Inoe kain etage pogot ane palek wulapike atiba nen apuni Yahudi mene telogo hisasikewene ¹ Ineki ake atiba, inoe kain etage pogot Ahasyweros en o wurik Haman, apuni Yahudi mene aselei welaike mene wogotike, age he Ester: nen ester en arat Mordekhai eperak hano louagaluk yogotikomo, Mordekhai nen inoe kain etage pogot oba waike. ² Eberogoat uagaluk sikan emas mene inoe kain etage pogot eki seleget oba mene nokologo hisike, ati ebe Haman mene waike, nen Mordekhai wogotike. Ester en Mordekhai etege werek hagalasuagaluk Haman aua welaike mene at wogotike. ³ Atiba nen he, Ester en inoe kain etage pogot eperak wenekak isuka, igilogolik esok oba ebe hurek en hogoratik, leagalogolik he hetabi niilik Haman, aua Agag mene nen apuni Yahudi mene wegagarinabigeluk ike mene ati lek halogo hino o iluk isike. ⁴ At inoe kain etage pogot en sigeluk emas mene anogo Ester wogotike,nen Ester siak hogo malaike nen inoe kain etage pogot elokoma melaike. ⁵ At en igilogolik,''Inoe kain etage pogot a'la hano halok,nen an mene inoe kain etage pogot en a'la hano arik wonesigin, nen wene yi eberogoat mene inoe kain etage pogot eilanem nen inoe kain etage pogot an hesik a'la hano asigin, atiba suesika palek haluagaluk isike mene, Haman, Hamedata aput,aua agug mene ati, nen suesika oba apuni Yahudi mene obogat o inougi kaintek inetage pogot wereke mene inoasigin isike mene holal halek werek ati, nen obogat holal palogo hisike mene werek ati wulekeiwesuak. ⁶ Atiba nen, an neileken lakigi hak apuni an mene wegagarinabilep ati nikinogonen? an neileken werekolek nayalak noe kanot weagarinabilep ati kinogo?" ⁷ At inoe kain etage pogot Ahasyweros en he Ester nen Mordekhai , Yahudi mene ati yogosasike,''eberogoat mene an nen o Haman welagaba re Ester arat wogoti,nen it en ukuloba e telikmo hele kelogo hugun, nen at en apuni Yahudi mene hesik wasugun ati. ⁸ Hat hala nen hano akegen higit hogo, yogotak, suesika ba holal apuni Yahudi mene hesik palek werek ati, inoe etage pogot etageba, nen eberogoat halama uagaluk inoe etage pogot mene sikan emas eki seleget oba mene nokologo hisuka; nen wene ati suesika oba holal palogo hesuka re inoe etage pogot etageba nen eberogot halama uagaluk sikan emas inoe kain etage pogot eki seleget oba ugu welaike mene haluka, atiba ake nen lek halogo husak lek.'' ⁹ Ineki ake atiba, ap suesika holal palarek mene o inougi kaintek welaikarek oba werekma wasasuka re ineki 23,tugi henagan oba ,atire tugi etage Siwan, nen Morderkhai nen suesika oba holal apuni Yahudi mene inebe obogat hesik palino isike hagat,ap pemerintah ineki eboke mene mel, ap laintek o ukul hago mene mel,nen ap inetage pogot o India huli nen pikit Ethiopia huli,o ukul 127 huliba nen, o ukul lopok suesika oba halek werek higit hogo,nen ap inukul etage lopok inane egarek higit hogo,nen it apuni Yahudi mene suesika a'la palek it inane mene werek. ¹⁰ It en suesika oba inoe kain etage pogot Ahasyweros etagaba palike nen eberogoat halama uagaluk sikan inoe kain etage pogot eki seleget oba ugu mene oba halogo hisike.Nen,at en suesika palek ati wolok laikarek mene nen wam kuda inoe kain etage pogot werekma konelauka mene oba lagelik, wolok lauka. ¹¹ Suesika ati a'la re, apuni Yahudi mene o sili lopok welaikarek mene elok inebe natogosuak nen it inebe ineluk logouak en, weagarogo hisigik, inebe motok inoatik,nen ap weim mene obogat inoatik, yekerugi nen ake hemi, apuni inukoloak ake mene nen o ukul ake it en inoasugun mene,ake inakarok it mene inekiabusak malagik uak, ¹² Ineki akeba re, o ukul inoekain etage pogot Ahasyweros werek, ineki 13 oba tugi 12 en holokogo, atire tugi etage Adar. ¹³ Suesika holal palogo hisuka mene ake ati inane amusu palek mene iluk wogosigilogolik o ukul lopok nen apuni Yahudi mene,ineki ake atiba inapoke hebelogo werekma it inaselei mene inoba oko huak en weinem arogo hilik etage salik lano. ¹⁴ Inoe kain etage pogot en lani isikomo ap yoko laikarek mene nen hepok hapok wam kuda inoe kain etage pogot werekma welaike mene oba lagesuka,inane amusu palek ati ebe o Susan werekma nen wulapuka. ¹⁵ At Mordekhai su eloken wiayuken warek hake mene laberogo nen su kut mene inom labetike, inoe kain etage pogot werekma nen laike,kare-kare ukuloa emas huko at, su eloken kut eil hapuksek nen su wiayuken warek hake eloken lia mene ikogo laga kolek, o sili Susan atoma mene inane koigik nen inala aleken hagalaike. ¹⁶ Apuni Yahudi mene inala se agik nen inala hai agigik, inana aleken agik nen hogoratuka. ¹⁷ O ukul lopok nen o silike lopok hesik, inoe kain etage pogot nen inanane amusu palek mene arat weinamarogo hilik ane wulapike, halikomo ake inala hai agigik nen apuni Yahudi mene inala aleken apik aike. It apuni Yahudi mene inoasusak iluk inayuk welauka mene apuni inebe obogat inekawerek en an nebe Yahudi mene;" iluk isuka.