¹ Istana Salomo lo buong-ngam go. Yagui tigabelas ba no Istana ngga, Salomo lo buong-ngam go. Yagui tigabelas ba no istana ngga yam so buong-anangam go. ² Nggaey, nan Libanon go duien no, istana gemang buong-ngam dali. Istana ngganemot go walong seratus hasta yam no, kuibata lima puluh hasta, blo sono go walong tiga puluh hasta yam no. Blo sono go walong, tiga pulu hasta yam no. Ngga ey, nemot go dingkabui diaras lo, tala empat so, kutrui diaras balak blo no gemang king-sing. ³ Istana ngga go blo idi, di balak lo gemang kebet-sing. Dingkabui empat puluh lima yam sogo lo, blo sono lek go. Dingkabui ngga tala limabelas yam so. ⁴ Ngga ey, nemot go dualiput tala empat dali so gemang tong-sing. Duali put ngga way-way so, gemang iwot-dak ⁵ Nemot go yataput naklay, balak segiempat lo kong-sing go. Yataput ey dualiput eygo naklay, balak segiempat lo danangglik so tong-sing. ⁶ Ngga ey, begit king-sing go blo no Saliyap genang klik-gam dali. Saliyap ngga, nemot go, masiwalong lima puluh hasta, kuibata tiga puluh hasta. Nggaey, seboy sono, bauk gemang klik dali. Nemot go begit, tenglam ey, seboy temu no gemang kong. ⁷ Nemot susuing genamg salyap gemang klik. Ngga ey, Neneyboy genang yap gemang klik dali. Sip ngga naklay, di Aras pap lo tebok-sing go. Nemot go waklap sik so iti go, e... klawasong no gemang pung. ⁸ Salomo lo susuing go yap ngga go teglo idi no, nasong sono salyap memo kerlam dali go gemang klik dali. Ngga, yam so klik gono, Firaun denun salomo lo senun so iti go nogo sogo salyap nemot kalik dali so gemang klik. ⁹ Drang blo dega sogo demusamon lo yap ngganemot naklay, klik go. Tengang pahat ey bor eygo lo pung-sing go demosamon lo klik go. Idi-a idi demu ngganemot seguong lo gemang tebok-sing. Kutrui sik so iti go, dia idi naklay no pung. ¹⁰ Nenot go kutrui naklay, duoy blo dega sogo demu dali lo gemang ta-sing. Demu kangok-kangok go, nemot go yam, sepuluh hasta ey delapan hasta ey. ¹¹ Blo idi nogo drang blo sogo demu pahat lo tong go ey di aras ey go yam nogo gemang. ¹² Teglo ey, nasong ey, seboy eygo idi logo demu pahat kangok go tala klaya so, di aras balak blo no naklay kong-sing. Ngga kalik dali so Woy Wali yap dabui ba ey dia idi eygo, dia idi saliya ngga eygo kerlam. ¹³ Nggano, deguena Salomo lo mo-ak go tamot gemang klong, Tirus sik so, Hiram wawi go weng genang so. ¹⁴ Hiram ngga tang Naftali go kabung nalo lo tui go danon, nemot go nglangin nanTirus sik sogo sedue. Hiram nemot go kebali, tembaga logo taut so sesemu go sedue. Deguena Salomo sono nemot weng gono, tembaga logo taut nemot lo gemang pi-sing. ¹⁵ Tembaga logo neguon namon ey nemot lo gemang pi. Neguon meno go walong 18hasta, tegan 18 hasta lo pok go, ngga kalik dali so neguon namon tete sogo gemang pi dali. ¹⁶ Ngga ey, srok mot genang so namon dali so gemang pi dali. Neguon namon ngganemot go beto blo no kok genang sogo. Tembaga lo pi go. srok kok go ngganemo go walong 5hasta yam no. Srok kok go namon ngga walong kerlam. ¹⁷ Ngga ey, besitegan berpelin lo keba gemang klik dali. Keba klik go ngga lante lo pok-sing go, srok kok go mlak genang so. Tuju dali srok meno blo no, tuju dali srok meno blo no. ¹⁸ Ngga ey, di delima don tembaga lo gemang pi-sing dali. Neguon ngga temoy nogo sogo, tala namon ey. Keba ngga kebat genang so, srok kok go sring kebet genang so. Ngga kalik dali so, neguon meno nogo delima don gemang pi-sing dali. ¹⁹ Neguon srok kok go beto blo salyap ngga go seboy nogo bakung go un kalik go gemang pi dali. Nemot go walong 4hasta yam so. ²⁰ Neguon srok kok go ngganemot beto blo logo keba kalik klik golo nesip no gemang pok-siing. Delima don 200 yam sogo lo gemang teguot-sing, srok namon kok go ngganemot temoy nogo. ²¹ Ngga ey, neguon kangok go namon ngganemot, seboy dabui ba idi, sip bata gono gemang kong-sing. Neguon tasamla idi sogo kiking gono, Yahin so sui gemang pu. Ngga ey takalik idi so kiking sogo no, Boas so sui gemang pu-ngam. ²² Bakung un kalik pi go ngga, neguon namon ngga ey nemot go srok kok go eygo beto blo no gemang kong. ²³ Ngga ey tembaga lo, warlok so biap bu tete sogo gemang pi-nawon. Nemot go bata 10hasta, nemot go pupuem 5hasta, tegan yam lo tui go bata 30hasta yam no. ²⁴ Ngga ey, labu seni kalik go ku idi lo teguot go biap ketang lo gemang poksing, sepulu hasta yam so. Labu tala namon ngga ey, buap bu ngga ey kekey so daklaya tembaga lo pi-sing go. ²⁵ Sapi duabelas yam sogo blo no, biap bu ngga gemang kong. Sapi ngga, nanglik ey biap idi sono iwot, nanglik dali pay sono iwot, nanglik dali woyklak sono iwot, nanglik dali woysut sono iwot. Biap bu ngga, sapi ngga go tatondi blo no gemang kong. Nemotnang dabui ba idi seguong sono gemang iwot-sing. ²⁶ Nemot go pupuem ngga, tadabui pupuem yam no mo kerlam. Nemot go sring-a, mangkuk bakung un bata go dua ribu liter bu sre genang kalik so gemang semu. ²⁷ Taut king go koklong genang sogo kleta, tembaga lo gemang pi-sing dali. Kleta pi-sing go ngga, nemot go walong empat hasta yam no, bata empat hasta yam no. ²⁸ Ngga kalik kleta ngga gamang pi-sing. Nemot dam kebet genang, dipap lo gemang semu dali. Dipap ngga, kekay so nemot go di ey ey gemang semu. ²⁹ Di ey semu go, dipap ngga temoy nogo menay singa, sapi, diun sam semu go ey gemang glung-sing dali. ³⁰ Taut king genang kleta temoy nogo roda tembaga lo gemang pi-sing dali. Kleta klaya go temay nogo roda 4 yamso gemang semu. Nemot go ku nogo srok 4yam so gemang mot-sing. Bu ulu genang sogo sip nogo. Srok ngganemot dia idi sik so gemang mot-sing. nemot go-nemot go diun ey gemang glong-sing. ³¹ Kleta ngganeot go lom, srok mot go dabui ba isi so gemang hasta klaya blo sono. Nemot go lom muong so, hasta klaya yam no gemang semu. Ngga ey, nemot go lom ngganemot temoy nogo sam ey gemang klik-sing, nggano, dam kaduin genang sogo dipap segi4 so muong so kua. ³² Nemot go roda 4 ngganemot kadun genang sogo dipap kuidi no gemang semu. Nggano, roda so glung go ta taut so kiking go kleta temoy no gemang semu. roda ngga go babu 1hasta ey setengah hasta ey. ³³ Roda ngganemo semu go, kleta temoy nogo roda kalik dali so gemang semu. Nemot go glung genang ta, taglang, warlok go, nemot go nap, naklay ngga tembaga lo pi-sing go. ³⁴ Nemot go 4yam sogo kleta go tebuem 4 no srok so mot go ngga, kleta taut so kiking go kutrui ey klaya. ³⁵ Kleta ngganemot go blo idi nogo, rlok go gemang, nemot so teguot go, setengah hasta yam so.Taut so kiking go kleta ngganemot blo sogo, nemot so mot-dak -sing go srok gemang dali, kebet genang sogo dam ey srem kerlam. ³⁶ Nemot go ta dabui idi no sam gemang klik, yangga nemot so motdak go srok temoy nogo. Nggano, dipap dam kadun genang sogo temoy nogo, kiwalitamot, singa, nggano di kurma, nemotgo-nemot go sip no, diun ey gemang pi-singnemot temoy lo gemang teguot-sing. ³⁷ Taut so kiking go kleta ngga 10yam so ngga kalik so gemang semu-sing. Naklay ngga tembaga lo kerlam so gemang pi-sing, ngga ey srok so mot-dak go kerlam dali. ³⁸ Ngga ey, buulu genang sogo sip 10 yam so tembaga lo gemang pi-sing. Sip ngga klaya go ba nogo bu 40 bat so mea sre, sip klaya go nemot go yam 4hasta. ngga, kleta klaya go blo nogo, buso ulu go sip ngga, klaya-klaya gemang kong. 10 kleta ngga blo no nemmot gonemot go. ³⁹ Kleta ngga, 10 dali yap ngga tasemla idi no kong, 10 dali yap takalik idi no gemang kong-sng. No, biap bu tembaga lo pi go ngga-a yap tasemla idi no gemang kong. Ngga woysut idi takalik idi seboy no gemang kong. ⁴⁰ Blangbata, butaguoy, srom, saula, busosot go, naklay Hiram dali lo naklay gemang semu-sing. Deguena Salomo lo pen go kalik so gemang semu, Woy Wali yap ba nogo nang so. ⁴¹ Neguon namon nemot go srok so mot go ey nemoy go wengkabui blo no go ngga, nggano, nemot go blo nogo rlu go o kebet go keba ngga; ⁴² delima don 400 yam sogo, keba namon ngga so kebet go tala namon ey go ngga, srok mot go so kebet go neguon blo sogo, ⁴³ kleta 10 so mot-dak go ey buso ulu go sip 10 kleta taut so kiking go blo sogo ey; biapbu klaya go, sapi 12yam sogo blo sogo ngga, ⁴⁴ biapbu klaya go, sapi 12yam sogo blo sogo ngga, ⁴⁵ blang bata naklay, debit laklay, saula buso pipi go naklay ngga Degena Salomo lo pen go kalik so Hiram lo semu go taut, Woy Wali yap ba nogo nang sogo so. Tembaga suik golo pi go taut gemang. ⁴⁶ Yordan pay no, nan kuensi ba no deguena lo pi go. Nan kuensi nan Sukot ey nan Sartat ey go nesip no. ⁴⁷ Nggano, taut miam dega go ngga Salomo lo ngga no iatk go, nemot go ide tagu i genang sogo yakua. ⁴⁸ Woy Wali yab ba sogo taut temu Salomo lo gemang semu dali, yangga; demusamon logo demusung, ten loti tui genang sogo media emas lo semu go, Nemot go suongku no kong genang sogo. ⁴⁹ butegot 5 dali tasemla idi no, 5 dali takalik idi nogo, nasong temu no demusamon lo ut go taut, diun, lampu-lampu, ngga ey tebalop-tebalop, naklay demusamon lo semu go. ⁵⁰ budrop genang daysruk-daysruk, tengangbiso tengangbiso, tabuso ulu go saulategun, ngga ey koy so puit go sip demusamon lo dok go, yatap sip ngga ba idi sebut genang sogo engsel-engsel, yangga teguop seni go sip ba nogo, nggano, sip bata go dabui ba sogo woy wali yap ba nogo. Ngga naklay demusamon lo semu go ⁵¹ Ngga ey, Woy Wli yap ba nogo takebali deguena Salomo lo semu go tagemang kebuo-ngam. Ngga ey, nglangin Daud logo taut teguop go ngga ba sono Salomo lo gemang degut-sing, yangga: demusamon, perak, ngga Woy Wali yap ba nogo sogo taut nang sogemang ta-sing.