Lo Mang Pen Daud Nogo

¹ Saul lo mang pu Yonatan nomogo danon,ngano sedue kabung naklai nemogo kebali sedue Daud mabut ngano sno,no,Yonatan,Saul nemogo danon nemot Daud sgo kluim kangok. ² nggga sogoso,Yonatan lo Daud mang pen,ngekalik "Saul ago Ayah,nemot mang usei mot butso.ngaso suey so se utep wadi kwago.suing so mo sip nga mot yakwa ikum gono sesuing. ³ Genam jasno punggo moip genamogo ayah mitno mang,padang so sio nga mot son goso,ado map en aya snogo mot sgo,ngano maikum nemot basgo sgokalik so ya,ngano mapen motno. ⁴ Ngano,Yonatan lo mang pepen Saul sno,Daud go tasuei talinggo,ngano nemogo Ayah sno, nemot sno ngano mang pu nemot sno,Iryam logo tasam piam go ngakalik go yakwa smu,nemogo hamba nogo,Daud nemodo mot nogo piam kwa smu nemogo tasuei kangok. ⁵ Nemodo wali sgo kwaduing plebanogo sedue Filistin don nemodo pudeng nga sgoso Tuhan lo nemot no karunai kemenangan kangok go iti sedue kabung Israel naklai blonogo. mot ikumgo ngano modo dabui yakai smugo,ngeasui mot sgoso ijilo iwot go nemot sgo kunala piamgo suing,nemot basgo piam kwa go sgokalik yabut ⁶ Saul lo Yonatan go nembut tup gono ngano Saul lo mangpu"sniso Tuhan mot wali,nemot yakwa but". ⁷ Ngano,Yonatan lo Daud mang usi,ngano mang Yonatan lo nembut nganemot no,ngano,Yonatan lo Daud mang wawi go klong Saul mit sno,ngano nemot tandali kebali mang smu tandali banimgo kalikso. Tandali Mang Usei Daud But Sgo

⁸ Ple tandali mang lemoi. Daud plepungso mang klong sedue Filistin ei,ngano nemotang go don pudeng nganogo nemotang temung yamso kuek nemogo nembuem nemu siksogo, ⁹ Ngano,waglo suei kwa go TUHAN siksogo mang li Saul blono nemot nemogo yap baso susuing,suon tano itigo ei,nganemotno,Daud kecapi so kuku kling nemogo talo.

¹⁰ Ngano,Saul lo suon tukgo Daud suon loklikgo kaiso ding sno subut sgoso. no,Daud kedaso kut adisno suon kapgo ding sno plok,ngano,Daud kaiso kap wadi go nemot. ¹¹ Ngano,Saul lo nemogo sedue pugo mang klong Daud go yap no Daud nemu klikso ngano nemot bua so wadi kwa,Mikhal,Daud go sunum,nemot sno mang pu,mot ngesui wadi go kwa kap mo," utep wadi kwa go mot mabut neyon. ¹² Ngano,Mikhal lo Daud mang nemulukuik gano jendela blolo mang li ngano nemot mang kap nemotang nemot kwa but. ¹³ Ngasikso,Mikhal lo terafim mang iti gono nemogo sip srek blono tui,nga blono kambing dit subut go mang kut ingkabui temung no,ngano nemgo selimut lo kibet lolo sikso. ¹⁴ Ngano Saul lo nemogo sedeu se memlokgo kuoi go mang pugo klong Daud mulok so,snunlo mang pu,"Nemot saduiso". ¹⁵ Ngano,saul lo pugo mang klong Daud ei ikum,nemogo sipsrek gei lekgo weng ngeno ma but silu. ¹⁶ Ngano,nemogo sedue kuoi go ngane mot mang dugut,ngano mang ikum sip srek blo sgo terafim kambing go dit subuk go ei ingkabui terafim kambing go dit subut gaei ingkabui bui te mung no. ¹⁷ Saul lo mang usi mikal sno,"Mot sgoso genam mule to ago musa taitak go klong go susuoi so mopung? "Mikhal lo mang pu Saul sno," Nemodo mang pe genam sno,genam kabe keklong,mot sgo kalik go sikso ya kubong. Mangklong Teda Rama Sgono

¹⁸ Daud kap go tang so mang wali. Nemot klonggo rama no mang pung Samuel motno,Nemodo naklai-naklai pen Saul lo tasam ngataling gonemotno,Ngano,nemot mangklong samuel ei nayat so suisuing. ¹⁹ Saul sno mang pen,sni seguongso,Daud nayat so mang,ngano Rama so. ²⁰ Saul lo nemogo sedue so mulok mang pugo klong Daud mulok so. No,nemotang ikum go dmusung koi so pupuit go mataso bernubuat,ingkabui kalik go Samuel. Ngano mang lii waglo Waly Ayah siksgo mang dugut Saul go sedue nemodo pugo wenggo nemotang bano ngano nemotang mang nubuat dali.

²¹ Nembut ngane mot Saul sno mang pen,nemodo sedue temung mang pugo weng dali.nemotang nemotang nubuat dali. da nang glik tite mang pugo weng,nemotang nubuta dali. ²² nemot Rama no mang klong. Nemot sumur kangok dagu no Sekhu mitno, Nemot mang tetanya, Samuel ey Daud ey nagono klong? sikabung mang pen nemot no,nemot Nayot so mang gigit Rama sno. " ²³ Ngano,nemot mang pugo klong nga sno,nayot sno,Rama sno,ngano,waglo Waly Ayah sik sgo nemot bano dugut go ngano nemot keklong nemodo tap klonggo nubuat klong nemot nayat na pung,Rama no. ²⁴ Ngano nemogo amka saisuk siksgo sok,ngano punggo nemot Samuel mitno nubuat go. Nemot kusno kunung uleso woi klaya sut,kulaya blong wadigo,ngasikso sedue kabunglo mang usi,Saul nga nemot dmusung koiso pupuit daligo?