(Leget arat halikomo apuni ake nen Nehimia ebe wasuogeluk halelaukwa wene) ¹ Ineki atem oba Sanbalat, Tobia, Gesyem, apuni Arab mene ati, nen nit ninaselei etake mene inasuk hola hak an nen leget arat halesik holek ake lek temek hogo hike aga, anogo ega mene re atem oba kwe ape obake hogot oban labetilek welaike, ² At Sanbalat nen Gesyem en ap ake an noba lakeiwaukwa, at ati nen igilogolik," Nit o Kefirim tokoma Ono aroma ninom apiasuok en weni.''ati nen, it en an noasusak oba weim awok isukwa. ³ Ati nen, an nen ap ake it inoba lakegi, an nen igilogolik," An yabu huko mene halenem an nebe wesusak mea hagalaga.Hat neperak apiasusak hesik an yabu yi neki ato harakuluk wesusak he nahalok?" ⁴ It en wene warogo an noba ineki ekaminogo nen hega, nen an nen wene oko higi eperak higit hogo at higi. ⁵ Nen, Sanbalat nen agot ake wene wolok an noba lakeiwaike mene anogo nen wene hisike eperak higit at isike, suesika holal palek omaket ake ekiba welaike. ⁶ Suesika ati a'la holal palek welaike, ''Apuni yiawi tiawi inukul etage lopok arat inasuk hola nen Gesyem nen hano halogo hikomo, hat nen apuni Yahudi mene nen weim halugun iluk awok egepmainelu aga. Ati nen he, hat en leget wuten ati. wene ega ati mene nit nilala nen ebeto, hat hewe inoe kain etage werek hagalasing agkogo, ⁷ ake hat hogore o Yerusalem hat hesik wene yogosigilouagaluk menisano, it ake nen igilogolik ap inoe kain etage werek o Yehuda werek!'Yogotak, anogo ega ati inoe kain etage werek hasuk hole. Ati nen, Weni nit en wenekak omakima nen uok." ⁸ Nen, an nen apuni ake yogo at oba lakegin, an igilogolik," Hit egep mene atire omaket halok ake hagalasigin motok lek, hit hinapeliak en hinukulokma gagalogo igilep at." ⁹ It inebe obogat lapukogo nen nit ninayuk asuagaluk en iluk igilugi, it enigilogolik,"it ineki yabu halilugi atoma oane lek asuak iluk igilugi,nen Leget ati weawak halugun lek." Meneat he, Ai Ninopase Walowak en nineki oane tigin." ¹⁰ An neki ake Semaya aua kigi, Delaya, Mehetabeel aput,kwe ake wulipilek aua motok helewarek negen welaike, at en mel ike,'' eme Ninopase Walowak awi wurikmo nen neperak abiasuok, okawerek awi wurik tegelek hano werema a'la kuok. Okawerek awi wurik tegelek hanoma yoma logouok en kwe jagarik luok en eme,'' it en hat hoasuogok iluk wesung.'' ¹¹ Anogoba, an nen igilogolik,'' An higit yi nekawerek en hese wolakamo elok? apuni ake an ninom higit mene noasinogo iluk okawere awi tegelek hano wurikmo lilik hinalasilasak elok hakea? an nen A 'la kigin motok lek o!" ¹² An arat hutigirik netauken oba hakogotigi mene Ninopase Walowak en at lakewesigin lek, meneat he at en yinogo hagalasin ikesik an neperak weim halugun ike mene Tobia nen Sanbalat en oko hega. ¹³ Yi hesik at 'at en oko hike, an nen nayuk arik nen wene yi halenem an weak hagalasuagaluk halike. anogo hagalaganem, it en an netage weagarogo hilik weakma hagalasusak en igik halukwa. ¹⁴ Ai Nopase Walowak an mene, Tobia nen Sanbalat eperak en hala mene yi helurogo logoino. nen ake wene yogosagarek mene inebe ake hunogoat mene nen an nayuk asuagak en igik halelaika mene ake he Noaja ati helorogoat logoino. Leget arat wutukwa wene ¹⁵ Anogo ba nen, leget ati ineki 25 tugi elui oba arat wutukwa, ineki 52 huliba halaukwa. ¹⁶ Halugumo nit ninaselei mene wene ati obogat inasuk holukwa, nen apuni inukul etage lopok nit nineraluke mene ineileken hasukwa, it inayuk hagalaike ati re it inelu yabu yi nit Inopase Walowak en lebenisikokolek arat halo. ¹⁷ Nen, ineki ake ebe lopok ati, ap inetage werek inougi kaintek Yehuda mene nen suesika oba holal palogo Tobia oba lagigilaukwa, At Tobia nen Suesika holal palek it higilaukwa mene oko higilaike. ¹⁸ Apuni Yehuda mene inebe apigat he inane huli palogo hilik omakima motok welaukwa, nen at ebe re Sekaya eamal, Arah aput, at Yohanan he, at aput, Mesulam aput wanike, Berekhya aput, age waganek welaike. ¹⁹ It en hano halelaigi mene obogat lapukogo an neilanem isukwa , nen an nen naneba it yogosasigi. Nen, at en suesika holal halogo noba lakeiwagalogolik an nayuk asusak mene halogo higilaike. 'iluk isike.