¹ At ap Aberaham anogo, o Negep en he, o kanaan abel sela tom akit atoma natosi lagaukwasik o Syur hokolek kadis tulem hokolekma atoma welagaukwa. ² At agwe Sara, anogo hesik he, "He ati an nagot o," iluk yogosikomo re it ap kain Abimelek he, o arat hamulugat agwun anogo nen he, he Sara anogo hesik, at apit wani lilik he wesuak iluk laksasike. ³ Ineki ake bare, at kain etagepogot yogotemo nen he, Walowak elokoma wagaikesik he, "He ati re agwun werek kolek wanen halok he hat hebe wa'lasigin o," iluk yogosike. ⁴ Ati'nogo yogo sikemo re, at ap kain etage pogot Abimelek nen he, at he Sara anogo eberak nogoilek welagaike. A'tinen he, at anogo ike logolik he, Walowak nen weak aike hagati lek mare hat en weak aike, hagati le'ma mene at he, an nagoromi inom en ninukul etage omakeatne re inoasigin egen o. ⁵ At Aberaham en he, he Sara ari an nagot o, iluk isikemo re, at he Sara nen he, Aberaham an noe iluk isike ati nen, wene ati nen he, an natla hano aga lek o iluk isike. ⁶ Ati'nogo yogosikomo re Walowak nen wene oko mel yogosike, "Wene ati eberogoat mene egen o hat hatauken hano motok o iluk isikemo re, hat hetauken hanoma re, an weak noa hegen iluk yogosike hagat telogo hagagi o iluk yogosike. ⁷ Ati nen he ari agun okawerek wogosigin halok he, hat hak hesik sapan at en igin o, mene werek o. Yogotak he ari agun okawerek wogo'no, hat en hetauken wekel hilik mo haren, he agun okawerek wogosin o, lek halok he, hat hebe inom halogomi tegek habilugi mene inom hinebe motokgat wa'lasugun o," iluk yogosike. ⁸ Ati'nogo yogosikomo, ohealek at hup siak hogo at Abimelek en agaromi amanogo waisasikesik he nit ninoba nikinogo nen ninoba hiwegen, iluk yogosike. ⁹ Ati'nogo hagesukama re at Abimelek at Walowak atitigeke Aberaham wene hinok wakhasike nit en weak huko ki hagato? Iluk Aberaham yogosike, hat an ukum an inom nagaromi ha'narek welagaikarek mene inom inoa hiwagen iluk at Aberaham yogosike. ¹⁰ Nenahalok hat en ati nogo hagaten iluk yogosike. ¹¹ Abit iluk hinok wakhasike at Aberaham en oko yogotelogolik he, "O yoma apuni inetauken Walowak ebe inayuk en inamolo asigin o, an noasinogo iluk igi o, at ati an nagot en igi o. ¹² Nen at ati an nopase a'logo, an nagosa tate mene lego ati nen he at an nagwe hagalaga o ¹³ Walowak nen yogonetilogolik, hopase auwa herakhisaluk o hokot ke atoma ya nogo igik ta nogo igik nikilogogin iluk yogonetemo, anen he, nage yogoti logolik hetauken an noba ning hogo welagen halok he, ap hunogo mene inoba re, ari an noe o iluk yogoisan a," iluk yogosike. ¹⁴ A'nogo yogosikemo re at ebe melekhen he, he Sara anogo Aberaham okawerek wogosi lagaukwa. At atitigeke ap inom hemi inom sapi inom, lempu inom, at Aberaham okawerek wogosukwa. ¹⁵ Wogoti logolik he, at Abimelek anogo Aberaham yogoti logolik, "An naua na keang ama re, haren helapik ha'la hamoloasigin oba higit hogo logogin halok hano," iluk yogosike. ¹⁶ Ati nen, he Sara yogoti logolik, "Hat eweroat weak hagaten lek iluk apuni nen inelu rogo, enagat hogo re hoe auang perak mene 100 en wogote ati," iluk yogosike. ¹⁷ Wene ap Aberaham agwe Sara hesik hagasike amonogoba re, at Walowak wa wogoti. ¹⁸ It hemi ap Abimelek aua inom agwe. Aberaham en sapan ikomo, Abimelek hano agik atitigeke mene hano agik isikemo, omalik taganabi lagaukwa.