Walowak Nen Aberaham Etauken Herasike Wene ¹ Ineki aike inom welagau kasike en, Walowak Nen Aberaham oabut paligelak, "Aberaham!" iluk wasi komo, at Aberaham nen he , "Oo? nopase, An nebe ji welagi," iluk yogo si kemo ² Walowak nen he, "Haput Isak oma ket tago hetauken hutikmene atiat wolok he, o Moria lanno. Atamo lagen halok, an nen punu aike yakul tenem, atoma haput ati an hesik warogo loleneno o," iluk yogosike. ³ Atinogo yogo sikomo, huen o healekat siak hogo, Aberaham en Walowak hesik warago lolesusak hali wurogo ako keledai apot owa homaga sogo hesike. Atinogo hesi kesik, Aputmel, atitige inebe pire mel, inom o Walowak nen yakulesike banogo lagauka. ⁴ Atoma luogoluk, o ineki pire laga lagaukasik aike ba lagalogolike, Aberaham eileken lakasike re, o Walowak nen, Atoma lan o," iluk yogosike anogo walagat werema lakhasike. ⁵ Atinogo lakhasikesik he, atitige inebe pire arem nogo melyogo isasike "Hit heperak wam keledai ji hesogo logoino. An naput neperak enek ninopase etege pogot hogorasi lilik he, ninapot ke hinoba wesugun o." iluk yogosike. ⁶ Atinogo yogoisasikesik, pisok mel, etu mel. At Aberaham okawerek wanikesik, Walowak hesik aike warogo lolesugun mene hasit hali wolok lagauka anogo aput Isak omolo ba hesikesik he, eperagat lagauka. ⁷ Atinogo laga logolik, Isak en he, mel yogosike "Ninopase!" iluk isikomo, Aberaham en he, "nena, naput?" iluk yogo sikomo, at Isak en he, "nit he, Walowak hesik ake warogo lolesugun mene, etu mel, halimel, wolok waga mene at he, topa eak ebe ki, nopase" iluk yogosike. ⁸ Atinogo yogosikomo, at Aberaham en he, "Walowak olawerek en toba eak aike heranisegen o" iluk yogokesik eperagat pikit lagauka. ⁹ It anago laga lagau kwasik, o Walowak nen Aberaham yakulesikeba anogo arat laukwasik, Walowak hesik aike warogo lolesusak oba agauk hagarogo hesikesik, opoloba hali pelarogo hesike atinogo hesikesik. Aput anogo eki hele worogore, hali peilarek anogo wa wen hesike. ¹⁰ Arat wen hesik, pisok lisogo wanikesik he, aput ebe wasigeluk isike. ¹¹ Atinogo wasigeluk ikenem he, malaikat Ninopase Etagepogot en pelaksa wagarek mene ake ane pogot oba nen mel yogosike, "Aberaham!Aberaham!" iluk yogosikomo, at Aberaham en he, "o, Nopase, "iluk yogosikomo at en he, ¹² "Hat haput ari heki hakilik yinogo, tinogo aike hagatun o, " iluk malaikat en yogosike, "Hat haput oma keat hetauken hutik mene hetawiratilek at, wonesigeluk egen ati nen, hat en an agagutnapetik, nane hologo hagaten ati nen, hat hoabut yogotak en an arat nelu aga o, "iluk yigosike. ¹³ Atinogo yogosikomo, at Aberaham eileken e'raluke lakhesike hak he, wam topa kulok mene ake aik ukuluak oba nen e sebelek yiluk maluksek were'ma hasike. Eileken haluk wanikesik he aput obu lu'mo wasikesik, Ninopase Etagepogot hesik lolesike. ¹⁴ Atinogo lolesikesik, o atoma etagere, mel salhike: "Ninopase Etagepogot en, apuni yimene timene lek en mea werek ma heragisikerek oba, "iluk etage salike. Atinogo salikomo, huli yogotak en hogore, "Ninopase Atom oba apuni yimene timene lek en mea werekma heragesikerek oba, "iluk egarekat. ¹⁵ Hobuk malaikat Ninopase Etagepot en yoko pelaksawagarek mene a'nogo pogot oba nen Aberaham mel yogosike, ¹⁶ "Ninopase Etagepogot en he, hat en haput omakeat mene hetawiratilek at en wo'nesigeluk egen ati nen, an nokawerek netage hupuk palogo wene mel yogo hesik, ¹⁷ An nen howuk alep hukurogo at hano tapik, hat nen togo make mene inebe hesagal pogot oba apik welagarek ati hake mel, i al i laut yekelek eraluke welagarek ati hake mel, motok apik hagalasuwagaluk hagathapik, hopa lak en ina seli mene mawenetsike logouwagaluk hagat hapik, igin o. ¹⁸ An nen, tinogo haga'no, iluk yogo hetimene Nane hologoat hagaten ati nen, apuni keangma mene inukul etage lopok obogat, an nen hat en tagomake mene hanorinapilogogin ati hak, it hanorinwuaga lek, kino yogenesugun o, iluk ike, " iluk malaikat anogo nen yogosike. ¹⁹ Atinogo hagaluk, inapotke Aberaham atitigeke inebe pire arem nogo inoba wagukasik, inomat o beresieba wagaukasik, at Aberaham ebe o atoma welagaike. ²⁰ At Aberaham oe etage Nahor welagaike. Tom moria owa nen hagasukwa mene arat hagasukwasik Aberaham holikenem en he, "Nahor age milka eperak arem nogo agenyapuri ap mene inebe 8 nen werek ikenem holuka. ²¹ It inebere inoe makusa mene etagere Us, nen opolik he Bus inom atem, inom, kemuel. ²² Kesed inom, Hazo, Pildas, Yidlap, Betuel inom atem." ²³ At Kemuel ati at Arem inom welageike, nen at Betuel ebere Ribka agosa welageike. ²⁴ Ap Nahor agwe aike atitige mene ati etage re Reumah, at he tinen he omalikhe, Teba inom, Gaham inom, Tahas inom, Maakha inom taginapike.