¹ seduekabung Israel naklay Sikhem sono mo klong, deguena so Rehabeam tuk genang sogo so. Ngga ey Rehabeam sikhem sono gemang klong. ² ngga ey, tasam ngga, Yerobeam Nebat go danon lo gemang tup-nawon. Nemot nan Mesir so maning gono, Deguena Salomo go nemu ku sik so maning kap go nogo. Ngga ey, nemot nan Mesir sik sogo tandali gemang weng. ³ Sedue miam eygo lo pu go nemot usi gono, Yerobeam ey blung Israel naklay ey pluep gono, Rehabeam no gemang pen nggekalik so: ⁴ "Mot go aya lo atnang nogo kebali ide eygo mo taling, no, mot lo nggeasui go kebali ideeygo ngga mea iwa-sing mot go aya sik sogo. Atnang blo no mot go aya lo glung go idekeba ngga. Ngga ey atnang mot go tamot so mea lemoy". ⁵ Ngga ey, nemot lo way so pu go: "Motnang se klong-lak, nggano kunangglik tete no genam sono tandali se wenglak!" Nggano, blung ngga gemangklong-lak. ⁶ Nggano, deguena Rehabeamklong go sedue-sedue Salomo go kebali sedue, nemot maniing susuing gono lemoy go sedue no nebut mangking gemang wadong, Neot lo pu go: " Blung go duduing ngganemot wa genang sogo, sogo kalik so motnang logo mo duing?' ⁷ nemot sono nemotnang lo pu gu go:"Nggeasui go ku no mot Blung go koybutasemu so ya lemoy go, nemotnang neneyboy gono nemotnang nogo ya uwa go, suey so ya pepen go, nemotnang ngga mot go koybutasemu so mot nogo so senang so mea susuing ⁸ No, sedue-sedue lo mangking gono kua tup-srenawon. Way so klong go nguot nemot ey yagui kerlam go nemot no kebali sesemu go no mangking usi go. ⁹ Nemotnang no nemot lo usi go: "Motnang logo mangking sogo kalik so, blung genam no weng go genam lo wa genang sogo ya? Nemotnang lo nggekalik so pen go: "Genamnang blo no mot go aya lo glung go ide ngge mot lo se iwa-sing!" ¹⁰ Nguot nemot go andua-andua ngga lo way so pu go:" Ngge kalik so blung ngga mot no mo pen go ngganemo nogo se pen, 'mot go aya lo ide ngga atnang blo no mo iti go, no, motlo ide ngganemot se iwa-sing !' ngge kalik so nemotnang nogo mot lo se wanalo: "Genam go taglang seguay go no, kangok dega gabe, aya aya go kuomdon ey kua kerlam!" ¹¹ Nemot-a Genam go aya lo motnang blo no ide eygo glung go, No, ngga motnang blo nogo ide kango goso mo lemoy, aya lo motnang demun suey go, no, motnang genam logo demun wong besi lo semu go lo mea suey-sing." ¹² Ngga no, blung naklay ey Yerobeam eygo Rehabeam sono gemang weng-lak. Ku nangglik tete no, deguena lo pu go kalik, "kunangglik tete no genam sono se -weng lak!" ¹³ Ngga ey, don ey nemotnang sono deguena lo gemang pen: sedue-sedue lo pen go mangking kalik so. ¹⁴ Nemotnang sono, nguot nemot go andua-andua lo pen go mangking - a gemang pen-nawon, ngge kalik sp:"" at go aya lo motnang blo nogo idi kangok dega so mo iti, No, motnang blo nogo ide kangok so genam logo mea tebok dali. Aya lo motnang semun suey go, no, motnang demon besi lo semu golo mea suey-sing!" ¹⁵ Blung lo wadong go nebut no deguena kua tup-srenawon. Ngga, Woy Wali Iram lo duduing ey mo kerlam. Nemot lo pu go nebut ey lemoy genang sogo so. Woy Wali Iram go nebut Ahia sedue Silo lo Yerobeam nabat go danon no pen go ey mo kerlam. ¹⁶ Sedue Israel naklay ikum go, deguena lo nemotnang lo wadong go nebut kua tup go keng. Ngga ey blung lo ngge kalik so way so gemang wa: "Atang tete sogo, Daua logo sogo-a mo itak? Atnang tete sogo, Isay go danon logo kua iti gabe! Ey, seduekabung Israel naklay, motnang go yap sono-nase klong-lak! Nggeasui go mot go yaptenglam -a se ikum, oh Daud!" Ngga ey seduekabung Israel nemot go nemot go yap no gemang -klong-lak. ¹⁷ Nggano, Rehabeam deguena so sedue Israel Yehuda go yakena-yakena nogo so gemang lemoy. ¹⁸ Ngga no, deguena Rehabeam lo Adoram kebali ide eygo wengkabui mot-dak go, No, blung Israel naklay lo demu lo sruom go kebong. Deguena Rehabeam, nakua goso, kleta blo nogo kedaso kua kap go klak. Yerusalem no kap genang sogo. ¹⁹ Sedue Israel lo Daud go yaptenglam nogo ple sagui semu go, e... ngeasui gono gebe pung. ²⁰ Ngga ey sedue Israel naklay lo tup go, Yerobeam tandali mo klong, ngga ey pu go nemot tandali usi go nebut tegu go pu genang sogo so. Nggano, nemot deguena so Israel no lemoy genang sogo so. Daud go yaptenglam no keng go kua, no, Yehuda go tang seguong-a gemang itak ²¹ Yerusalem sono Rehabeam weng go, ngga ey, sedue Yehuda naklay ey, suku Benyamin eygo sik sogo duoneguot 185 yam so yaluim go, plesedue so gemang nguok. Sedue Israel ey plepung genang sogo so. Ngga ey, sipsuing ngga, tandali Salomo go danon lo tamlak genang sogo so. ²² Nggano,Woy Wali Iram go nebut, Ki Wali Iram go tamot Semaya no gemang pung, ngge kalik so: ²³ Rehabeam, Salomo go danon Yehuda go deguena ey tang Yehda naklay ey, tang Benyamin eygo no nase pen ²⁴ nggekalik so: Woy Wali Iram go nebut ngge kalik so gabe: "Mot go tang klaya go ntaton-ntaton ple kua klong go pung! Sedue Israel nomot go-nemot go yap sono nase klonglak. Ngge lemoy go naklay Genam lo iwat go tang sogo so lemoy go geman. Nemotnang Woy Wali Iram logo nebut ngga tup gono, tandali ieot go gemang klong-lak, Woy Wali Iram go nebut kalik so. ²⁵ Ngga ey, Yerobeam lo, meduim Efraim blo no Sikem yakena gemang tong go ngga no gemang suing. Ngga sik so nemot klong go Pnuel don gemang kok. ²⁶ Yerobeam lo dabui ba lo gemang pu: "Ngeasui go, kladian ngga, Daud go yaptenglam no tandali mea iti!" ²⁷ saula ngga,taiti puit genang so tandali Woy Wali Yap bano Yerusalem no puit genang so klong gono, Saula ngge go dabui tandali nemotnang go Woy Wali Iram sono mea iwot-dak dali. Yangga, Rehabeam, Yehuda go deguena sono. Nemotnang lo genam mea but go kebong, ngga ey tandali iwot go Yehuda go deguena Rehabeam no mea keng." ²⁸ Ngga kalik so duing-won gono, dabui ba lo traton gono, demosamon lo sapi nok namon ey gemang pi-won go, nemotnang no gemang pu-ton: "Motnang Yerusalem no walong so koklong go,. ey sedue Israel naklay, motnang so nan Mesir sik sogo, ida nggenang lo wawi go pung go gabe." ²⁹ Ngga ey nemot lo, meno Betel no kong, meno dali Dan nogemang kong. ³⁰ Ngga tang sogo so, nemotnang kuklue piam pluok. Nemotnang ida ngga no ta kong so, Dan no koklong, ngga ey Betel no koklong. ³¹ Meduim ngga blo lo ida nogo menay tong go puit genang sogo yap gemang klik-sing dali, nemot lo. Ngga ey, blung sik so, woywoy nemot lo gemang taling-sing dali. Tang Lewi sik sogo kua. ³² Yerobeam lo Walop ku, banu 8 tete nogo ku 15 tete no, Yehuda nogo ku kalik so. nggano, demusung ngganemot blo sono nemot klak gono, ngge kalik so gemang semu nemot lo Betel nogo, yangga Sapi nok demmusamon lo semu go ngganemot nogo so menay tang go gemang puit. Ngga Betel no, woy-woy nemot lo taling go lo kebali gemang pupluok, meduim blo no ta lo semu gono. ³³ Demusung nemot lo Betel no semu go blo no walop ku 15tete no, bano 8 tetesogo nemottang golo talosemu go ku no. Walop ku seduekabung Israel nogo, nemot lo ta lo semu go. Demusung blo no nemot klak go menai puit genang sogo so, nemot gemang klak.