Pasal 14

Yonatan Plepung so Filistin ei

1 Ku menono,Yonatan,Saul godanon,nemogo hamba plai so melokgo,weng imot yaklonggo plesedue sedue Filistin go nga ijiso mang got nesawon ngano,nemot kwapu nemogo ayah nogo. 2 Saul yakotso sringso Gibea didelima go nuikbaso nemot Migron so,yakna sedue nemot yaisosuing go enam ratus yamso. 3 Ahia,anak Ahitub,entaton ikabot,Penehas go duo,Eligoduo,dmusung koipuit go Silono TUHAN sno,nemodo amka Efod mangkok kunga nemot nogo. ngano sedue kabung kwa snung Yonatan moklong. 4 Tap keklong nga munduim sno keklak go nemot kedaso useigo sip nga plesedue Filistin susuing go nganemot no pung genang so,nga sgo dai kangok go mang munduim demu don blo iji dai kangok go ngano iji snogo dai kangok go dali, menogo sui Bozes,ngano menogo sui Snen. 5 Dai kangok go meno dun iji,nembuem nemuji nogo Mikhmas,ngano temung dali woi sut iji,dabui iji nogo Gibea. 6 Yonatan lo mang pu nemogo hamba plaiso mulok gono,weng imot yaklonggo plesedue sedue kabung nga kwasunatgo mitno. TUHAN no imot no kebali maplok,TUHAN go tap mulep go kwago nemotang meliknang,sedue kabung mata sgo nangglik geigo." 7 Plaiso melokgolo mangpu nemot no,smuanga naklai-naklai mugo dabui baso mang,ngamodo duduinggo. ikum,genam modei kerlam so ma,mugo dabui no trago kalik smu ya. 8 Yonatan lo mang pu,ikum imot sekeklong nemotang mitno sedue-sedue nganemot mitno,nemotang imot ikum sgo. 9 Nemotang lo imot no mopumo,nambouya se genam mang motang mitno wenggono,imot ngeao masusuing imgo sipso ngasno kwa nemotang tugu sgo. 10 Ngano,nemotamonlo mopumo,klakga genam nang mitno,imot maklak,ngano,TUHAN lo nemotang imko tasno maitak. ngane motno imot masnung. 11 Ngano nemotamon nemotanglo ikum go plesedue Filistin lo mang pu,ikum sedue Ibrani nga punggo putba-putbasikso nemotang songo sip basikso. 12 Sedue-sedue plesedue nemotang lo mang bega Yonatan sno nemogo plaiso malokgoei,klakgo,genam nang sno keng,TUHAN no nemotang moitak sedue Israel go tasno. 13 Yonatan talo memelok ngano mangklak masilo gualing,ngano plai ei mulokgo nemot sno keng. sedue kabung nganemot mang kebuong Yonatan mitno,nganemogo plaiso melok golo taton sikso butgo. 14 Nga sagui daklaya punggo,Yonatan losmu go nemogo plaiso mulok goei,nemodo tukgo dua puluh yamso dagu sikso dari alur bajak usuno. 15 Ngano,swali mangtra perkemahan nogo,nga padang no,sedue kabung naklai. plesedue ngaso kabung naklai pasukan ngasgo ngano boi balogo bubongei kuknan bubong ngei ngano nemotang swali trago kangok degaso. 16 Saul go nemuso luik go ngano Gibea nogo Benyamin lo mang ikum,ngano mang ikum sedue kabung naklai banom-banom kuekgo. 17 Ngano Saul lo mang pu sedue kabung sno nengei kerlam so keklong gono,tagei,ngano ikum nando klong imot mit siksgo,ngano nemotang tagu mang li,Yonatan ei nemogo plaiso mulok goei kwa. 18 Ngano,Saul lomang pu Ahia no,ngesno lek go baju efod Allah! "nga,nemotlo mang kok baju efot Allah ga ku ngano israel sikabung basno. 19 Ngano,saul lo nembut mang pen dmusung koiso pupuitgono,seguei perkemahan nogo sedue Filistin gono kangok se selelemoi. Saul lo mang pu dmusung koiso pupuit gono,mugo talek!" 20 Saul ei nga sedue nemotno kenggo ei klaigoso lemoi gono mangklong plepungso. Ngano mang ikum nemogo tangsemeno duo lo nemogo andua mangluk tengang lo. Ngane motno sagui kangok go punggo. 21 Sedue kabung Ibrani nga kerlamso sedue kabung Filistin ei ngano nemotangei klonggo perkemahan no punggo ngase suing lakgo sedue kabung nemota ngei keng sedue Israel sno tap bungso Saul ei ngano Yonatan ei. 22 Sedue kabung Israel songo Efraim go kumunduim lo tupgo sedue Filistin yamso sualiso mo kuek. nemotang klaigoso lemoi gono mang truik minsip so plepunggo balo. 23 Kunga nemot nogo sedue Israel TUHAN no yaisuing plepung go nganemot ple kangok go so lemoi go klonggo Bet-Awen nogo ei pung. lo Piam Meno Smudali Go

24 Kunganemotno sedue kabung Israel lo sagui smugo Saul lo mang pu tegadi sedue kabung no,ngekalikso gono,ago dabui piam wai maning kwa lemoi gono,sedue kabung nganemot siksogo wenggo kwadam sgo-sgo. 25 Sedue kabung yakna nganemot sgo naklai-naklai duen bano klonggo ngano nemotang mang ikum sonsi mang ngaso,nan bloso. 26 Ngano nemotang duen bano klonggo,ngano mang ikum madu yeleng ngei klong,nemot guluik nang sgo kwa talo lomba sno sre,nemotang suali so tegadi modok go sikso.

27 Yonatan kwa snung nemogo ayah lo tegadi dokgo,nemodo tuguoli sring kinggo tano mulokgo ngano mangtang madu nemot ngasikso nemogo talo derokgono lombasno pi,ngano nemogo nemu mang pli. 28 Ngano,sedue meno nemogo yakna siksogolo mang pu,ngekalik,mugo ayahlo sedue kabung nogo tegadi mangdok daguinnei,ngekalik"Piam-piam blono manglak nandolo modam ngeasuigo kuno,nganogo sedue kabung lason ei tebunggo. 29 Yanatan lo mang pu,agoayah lo tasam piam go kabe smu. koikum ago nemu naklai negulong sni,kangok so nga dropgo seguai so madu nemot. 30 Matasgo,kungeno yakna sedue kabung motaso madam nemogo duduingno duo menogo womkalik so itigo. no ngeasuigo,mataso kwa malo sedue Filistin. 31 Nemotang lo sedue Filistin yamso don pudeng ngeasuige kuno,Mikh mas sikso itigo Ayalon no pung. 32 Nemogo sedue kabunglo uluong temung womso ijok,kambing domba sapi,sapi nok,kop go nanblono ngano sedue kabung nganemodo kin ei kin ei dam go. 33 Ngano,mang pen Saul nongekalik ikum mugo sedue kabung kon mo smu TUHAN nogo mo waidong kin ei dam go motang genam no mo waidong,dmu kangok go luguok genam mitno ngeasui. 34 Saul lo mang pu,ngasno klong nemotangei klai goso lemoi,ngano sepu nemotang no nemogo-nemogo lembu sewawigo weng ngano domba genam mitno,ngeno kopgo sedam,kon kwa smu TUHAN nogo kin ei kwa dam" nganemot sgoso,sedue kabung naklai,nemotang wenggo lembu ei ma wawi wadigo ngano makop. 35 Ngano Saul lo mezbah mangklik TUHAN nogo nge mezbah kudenso klikgo kabe TUHAN nogo. 36 Ngano,Saul lo mang pu,weng imotang wadi seguong so sdue Filistin ya truik go nemotang go ulong yamso ijok go no woi mapli. temung kwaitak nemotang nogo,ngano nemotang lo mang pu,"smu ya nga modo ikum go sueigo" no,dmusung koiso pupuit golo ngekaliso kabe pu,"weng imotang dagu no Waly Ayah ngeso. 37 Saul lo mang usi Waly Ayah sno,genam ya li Filistin truik sgo? modogo nemotang sedue Israel go tenogo ya itak? No,nemot 38 Ngano,Saul lo mang pu,dagu sno suong yakna sedue ingkabui-ingkabui,motang se snung,yakna sedue ingkabui-ingkabui,motang se snung ngano seikum sgokalik pegop lemoi go ngeasuigo kuno. 39 TUHAN nge sni wali,sedue Israel tase mulok go,tasam piam go nemot Yonatan lo smuego agoduo nemot dokgo makebong. No sedue kabung naklai-naklai nemotang nembut kwatuot. 40 Ngano,nemodo sedue kabung Israel naklai-naklai no mang pu,motang banom so seiplak genama Yonatan neima,ago duo ei,banom dali so maip,sedue kabung naklai lomang pu Saul sno,smuya moda duinggo tasam nga suei. 41 Saul lo mang pu,ya TUHAn Waly Ayah Israel taling nga suei goya,"Ngano mang ikum Yonatan ei Saul ei,yakna sedue kabung nogo sogo-sogo kwalemoi. 42 Saul lo mang pu,motang undiya genam ei Yonatan ei go,ago duo,ngano mang ikum Yonatan. 43 Saul lo mang pu Yonatan sno,penya genam no,mot sgo smu,ngano Yonatan lo mang pen ado madu mang dam seguaiso tuguoli go sring no tanggono agotano mulok golo. genam ya kubong. 44 Saul lo mangpu,"Waly Ayah lo genam no kebaide gabe glung,kangok degaso,mot dok go makebong,Yonatan. 45 Ngano,yakna sedue kabung lo mang pu Saul no sniso Yonatan ya kebong,nemodogo tangso kabe ple punggo atang don kwa pudeng Israel sui blosno pu? ngakalik go nga sno itak, suiso TUHAN nemot Wali yakwa kunung buto lapklaya datogo ingkabui blosiksogo kuknanblono go,sniso Waly Ayah ei goso,nganemot kalik go ma smu sgeasuigo,yakna sedue kabung lo Yonatan tegan mang plet,nganogo nemot kwa dok go but temoya. 46 Saul ngano yam tandaligo kwa truik sedue Filistin,ngano sedue Filistin nemotanggo yakna sno mangklong. Plepunggo Israel So Piam Duinggo ei

47 Saul iryam so lemoi gono Israel no,nemodo sedue kabun nga Israel so ikle go nemotang ngei plepung go,Moab,sedue Amon,Edom,iryam Zoba,sedue Filistin,sipnga sgo naklai. nemot nogosno klonggo,nemot don kwa pudeng. 48 Swali kwatra,kwa tuwei,sedue Amalek yamso don pudeng,sedue Israel taitak sedue kabung lo nemotang dokgo.

49 Saul go dup nang Yonatan,Yiswi,ngano Malkisua,duo kabung denok namon go sui Merab,trang sgo,ngano Mikhal,nganemot no kenggo. 50 Saul go snun sui Ahinaom,nemogo duo Ahimaas. Plesedue ingkabui go sui Abner,Ner go duo,nemogo wate Saul. 51 Kish Saul go ayah ngano ner Abner go ayah Abiel go duo nang. 52 Ple kangok go pung go Filistin ei yagui-yagui nemodo sagui pupunggo sedue Filistin ei. Saul lo sedue don kangok go maikum,ngano sedue utno srikgo moikum mo,nemodo ma tagom,klaigono.