¹ Ngga ey, Ki Wali Iram go nabi meno, Woy Wali Iram lo pu go Betel no gemang klong, Yerobeam tang go demusung blo so menay so pupuit gono, ² Woy Wali Iram lo pu go tang sogo so, sedue ngga lo demusung ngga tang sogo so wak gemang klung, ngge kalik so: "Hey sedusung, hey demusung! Woy Wali Iram go nebut ngge kalik so gabe: "Se senong, Daud go tang sik so, sedue denok klaya mea tui, nemot go sui Yosia. Nemot lo motnang woy-woy go blindon mea ibot-sing. Demusung motnang lo menay so puit go ngge blo no. Ngga ey, sedue don motnang blo no mea puit-sing. ³ Nemot lo gemang pen dali, ku ngganemot nogo tasam kangok go lemoy genang, ngge kalik so gemang pen: "seni so, Woy Wali Iram lo pu go, "Seni so, demusung ngga mea tegek, nemot ba sogo sung ku seno mea pi-sing." ⁴ Ki Wali Iram go tamot lo pen go nebut demusung Betel sogo so pen go nebut ngga deguena lo tup gono, Nemot lo demusung blo sik so ta sra gogo gemang pu-tenawon: "Nemot mlak ya!" Ngga ey, nemot go ta sra go ge kekay so gemang di-sing go, tandali go yakua lek. ⁵ Nggano, demusung ngga tegek go, sung dia sono gemang pi, Ki Wali Iram lo pen go kalik, Nemot go tamot lo pen go kalik ⁶ Ngga ey, deguena lo Ki Wali Iram go tamot sono, deguena lo pen go: "Genam nogo klumWoyWali Iram, KiWali Iram sik sogo wadonga,genam go ta tandali pali sogo!" Ngga ey Ki Wali Iram go tamot lo Woy Wali Iram, Ki Wali Iram sik sogo klum gemang wadong, ngga ey nemot go ta tandali pali go nemot go banim go kalik so gemang lemoy dali. ⁷ Ngga ey, Ki Wali Aya go tamot sono, deguena lo gemang pen: "Genam go yap ba sono degut-a, nim la genang sogo, mot nogo taiti genam li mot no mea iti." ⁸ Ki Wali Iram go tamot lo deguena no way so pu go: "Mut lo mot go taut naklay nesip so tegek go genam no iti go, no, genam mot go yap nogo yakua degut gemang. Mot logo ten ey bu ey sip ngge nogo yakua drop gabe. ⁹ Ngga kalik so Woy Wali Iram lo genam no, ngge kalik mo pen go nogo: ""Tennang, bunang, kua drop, nggano, tap mot klong go dali logo kua iwot go weng!" ¹⁰ Nggano, tap idi lo nemot gemang klong. Nemot deguena sono Betel no weng go tap dali lo kua. ¹¹ Betel sogo sedue sini me no nabi gemang susuing. Danonnang lo weng go nglangin no, Ki Wali Iram go tamot lo kungganemot no pluok go nebut gemang pen nglangin sono. Nemot lo deguena sono pen go nebut naklay nglangin sono gemang pen-nenawon dali. ¹² Ngga ey, memotnang sono nglangin lo gemang usi-nawon: "Nago tap lo nemot tandali go mo klong?" Nggano, danonnang lo tap nemot Yehuda sik so weng go tap sono gemang taling, nglangin no. ¹³ Ngga ey danonnang sono nglangin lo pu go: "Keleday tegan dok-a! Keleday di ey tegan ey yam so nemotnang lo dok go,keleday blo lo klak go klong genang so. ¹⁴ Ngganemot no, nemot gemang klong mesip so Ki Wali Iram go tamot ngga sono gemang keng go klong. Nggano di kangok go nui ba no gemang tegu. Ngga ey, Ki Wali Iram go tamot no gemang usi: :Mot ngge KI Wali Iram go tamot Yehuda sik so weng go nemot?" Way so wa go: "Genam ngge nemot lo!" ¹⁵ Nemot lo tandali pu go: "Weng-a genam ey at go yap sono, tendam go, bubrop sogo, genam go yap no. ¹⁶ Ki Wali Iram go tamot lo way so pu go: "Genam mot eygo tan dali go iwot go yakua klong, nggano, mot go yap no degut go, ten bu yakua dam, yakua degut dali sip ngge nogo. ¹⁷ Genam noWayWali iram lo po pu: "Ngga nogo, mot ten kua dam, bu kua drop dali!" Mot klong go tap dali lo tandali go kua weng dali!" ¹⁸ Nggano nabi ngga lo pu gu: "Genam ngge, nabi dali mot kalik go, kiwali tamotnang lo genam nogo mo pen Woy Wali Iram lo pu go tang so, nggekalik so: "Mot ey kerlam so mot go ya ba no wawi go se degut, ten dam go bu se drop" ngga wamoy so mlue go. ¹⁹ nggano, nemot ey iwot go nemot go yap no ten dam go bu dro so gemng klong tandali. ²⁰ Nemotnang tendam so iwot go suing gono, Woy Wali Iram go nebut gemang weng, nemot so tandali wawi go weng go nabi sono: ²¹ Ngge kalik so, Ki Wali Iram go tamot Yehuda sik so weng go sono ngge kalik so Woy Wali Iram go nemut gabe: "Mot Woy Wali Iram go nebut no kua mlak go, mot go Ki Wali Iram go nebut no kua keng go, ²² no, tandali iwot go sip nge no ten dam go bu drop go, nemot-a mo pen go: "Ten kua dam nggano bu kua drop." Ngga tang so, mot go temoy, asibabunang srek go sip no yakua tuet dali gabe." ²³ Nemot yam so ten dam go, bu drop gono, nemot so wawi go tandali weng go nabi lo, keleday di ey tegan ey dok go, nemot tete sogo, ²⁴ Ngga ey, nemot gemang klong. No, singa meno klay lo nemot tap no uluk go gemang kebong. Nemot go temoy tap no gemang itak, keleday ngga nemot go temoy mit so ip ge gemang susuing. ²⁵ Nggano sedue kabung ngga lo klong weng golo temoy ngga ikum go, tap so itak go gigit go, keleday nemot go temoy mit so ip go susuing go. Klong-lak ko kota no nebut ngga gemang pen. Nabi sedue seni ngga go yap no peng genang so. ²⁶ Nebut ngga nabi nemot so tandali wawi go yap sono weng nebut ngga gemang tup-nawon. Nemot lo pu go: "Nemot ngga Ki Wali Iram, Woy Wali Iram no plesing go nabi. Woy Wali Iram lo, singa sono nemot gemang itak, go glok go gemang tegek-sing, Woy Walo Iram lo pen nemot no pen go kalik so." ²⁷ Ngga no danonnang no nemot lo pu go, "Keleday di ey tegan ey se dok!" Nemotnang keledai di dok gono, ²⁸ klong go, temoy tap no tegek go ngga gemang ikum, keledai ey, nggano, temoy ngganemo mit so singa ip go gemang susui. Nemot go temoy ngga singa logo kua dam, ngga ey Keledai kua glok dali singa logo. ²⁹ nabi ngganemot lo Ki Wali Iram go tamot go temoy iti go, keledai blo no king go, nabi sedueseni ngga go yakena sono king go gemang klong. Ngga no, ukluo gono, mu no gemang tuet. ³⁰ Nemot go simu sip no temoy ngga gemang tuet-nenawon. Ngga ey u gemang kluo nawon: "Ah, kukunuo-sop!" ³¹ Yam so nu no tuet gono, danonnang no ngge kalik so gemang pena-nawon: "Genam kebong go, genam Ki Wali Iram go simu ngga dali ba no se tuet! Genam go don, nemot go do mit no se ta dalo!" ³² Nemot sono Woy Wali Iram lo demusung ey idayap Betel, nggano, Samaria go meduim blo logo ida yap so pen-sing go ngga, mea lemoy seni" ³³ Tasam ngga lemoy go sik sogo, tandali go Yerobeam nemot go wali piam go ngga sik sogo iwot-dak go kua keng. No, blung sik sogo, woy-woy talingsing go, nemot go ida yap ba no menay tong go pupuit genang so. Nando mo iwat go, nemot tang go lo temuit go, woy-woy menay tong go ida yap ba no puit-genang so. ³⁴ Nemot go tasam ngga logo tang so, Yerobeam go yaptenglam nogo kuklue pia so gemang lemoy. Ngga ey, kukunan blo sik sogo nemotnang go tang gemang kua.