(Nehimia nen apuni Yahudi mene inaugi inaiyalak hesik inane koiko motok werekma asuk holikesik leberisasike wene) ¹ Apuni ake nen inaugi it hesik nen inayalak it mene hesik apuni yahudi mene nen inane koiko motok welaukwa. ² It ake nen igilogolik,''nit, ninageinapuri elekerugi nen nialogomi helemigirugi nit mene inebe apik. Ati nen he, nit Gandum ake ese rasumo nigilogolik ninebe elok logousak.'' ³ It ake nen igilogolik,''nit yabu helogorek mene mel, anggur yabu wanorek mene mel, nen ninawi wurik gandum wonisasak hesik hogo mene yoma re yimene yimene eloke lek hagalasusak oba higit oba.'' ⁴ It ake nen hogo igilogolik.'' Nit en eka hobuk heragasogo ugulukmo huok en apuni mene ake kino yogosilik yabuke nen anggur yago mene hesik oko inoe kain etagepogot wogosuok. ⁵ Yogotak ya, wam kurik nit mene nit ninayalak mene eperak higit wam kurik at hagalaga, nit ninageinapuri mene it ninaiyalak inageinapuri men ninom eperak higit at hagalaga nen nit ninalogomi mene inebe inatitigeke hagalaika. Nit ninalogomi inebe miren hake mene arat wogosek inatitigeke logolik yabu halarek oba wogesek laika, mene at he nit en ake yinogo tinogo halusak lek hagalaga ati re nit yabu wanoreke nen anggur yabu ke arat apuni weleke mene ese aiga.'' ⁶ It inane nai wai ikenem an nasuk holirik nen wene pali. ⁷ An nen wene yi hesik nala nen waligik nen ap kaintek inetage werek wenagasik, nen it yogosigilogolik mel igi,''Hit hinebe lopok en hinayalak oko riba arat wonisani isigip.''Atin en he, an nen wenekan inane amusu palarek oba huat mene it ninom halo. ⁸ An nen it mel yogosigi,''Nit ninelu nit ninayalak wene inoba lek halogo hogo ati re apuni Yahudi mene nen apuni inukul etage weleke mene inoba oko wana agigi. Mene at he, yogotak hit en hinayalak inoba oko wanep nen nit ninoba oko wanep?'' It en inane ake yinogo tinogo igilek nen inane ake wene oko igilek kamoisukwa. ⁹ An ne igilogolik,'' Hit en halep mene ati weak. Hit en Ninopase Walowak hinayuk lek nogo nen apuni nit ninasei mene inukul etage lopok hesik healek ake asinogo iluk halusak elok a? ¹⁰ Anogo nen an, ake an nayalak,nen an natitigeke, eka eak tagasogo hogo nen Gandum eken it inoba hogo. Nit en it inoba ekin logoinogo nen terogo lakuok. ¹¹ It inoba yabu wanarek ke, anggur yatarek ke, Zaitun yatarek ke, nen it inawi wurik ke, ake eka 1000 mene hegarek oba, Gandum, anggur amusu hinago, nen amu hinago kalek it inekibake werek mene hinekawerek wogisoak.'' ¹² It en igilogolik,'' Nit en hat hesik wanugun nen nit en it inoba ake wonisani iluk ake kino ugun motok lek. Nit en hat egen higit hogo at halugun.'' Nen, an nen ap ake Walowak Esewerek mene wasigin nen it kino yogosegen eberogoat mene it en inane huli hugun higit hogo halelougun. ¹³ An nen su nogat laberek sisarek welaike mene hesalogo pelapelogolik nen mel igi,'' Nopase Walowak hat en apuni jinogo halugun egasik en halilugi lek mene yi inawi wurik nen inagarok it mene hurogo laksasike. Anogoba nen it inebe hurogo laksasikomo lek hagalaukwa.''Nen, apuni inebe obogat lapukogo natogotukwa mene nen mel isukwa,"Ebeat asuak!'' Nen!" nen Ninopase Etage pogot hogorato. Nen, apuni inane huli hisukwa mene higit hogo halarek mene inebe. (At Nehimia oabut he at okawerek mene hesik halilek he apuni obogat mene hesik enak halelaike wene) ¹⁴ Ati nen ake, an nebe o atoma hagasek louagaluk it en Gubernur logeinok isukwama o Yehuda Kweang oba hagasek welaigi, neki wam mauge 20 huli warogo nen pikit wam wauge 32 huli warogo nen atem he Artahsasta ebe ineo kain etage werek welaike huli welaigi, ati nen wam mauge 12 huli warogo hagalaike, an nen an nayalak nomon he supuruk inoe etage werek Gubernur noak iluk hegarek mene nigilaugu lek. ¹⁵ Atinogo mene at he, Gubernur ane oban igilek werekolek, agoromi nen tak inoba ning hogo higik nen supuruk Roti nen i anggur hinago it mene, inaeka 40 syikal perak hisukwa. Nen ake, it inagoromi nen apuni it mene inaweama hagasek welaukwa, Atinogo mene at he, an nen it halelaukwa ati higit hogo halelagilek an Nopase Walowak nayuk hogo welaigi. ¹⁶ An hogo re leget yi halik laganem mare nit en keang ati hamulugat hogo ake oko wanugun motok lek. An nagoromi inebe obogat lapukogo leget o aloma halilugi ati. ¹⁷ Nen, apuni Yahudi mene inebe 150 nen ap inetage werek ake ninom an supuruk nikirek oba hurek logolik apuni ake weleke mene inukuloak etage lopok nit neneraluke welaikarek mene nit ninoba waikama ninom omakima welalogo. ¹⁸ Ineki ebe lopok, an supuruk nasak oba wam sapi omat mene abireke isatelaukwa, wam domba 6 en hano mene wetewerogo higik, nen yirue ti rue isagasogo higilaukwa. Ineki 10 huliba hagalaganem i anggur amusu hinago an mene e talek supuruk nikirek oba hilarogo welaike. Mene at he, an nen supuruk nasak hesik ap inetage werek Gubernur inoba kino igirek lek ati re, apuni inaweakma hagasek logolik yabu halarek mene hesik it apuni yi hesik ekin motok apik. ¹⁹ Ai, Nopase Walowak an hesik noba eberek logoino, apuni yi hesik obogat lapukogo an nen hano halelagi mene hesik, ai Nopase Walowak, an noba ebeno, 'iluk isike.