Haman Ukum oba hilik ebe watuka wene ¹ At inoe kain etage pogot Haman eperak he kain age Ester inom i nuogoluk oba wauka. ² Ineki ake logopik akeba,it i anggur hinago nikilogolik, inoe kain etage pogot en Ester anema wokasike,'' He Ester hat namene hesik hino egen ? kino egen mene an nen wokosigin mene ebe kimene hat kino egen nogo? mene re an welagirek oba mene hamulukogo ake hat wokosigin.'' ³ He kain age Ester nen wene oko igilogolik,''ninoe kain hat en ebeten mene hala hanoba an wonesigin, nen inoe kain etage pogot hala nen, an nebe neluk logoualuk aken halok an kino igi mene wonom,nen apuni an mene an nen nane igin. ⁴ Nen, nit, an nen apuni an mene, legerinapik, weagarinapik, inoatik,nen lek halogo laksigik arat inoko palama. anogo halenem nit he oko palogo woinabilik ap inatitigeke agik nen hemi inatitigeke hagalaik igilogolik yiak tiak hilik wagalogo mene nit hesik ugulukmo ninoe kain etage pogot en yaba higit usak lek.'' ⁵ At inoe etage pogot Ahasyweros en he age Ester hinok wogasike,''At ati ebe sa nen at ebe o kake werek, ayuk lek halilogo ebe ki?'' ⁶ At Ester en wene oko yogotelogolik,'' Weak halogo hisigilogo nen ninaselei ati ebe re Haman o, oabut weak mene ebe re yi" Nen, Haman ebe inoe kain etage pogot nen age eperak ineilanem ayuk apik aike. ⁷ At inoe kain etage pogot siak hogo malaikesik amage oba inekarek oba nen inougi kaintek welaikarek oba olu waike. Atinogoba nen, Haman eileken lakasike mene re inoe kain etage pogot en ebe arat wasusak oba halogo hisiko he kain Ester elokoma logolik an noasusak lek iluk kino yogotelaike. ⁸ At inoe kain etage pogot welagarek oba nen i anggur hinago nekarek oba laike hak he, Haman eitep awi yagasogo ester nogo ikenem elokoma werekma laike. Inoe kain etage pogot en yogotelogolik,''At en an nebe werokolek, an naua ya nen, he yi hakike nenahalok?'' aremnogoat inoe kain etage pogot en arat isikomo,it en Haman suba eloken laberogo hisuka. ⁹ At Harbona, ebe inoe kain etage pogot werekma yabu halerek mene, nen mel isike,"Mordekhai hesik Haman nen e atuli telilik kelogo pelakeiwesusak oba halogo hike anogo eberogoan, halogo hikomo werek, apuni ake nen inoe kain etage pogot ogat telogo hega anogo nen yogotama, e ebe uan he 50 hassta mene Haman aua metek werek.'' Nen, inoe kain etage pogot en igilogolik,'' Haman ebe warogo e atuli atiba hele kelogo pelakeiweno'' ¹⁰ Atiba nen,it en Mordekhai hesik e atuli halogo hisike mene anogo oba Haman hele kelogo pelakeiwauka. atiba inoe kain etage pogot wene palelaike mene lek hagalaike,'iluk isuka.