At Mordekhai ebe auk hogo hogoratilauka wene ¹ O huako ake atiba, inoe kain etage pogot nogo usak mea hagalaike. ati nen he, at ap at werekma yabu halarek mene yogosilik iniugi kaintek logolik halik wagalauka mene suesika palek anogo wolok weni isike,isikom it en inoe kain etage pogot oba wolok wauka. ² alep agik he Mordekhai nen Bigtan nen Teresh, inoe kain werekma yabu halarek mene inebe pire kweba yage welaikarek mene,nen inoe etage kain etage pogot wasugun iluk weim abok isuka mene suesika ba palek werekma etage salike. ³ atiba nen he, inoe kain etege pogot en wene hinok wanike,''hogoratik nen esinetigik namene an nen ake arat Mordekhai wogoti wene ebe re yi?" ap ake at ayabu helerek mene nen wene oko isike,''Omaket halok Mordekhai hesik ake wogoti lek,'' ⁴ Nen,ineki ake atiba, Haman nen Mordekhai eba kelogo pelakewesuagaluk e atuli arat heragasogo hiluk inoe etage pogot oba kino yogosigeluk waike mene inoe kain welagarek oba olu kigilek we etama oan werekolek, inoe kain etage pogot en hinok wanelogolik, "Olu ari sa werek?" iluk isike. ⁵ At inoe kain ayabu yalarek mene nen inoe kain yogotelogolik,''hineileken lakani, Haman ebe olu metek werek." Nen, inoe kain etage pogot en igilogolik," At kiesuak en yogoni.'' ⁶ At Haman arat kisikomo nen, inoe kain etage pogot en hinok wokasike," Haman, apuni ake inoe kain a'la elok hogoratelogousak mene kinogo halileluk egen?" Haman a'la nen agikilogolik," An halirek apigat mene inoe kain a'la akike ati ap ebe sa nogo?" ⁷ Atiba nen, Haman wene oko inoe kain etage pogot yogotike,"Apuni nen inoe kain etage pogot a'la hanoba hogorasusak, mene hesik isike, ⁸ Su inoe kain etage pogot lak itarek mene irilogo anogo at oba wolok weno, wam kuda ake inoe kain etage pogot liakelik wolok lasak mene, nen kare-kare inukuloba itarek mene inom at wolok weno; ⁹ Nen su inogat labetarek mene nen wam kuda yi ap omakaragun ake inougi kaintek welaikarek oba ebe esin poke yaba logousak mene wogono,nen it inala nen su inogat laberek ati ikusak he ap ake inoe kain etage pogot a'la hanoba hogotatelogousak mene ati lebetino. Nen, at ebe wam kuda oba liakelik kwe aboke o sili ke wolok lagalogoli at elok at ilik lano,'ap ake inoe kain etage pogot a'la hanoba hogoratelogousak mene ebe yinogo halino.'' ¹⁰ At inoe kain etage pogot en Haman yogotelogolik,''Hat engen higit hogo su hogat laberek nen wam kuda, epok wanilan,obogat amare Mordekhai, Yahudi mene hesik haligin,ebe inoe kain etage pogot werekma kwe apeba hurek werek ati.hat hane huko hamuk egen mene obogat ake herakugun.'' ¹¹ At Haman su inogat laberek wanilaikesik he Mordekhai labetisike,nen kwe epoke wolok he o silike at elokgat ilik laike,''ebe yinogo halarek apuni nen inoe kain etage pogot a'la honoba hogoratilogousak,'' ¹² Anogoba nen, Mordekhai ebe inoe kain etage pogot welagarek oba hobuk kwe apeba laike. Atinogo mene at he, Haman a'la weak aikesik ukuloak su nen sebelogo sekalek aua lagaluk laike. ¹³ At Haman nen age Zeresh yinogo hagalaga iluk yogotike, nen at ayalak inebe obogat, it inoba wene hagalagalaike mene, apuni inoabut higit nen age Zeresh en it yogosigilogolik,''Nen Mordekhai, werekma hat arat piagen, ati re ebe Yahudi mene, hat en at heperak walasak motok mea hagala.Hat hebe at ekiba nen pisak oba hagala.'' ¹⁴ It at inom ikokolek arem nogo at, inoe kain etage pogot ayabu halarek mene wauka, waukasik Haman wolok Ester en supuruk ninom nogon iluk isago hilik werekma oba lauka.''iluk isuka.