¹ Yagui 18 tete sogo, Yerobeam Nebat go danon lo Yehuda tamlak go ku no, ² Yagui nangglik yam so, nemot lo Yerusalem no ta mlak go. Nemot go unen go sui, Maakha, Abisalom go denun. ³ Nemot , nglangin lo pluok go kuklue piam kalik dali so gemang pluok. Nggano, dabui lo Woy Wali Iram, Israel go Ki Wali Iram nogo, kua keng. Nemot babu Daud lo keng go kalik so kua keng. ⁴ No, Daud tang sogo so, Woy Wali Iram lo nemot nogo duo nemot nogo Yerusalem no gemang iti. Nemot go sipsuing, nemot way so deguena so gemang taling, ngga ey Yerusalem gemang gigit. ⁵ Daud lo keng duk go Woy Wali iram go nemuku nemot pen go demu trui naklay no keng go pluok go tang sogo so. No, Uria sedue Het ngga temoy nogo kuklue-a kua i. ⁶ Ngga ey, Rehabeam ey Yerobeam eygo ple gemang pupung nemotnamon go wali naklay be nogo. ⁷ Abiam lo plok go naklay, nemot go wali naklay sam bano mo klik. Senang so, Abeam ey Yerobeam ey ple pupung go naklay, sam ngga ba no mo klik gemang. ⁸ Ngga ey Abiam kebong go, asi babunang ey gemang tuet, Daud go yakena Yerusalem no gemang tui. Nggano, danon Asa lo deguena nglangin way so gemang suing, Yehuda nogo. ⁹ Yerobeam lo Israel no tamlak go yagui 20 tete nogo, deguena so Yehuda nogo, Asa lo gemang suing. ¹⁰ Yagui 41 yam so, Yerusalem no Asa lo tamlak go gemng suing. Nemot babu sui, Maakha, Abisalom go denun. ¹¹ Asa lo pupuok go, seni eygu, Woy Wali Iram go dabui no iwat go-a nemot babu Daud logo kali so gemang pupluok. ¹² kamea ibe so pupuok go tasam nemot lo nan ngga sik sogo gemang suep-sing. Ngga ey, nemot go babunang lo klik go ida demat demu naklay gemang togut-sing. ¹³ Ngga ey, nemot babu, Makha, nemot go sipsuing "Ibu suri" sik sogo nemot lo gemang yat dali, nemot lo demat asyera klik go tang sogo so. Ngga ey, Asa lo demu piam go asyera ngga gemang togut. Ngga no, Kidron pay no, puit go, koy lo gemang dasing. ¹⁴ No, menay so tong go sip medui logo-a kea togut. No, Asa go dabui naklay Woy Wali Iram no mo iti, nemot wali go ku naklay nogo. ¹⁵ Ngga ey, nglagin logo taiti-taiti teguop ikak go, Woy Wali Iram nogo so, Woy Wali yap bano iti geo gemang klong. Yangga, perak, demusamon, nggano taut meno-meno gemang dali. ¹⁶ Nggano, Asa ey Baesa Israel go deguena eygo ple gemang pung. ¹⁷ Baesa Israel go deguena weng go, Yehuda go deguena Asa ey plepung genang so. Rama lo kuom don gemang mot-dak, Asa Yehuda go deguena go pung-degut wik genang so. ¹⁸ Asa loWoyWali Yap ba so gigit go taut, demusamon logo, pelak logo, deguena go yap ba so taut sip sogo, nemot go kebali sedue go ta no ikak genang so. Ngga ey, deguena Asalo sedue mot-dak go, Benhadad Tabrimon go danon Hesion Aram go deguena Damsik so susuing go dano sono, ngge kalik gemang pen:" ¹⁹ "Mot ey genam ey tegadi mo dok, nggano, nggano mot go aya ey genam go aya eygo. Genam lo taiti mot sono mea iti go weng, yangga, perak ey, demosamon ey. Mot ey Baesa Israel go deguena eygo tegadi, se ply-dak. Genam sik sogo nemot teguey genang." ²⁰ Deguena Asa lo guing go ngga, Benhadad lo tup go, ngga ey, nemot go plesedue lo Israel go yakena-yakena sono klong go ple gemang klong go pung. Nemot lo Iyon donkua go, Dan, Abel-Bet-Maakha, nggano Kinerot naklay, Nggano, nan Naftali naklay nemot lo ple gemang pung. ²¹ Baesa ngga tup gono, Rama sono don iti go gemang sok, ngga ey Tirza no gemang susuing. ²² Deguena Asa lo sedue kabung Yehuda naklay wawising go, demu ey di ey Baesa lo Rama nogo so klik go. Di ey demu eygo ngganemot lo, deguena Asa lo Geba-Benyamin ey Mizpa ey gemang semu. ²³ Deguena Asa nogo nebutpen naklay, nemot lo ple pung go nebut, nemot go tasam naklay, nemoy lo yakena-yakena tong go nebut, ngga naklay Namun bano yam so mo klik gemang. Nemot yamso srawe go nogo, Asa nemot go sadui masi no gemang tra. ²⁴ Ngga ey, Asa kebong go, asibabunang ey gemang tuet. Nemot asi Daud go Yakena no gemang tuet. Ngga ey, danon Yosafat lo, deguena sogo gemang suing, nglangin way sogo. Deguena so Israel nogo ngga, Nadab gemang. ²⁵ Yerobeam danon, Nadab lo Israel tamlak go yagui namon yam so, Israel tamlak go. Asa deguena so, Yehuda no suing go, yagui namon tete no, Isrel no deguena so suing go yagui namon so. ²⁶ Nemot lo puok go, Woy Wali Iram go suong ku nogo, tasam piam go-a. Nemot go nglangin go taybat no keng go. Nggano, kuklue kon piam-a sesmu. Ngga tang so, sedue Israel keng go piam pupluok dali. ²⁷ Suku Isakhar sik sogo, Ahia go danon Baesa lo nebut ou go, nemot ey plepung genang so. Gibeton no, nemot Baesa lo gemang but go kebong. sedue Filistin go nan sang ba no. Ku Nadab ey sedue Israel ey Gebeon no wok teguot gono. ²⁸ Asa lo Yehuda tamlak go, yagui nangglik tete no Baesa lo Nadab but go gemang kebong. Nggano, nemot way so deguena so, Israel no Baesa gemang suing. ²⁹ Beasa deguena so Israel no suing gono, Yerobeam go yaptenglam naklay nemot lok ge gemang leguot. Klayanang go wali so itak go kua. Nemot lo naklay tuk-sing go ngga, Woy Wali Iram lo pen go ey se kerlam. Nemot lo Nemot go nabi go lom lo pen go kalik so. Ahia sedue Silo ngga lo pen go kalik. ³⁰ Ngga lemoy go ngga, Yerobeam lo pluok go kuklue piam ey mo kerlam. Ngga tang so, sedue Israel kuklue piam mo pluok dali. Ngga tang so, Woy Wali Iram, Israel go Ki Wali Iram, dabui sadui mo tra dali. ³¹ Nadab lo semu go nebut pen naklay, nemot lo puok go kebali, seni so sam ba no mo klik. ³² Asa ey, Baesa ey plepung go nebutpen nang naklay, Baesa li Israel tamlak go, nemot go wali naklay sam ba no mo klik. ³³ Yehuda no asa tamlak go bano nangglik tete no, Ahia go danon, Baesa lo Israel nanklay no deguena so gemang suing Tirza no,yagui 24 yam so. 34Nemot lo pupluok go, Woy Wali Iram go suong ku nogo piam go-a pupluok. ³⁴ Yerobeam lo pluok go kalik keng go pupluok. Ngga tang so, sedue Israel piam mo pupuok dali.