal sgo. ²² Samuel lo mang wa,nganemot TUHAN mang taling nga mogo taiti puitgo nemot sgo ngano mugo taiti kap go nganemot TUHAN go nembut motno wenggo mang tup? Mot tup go ngaya suei mang,ngamodo taiti kopgo itigo nga kwa,nemogo nembut tup goya suei mang,nga modo domba kemsi go binnya ei yakwa kerlam. ²³ Nga,kon bu klikgo nga modo mo wayang nali wabu no takonggo ngano terafim mang kerlam mot mo tungu wo,modo sam klaut TUHAN siksogo mo tunguwo,ngaso kabepu nemot mot iryam so lemoi sgo motu ngawo. ²⁴ Saul lo mang pu Samuel no,genam piam snugo sueiso kwa kenggosikso nembut TUHAN gono ngano,nembut pensikso,genam yakna sedua kabung no swali tragonggaso nemotangga nembut no kene, ²⁵ Nge sgoso,ago kon suep ba,ngano tandali wengga genam mitno genam tandali susubu witgodewi tandali TUHAN nogo pu sgo. ²⁶ Samuel lo mang pu Saul sno,"Genam motmit nogo yakwa idong,mot samklaut TUHAN siksgo mo tu nguwo,ngano TUHAN no mot iryam sgo mo tunguwo Israel blonogo mot yakwa suing. ²⁷ Samuel taton iwot go keklongm,Saul lo nemogo jubah srino mulok go kaiso tigek. ²⁸ Ngano,Samuel lo mang pu nemot no,ngeasui TUHAN no mugo sipsuing nga ma koyak iryam sgo TUHAN no mugo sipsuing nga ma koyak iryam sgo Israel blonogo mot siksgo ngano maiti meno duo blosno nga suei gono mot kalik so kwa. ²⁹ Nga nemot sgoso,sang Mulia nga Israel siksogo wamoi mule yakwa smu ngano nemot dabuisadui yakwa tra,nemot sinok yabung nganemot se dabui sadui ya tra. ³⁰ Saul lo mangpu,genam piam mosmu,no ngea suigo genam no susubu witda seduesni-seduesni nang mitno ago saula ngano sedue Israel mitno,ngano wengga genam mit sno,no genam TUHAN no tandali klonggo susubu wit sgo Waly Ayah imgo. ³¹ Ngano,weng ga,Samuel Saul no keng,ngano Saul wenggo TUHAN motno susubu mangwit. ³² Ngano,Samuel lo mang pu,wawigo weng Agag ei. iryam sedue Amalek go. Agag mang weng nemot mit no yakai ei,Agag lo mang duing,ngeasui go dabui bite ei maso mo klong. ³³ No ngano,samuel lo mang pu,mugo tengang lo kabe kabung-kabung duokwa,mugo miya nganemot kalik so mang nemogo duo makwa kabung-kabung temung ngaei yakwa kerlam. " Samuel lo Agag kaiso tengang lo ibot TUHAN go nemu kuno GIlgal no. ³⁴ Nganemotno,Samuel mang klong Rama sno,ngano Saul nemogo yap sno klong GIbea sno. ³⁵ Samuel kwa ikum tandalugo Saul ngano nemot mang kebong,no Samuel go dabui ba uso Saul kebonggo tup go. TUHAN tuguot glung so Saul lo iryam Israel blono suing go sikso.