¹ At Tuhan nen Aberaham oba wene awok mel yogosike, higit hogo at he, Sara hanot hesike. ² At Aberaham ewe yaman agaikesik monen walowak nen, hapur yiwa talasigin iluk awok yogosike higit hogo athe, Sara eakama agai kesik he, eak ap at takasike. ³ Talagi kemo Aberaham en he, omalik anogo etage isak salike. ⁴ Salikesik ineki nit wenatorek higit hogo ineki sirek en delapan hari welagau kesik en Walowak nen yinogo halino iluk, yogosike higit hogo at ogat ekalima mene palike. ⁵ Aberaham ewe umur seratus tahun oba aput Isak takasike ati ⁶ Atinogo ta lagaikemo, at saranen he, melisike "At Walowak nen anhala hai hakilik eto asuagaluk haga napomo, apuni ake weneyi inesako holugun mene inewe lopok an ninom nina la hai hakogan o iluk isike. ⁷ Ati nogo isikesik he mei isike, "alep at he apuni sa nen Aberaham yogoti logolik, Sara nen eak tak hilik eilak hunesigin o iluk isike nogo, meneathe, Aberaham ewe yamon oba aput Isak ati takasike." (He Hagat Eak Ismael Eperak Mukhogo Wulak Sasike Wene) ⁸ Omalik anogo arat hukoarik aluge agaikemore, eilak paluaga luk Aberaham, Walowak hai hakiki logolik aganeke hukorogo isasike. ⁹ Ati nogo haga sukasikhe, ineki ake sapul at Aberaham aput he hagat a ua mesit mene eak anogoinom, he Sara eak anogo inom eperak yele yapi lagauka. ¹⁰ Ati nogo yapanem he Sara eileken lagai sasikesik he, Aberaham mel yogosike. Hat haming eke an neak Isak wogosigin mene ati, he hati tige kemene eakari eperak ese asi nogo nen he, he ari eak epereak muk hogo wulak san o, "iluk yogo sike". ¹¹ Ati nogo yogoi sasike mene athe, at ismael hogore, Aberaham aput welagai ke ati nenhe, " wene ati weak iluk ala aka sike. ¹² Ati nogo akasi komo at Walowak nen he, Aberaham mel yogosike, an nen he haren tago kemene inewe seik peik ugun o iluk wene wathapi anogore, at Isak en tago makenen hu ko asugun ati nen. He hagat eak eperak hesik nikinoga hagasigin iluk wene sugi ewetun. We he Sara nen ike atiat anehologo haga no o. ¹³ Ati hagat he at hagat eak ati, hat haput at ati nen he, ati opalak inukul etage huko asuagaluk, an nen at opalak huko rogo wogo sigin aro. ¹⁴ Ati nogo yagosikomo o healek at, siakhogo at Aberaham en he, supuruk inom, isoak wam ogat mene ha garek mene wa i hi nago mene inom, ewekalem laga logolik noagaluk wogo sikesik, eak anogo iru khasi kesiko mo lani o iluk laksasike, atinogo laksasi komo o ato ma herak huluk he, o lei mo etage beriesewa atoma ya nogo igik ta nogo igik iki lagauka. ¹⁵ Niko kolek i eweka lem en noagaluk wogo isasike mene anogo lek agaikemo, eak anogo eselekma huluk he. ¹⁶ Eak hesike wa arem nogo nen hamulugat tagan hogo hake lagai kesik hurek logolik Walowak nen he mel akasike, an neak neil hanem en walasumo netauken sewelusak mea asigin o, no pase, iluk ane elagai anewa le agaike. ¹⁷ Ati nogo isi korma Walowak nen Ismael ane esako holikesik, malaikat Walowak nen yokopelak sa wagarek mene aike pogot oba nen hagat mel yogosike, he hagat hat hala weak aga ari, niki nogo nen heak ane Walowak esako hole ati nen he heta uken hitun o. ¹⁸ Hat hewe akoba lapik he, heak ati wanipik ane konino o, an nen aren tago make mene inukul etage hukorogo hagargo hisegen o, iluk yogosike. ¹⁹ Atinogo yogosikemo at Walowak nenhe, he hagat eileken apum salek welagaikemene leget hesike more, imoge ake werema eileken hasikesik isoak wam ogat mene hagarek anogo wolok lagaikesik hinaga sogo eak anogo noak iluk wogo sike. ²⁰ Atinogo halukasik oba nen, Walowak nen Ismael ewesero gomotok welagaike atinogo serogo welagaikeatiwa yekerek anogo aluge agaikesik, oleimo paran atoma logolik paiksue wato eki tamuk wa ak welagaike. ²¹ Atinogo werema at agosa nen he , he mesit mene ake igisike. Aberaham Abimelek eperak wene wasuke wene ²² Atem hugit ap kain Abimelekh agaromi tentara weim yaparek mene inoe panglima etage Pikhol inom Aberaham apit wagai kesik yogotilogolikhe, "Har heyi nogotinogohagatenem nino pase waloak en lewet hililogo. ²³ Atihalok he an nen taginawigin menentagomake nopalak inom tago make weak asila nogo iluk he nino pase Walowak eilhanem hupuk o. Mene at he, hano hagalasuagaluk oyoma inom hat huso mene ninom lagogim meneinom hanorogo logouoken iluk hopuk palin o iluk yogosike. ²⁴ Yogosikemo at Aberaham en iki logolik, nanehuli higio iluk hopuk palike. ²⁵ Atinen he hobuk en at kain Abimelekh ati tigekenen imoge hawulik mene ake sewe luka mene anogo hesik Aberaham en Abimelekh oba yogotilogolike he, nenahalok imoge ari telah he iluk nala motok weak arilogo isike. ²⁶ Anogoisikemo at Abimelekh en Aberaham yogotilogolik he, hagalamene ati hesik he, haga lagamene ati hageat anyogoneten lemare, an nen yogotak yiwanen nesako holirimore, ewe aren haleiluk he an nokorat, iluk yogosike. ²⁷ Atinogo yogosikomo, at Aberaham en wam sapi inom domba inom lapuk hogo Abimelekh wogosikesik, it eperak arem nogo wene wat-wat isuka. ²⁸ Mene at he Aberaham en topa wam a lanen eak sawiren amanogo ake kigilogo wani kesik Abimelekh hesik hisike. ²⁹ Abimelekh en, Aberaham yogotilogolik, nenahalok hat topa wam eagi sawiren mene wete werogo hegen?" ³⁰ Aberaham en okoiki logolik nen, haren wam an nen higi mene yi wane halok imoge hawulik anogo at mene higi iluk nelu asigin iluk isike." ³¹ O atem en it inewe pire nen, atinogo wene wat-wat isukama o ateim etage Beriesewa saluka. ³² Itanogo o Beriesewa atem en wene wat-wat isukasik Abimelekh imom ap inoe kain wogisek nikerekme anogo inom o Pilistin lagau ka. ³³ Atinogo hagasukasik, arem noat Aberaham en e tage tamariska o Beriesewa atoma awi yasike sik sapan nino pase Walowak eluk motok welagarek meneiluk sapan isike. ³⁴ Atinogo haga sukasik at Aberaham o Pilistin inakeangma aloma inatitigeke negen at welagaike.