¹ Walowak Esewerek ayabu huko mene Elyaasib ayalak inom en halukwa, ap Walowak Esewerek mene, nen kwe ape etage domba ati wutukwa. It en eloken soalogo nen kwe ape lopok halik laukwa. Nen ake it en eloken soalogo e kayo Mea telik oba hilaukwa, atiba nen motok pikit e kayo Hananeel oba hilaukwa. ² Elyasib eralu, apuni Yeriko mene nen wutukwa. It ineralu, Zakur Imri aput, nen wutike. ³ At Senaa ageinapuri nen ikan mene hesik kwe ape palogo wutukwa. It en e palok kagalek mene oba kwe ape oba higik nen ake e ago watigik hilik lagik nen kwe palik laukwa. ⁴ It ineraluke re, Meremot Uria aput Hakos, en weak agike mene wautike. It ineralu re, Mesulam Berekhya aput Mesezabeel en weak aike mene wutike. Anogo nen aka Zadok aput Baana nen it ineralu weak aike mene wutike. ⁵ It ineralu, apuni Tekoa mene nen weak aike mene wutukwa at. Atinogo mene re ap inetage werek en yabu it inopase mene hesik inomoloba ake leberisigilek kamoisukwa. ⁶ At Yoyada Paseah aput, nen Mesulam Besoja aput eperak en, Kwe ape alep halek weak aike mene halukwa. It en e balok kagalek oba lugutigik hisukwasik en e ago ninghogo warik laukwa nen ko palik laukwa. ⁷ It ineralu re, Melaca, aua Gibeon mene, nen Yadon, aua Meronot mene, apuni Gibeon mene inom omakima nen Mizpa i Eftrat aik hetake mene o ap etage bupati aweama hagasek welaike oba atoma welaike. ⁸ Eralu re, Uziel Harhaya aput, ap ake helep eken emas oba auak halogo huterek mene nen weak aike mene halike. Eralu re,we ap ake yimene timene inom omakima halogo hikerek mene nen ake weak aike mene halike. It en o Yerusalem aleget huko wutukwa. ⁹ It ineralu re, Refaya ur aput en o erusalem welaikarek mene hatakit at en aweama hagasek welaike mene ati nen, weak aike mene halike. ¹⁰ Abel omoke re, Yedaya Harum aput en, o wurik soulam akit weak aike mene halike. Eralu re, Hatus Hasabneya aput en, hobuk eki ake oba halike. ¹¹ Malkia Harim aput, nen Husub Pahat-Moab aput eperak en, atuli etu amilok hake telek oba nen ake welekma weak aike mene halukwa. ¹² Salum Halohesh aput, o Yerusalem welaikarek mene inebe hamuluke hagasek welaike mene anogo, nen alogomi inom en weak aike mene halukwa. ¹⁴ Malkia Rekhab aput en, o Bet-Kerem, atoma awama hagasek welaike mene nen kwe ape eloken weak mene wulapuke halek weak aike mene halukwa. At en kwe ape palek anogo haligeluk e ago ninghogo warik laikesik en kwe palik laike. ¹⁵ Salum Kolhoze aput, o Mizpa aweama hagasek welaike mene, nen kwe ape i elesi weak aike mene halike. At en e ago warik laikesik e nukulik kwe palik laike. At en i Selah yekelek inoe kain etage werek aua olu horogat,inesok hagaluk lel pelaerek Daud awi silino nen pelawek welaike mene aleget wurik weak aikemo halike. ¹⁶ Nehimia Azbuk aput en, o Bet-Zur mene inebe hamuluke aweama hagasek welaike mene, nen hobuk opolike lagakogo halike. At en weak aike mene halik-halik Daud salukwa oba hilake. At en ap ekaratuntek hugi inauake i yekelogo hisukwake weak hagalaike mene halik laike. ¹⁷ Ineralu re, apuni Lewi mene, Rehum Bani aput en weak hagalaike mene halike. It ineralu re, Hesabya nen o Kehila inebe hamuluke aweama hagasek welaike mene, nen o at welaike oba atoma halike. ¹⁸ Ineralu re, it inayalak, Binui Henadab aput en, o Kehila hetakit inebe hamuluke aweama hagasek logolik, weak hagalaike mene halike. ¹⁹ Eralu horogat he, Ezer Yesua aput, o Mizpa aweama hagasek logolik, liaweak sike awi wurik oba elokoma liawek ma okut oba ake weak hagalaike mene halike. ²⁰ Eralu re, Baruhk Zabai aput en, welekma ke ake weak hagalaike mene halike, okula nen pikit ap walowak esewerek Elyasib aua kwe ape halike. ²¹ Eralu re, Meremot uria aput, Hakos aput en ake welekma mene, kwe kegarek oba Elyasib aua nen pikit oma wurik ati esakoma huliba halike ati. ²² Eralu re, ap Walowak Esewerek, apuni o toke erang'ma welaikarek mene nen weak hagalaike mene halukwa. ²³ Eralu re, Benyamin, Hasub eperak en it inaua elokoma weak hagalaike mene halukwa. Eralu ake re, Azarya Maaseya aput, Ananya aput en ouma eraluke weak hagalaike mene halike. ²⁴ At eralu re, Binui Henadad aput en, hunogoma mene ake Azarya aua okut oba nen pikit leget wurik okut oba weak aike mene halike. ²⁵ At Palal zia aput en, soulam ebe okut oba atuli telek uanaba werekma o ap kaintek inetage werek werekma, jage langsek welaikarek oba nen weinem welaike, mene weak aikomo halike. ²⁶ Ap Ninopase Walowak awi wurikmo yabu halarek mene o Ofel logolik i ape kwe yagarek oba, abel mo eileken yegelogo laiwagarek akit soulam weak werekma halike, nen atuli telekma elokoma akit menjulang. ²⁷ It ineralu re, apuni Tekoa mene nen atuli telek akit ake weak aike mene elokoma atuli ati telik he eloke motok pikit o Ofel leget oba tipsekma weak aike mene halukwa. ²⁸ Kwe ape wam Kuda mene halek opoloa, o wurike lopok soulam ke weak arik laike mene it ap Walowak Esewerek en halik'laukwa. ²⁹ It ineralu re, Zadok Imer aput en o oma kwe inesok hagaluk laikareke halike. Eralu re, Semaya Sekanya aput en, kwe ape halek abel mo eileken hegelogo liaiagarek akit halike. ³⁰ Eralu re, Hananya Selemya aput, nen Hanun Zalaf aput ato talarik wagalaukwasik at ati eki sabit oba talaike mene at en ake welekma mene weak werekma halike. It ineralu re, Mesulam Berekhya aput en o ma soulam weak aike mene halike. ³¹ At Malkia, ebe helep ekan emas auak halelaike mene nen,'Ninopase Walowak awi wurikmo ap ake ayabu halarek mene nen ap ake inoba oko wanarek mene nen weak aike mene halukwa, ati halukwa re kwe ape halekma soulam inetage holal palarek oba mene halukwa. At Malkia nen o ake abel poke sekelekma atuli telek werekma'eralu weak hagalaike mene halike. ³² Ap ake helep eken emas halarek mene nen inoba oko wanarek mene nen o sekelek abel poke esakoke nen halik-halik pikit kwe ape wam domba halek oba hilaukwa.''iluk isukwa.