He Ester en inoe kain etage pogot aba kisike wene ¹ Eki pire welaikesik eki henagan oba Ester su hemi inougi kaintek inaugi labetarek mene laberogo nen o inoe kain etage pogot welagarek oba a'la kilik ulo metek welaike, inoe kain etage pogot abe alele hurek welagarek oba a'la, inoe kain welagarek oba kwe ape palek oba welaike. ² At inoe kain etage pogot elileken lakasike hak age Ester ebe at welagarek oba silimo werekma lakasike, at inoe kain etage pogot en eilken lakasak oba elok hagalaike. nen, inoe kain etage pogot en sigeluk emas oba eki Ester wogotike. nen Ester en sigeluk emas mene anogo elung eki hakesikesik ebe oba horokogo laike ati. ³ At inoe kain etage pogot en at mel yogotike,'' Ester nage nikino? hat walok he ki? athe, an welagirek oba yoma hamulukogo ake hat wokesigin." ⁴ At Ester en wene oko mel isike,"Ninoe kain hoabut hano halok, ninoe kain nen Haman heperak an supuruk isago hikenem ninom nuok en he kain ninoe an noba weno." ⁵ At inoe kain etage pogot en wene oko mel isike," Ester ike mene higit hogo Haman nen haluak en hepok waini," nen,inoe kain etage pogot nen Haman eperak Ester arat isago hisike mene nuogeluk wauka. ⁶ It arat waukasik i anggur hinago nikilogolik inoe kain etage pogot en Ester oba wene hinok wanike," Hat walok he namene? hat walok yimene egen halok ake wogosigin. mare, hat namene walok? nen, an welagirek oba mene ake wokosigin." ⁷ At Ester en wene oko mel isike,''An walok mene nen kino igi re, ⁸ Inoe kain etage pogot hala nen elok wesusak agegen halok an walok agigi nen kino igimene higit hogoat halusak, mare inoe kain etage pogot Haman heperak an nen supuruk ninom omakima nuok en isasigin. huen halok inoe kain etage pogot egen higit hogo haligin.'' Haman nen Mordekhai hesik wene palike wene ⁹ Anogoba nen, Haman a'la hai nen aleken oba laike. mene re, Haman eileken Mordekhai lakasike kwe ape inoe kain etage pogot welagarek oba awolok ake igilek melagilek at hogorinabusak mene hurek kamoisike, Haman en Mordekhai hesik wene elogat palike. ¹⁰ Anogo ba, Haman amage lagesike mene kamoisike nen at aua laike. At en ayalak nen zeres, at age wasasike. ¹¹ Ati nen, Haman en inoe kain etage pogot en ap at ayubu halarek mene nen ap ake inoe kain etage pogot werekma inel wano welaikarek mene werokolek at he an nenak he nebe nalele hurek logousak oba meln agarok yimene timene mel, nageinapuri ap apigat, nen yihake tihake,nen nalele hurek logousak oba yabu uan mene elogat wonete iluk ayalak inoba pilingirogo yogosasike. ¹² At Haman nen igilogolik,'' He ester en ap ake omaket halok heraksegen motok lek, mene re anenak lek, huen inoe kain etage pogot ninom omakima supuruk nasak oba wesugun, inoe kain etage pogot an neperak at wanisaga. ¹³ Atinogo mene at he, an nebe neluk logolik Mordekhai, Yahudi mene ati ,inoe kain etage pogot werekma kwe apeoba hurek werekma,neileken hikoat logousak ati nen obogat halugun mene an nala nen motok ebe lek asigin.'' ¹⁴ Atiba nen, Zerah, at age, nen ayalak inebe obogat en at yogotelogolik he,''e ake uan 50 hasta mene heragasogo hino, nen huen halok inoe kain etage pogot oba kino yotenem Mordekhai ebe ukuloba etelik atiba warogo huak. Atiba, inala hai oba inoe kain etage pogot oba supuruk inom nogon iluk lauka.'' yinogo haluok iluk isuka ma Haman a'la hano aike, anogoba nen at en e atuli ati telogo hilik hele kelogo hisogon mene haluagaluk yogosasike.'iluk isuka