Mordekhai nen apuni yahudi mene leberisagaluk halike wene ¹ At Mordekhai obogat arat hagalaike mene eluaike, at en su ogat leberek mene awologotasike, su eloken kut mene ukuloak oba sebelikesik nen wul hesi wanike,nen o silike lagalogolik ane werek ikokolek oa aike. ² At ebe inoe kain etage pogot werekma kwe ape oba arat asilaike mene re apuni ake omaket halok su kut mene inukuloak oba sebelogo ap inougi kaintek inetage pogot welaikarek oba kwe ape palek ma kusak motok mea mene kisike. ³ O ukul lopok halelogousak mene hesik inoe kain etage pogot en isikomo halek welaike. o aloma, su eloken kut mene apuni ake yahudi mene, wesa supuruk i nikilek obogat halik, le kani kanerogo leagik, nen yimene timene hesik inane oba liagigik, su kut mene talogo lakilik wul hesi higik igilauka. ⁴ Ati nen helemikirugi salisik He ester ayabu halelauka mene nen waukasik wene ebe yinogo hagalama iluk ikokolek,He Ester hulasu weak melau weak halike. At en Moedekhai su eloken weak mene nokologo laksilik hano mene isuagaluk lakesike, ati nen at Mordekhai wanilek heraksasike. ⁵ Anogo nen He Ester en Hatah, inoe kain etage pogot en at hesik yabu lebetigilogouagaluk hisike mene watike,nen Mordekhai oba lilik kino nen halen nen nenahalok en hagala iluk hinok wanumo an nelu asuak en lan o isikomo laike. ⁶ Hatah nen Mordekhai ebe o silimo inoe kain etage pogot welagarek oba kwe ape kegarek oba welaike. ⁷ At Mordekhai halelaike mene obogat at yogotike,nen haman nen eka wogosegen iluk apok yogosasike ati it en apuni Yahudi mene inoatenem oko wolok inoe kain etage pogot mene eka hago welagarek oba a'la kelakesike. ⁸ at en he suesika palek ake it apini Yahudi mene inoasuagaluk o susan nen wulakesuka mene hagarek ake wolok Ester yogotelugolik eileken hoagaluk wolok laike,nen Ester en inoe kain etage pogot oba apuni at mene hesik kino yogosuak iluk isike. ⁹ Hatah laikesik He Ester en isike mene Mordekhai yogosilaike. ¹⁰ Anogo nen he Ester en Hatah yogotelogolik, nen an nane ari mordekhai nen uak en wogono,iluk ike, ¹¹ Apuni yabu inoe kain etage pogot welagarek oba halarek mene inebe obogat inelu re ap hemi ake wasigiklema inabusak en uluke logon halok, at ati wene omaket mene oba husak, ati ebe re ebe motok wasusak. mena at he at inoe kain etage pogot en sigeluk emas mene wogote halok enak he eluk logousak, atinogo mene re inoe kain etage pogot en watilek motok eki 30 ba nen welaikarek.'' ¹² Ester en isike mene Mordekhai eilanem yogotuka. ¹³ Ati nen, Ester en isike mene Mordekhai nen wene oko mel isike,'' hat hala nen he an nebe inoe kain etage pogot welagarek oba a'la welagi akagun, Apuni Yahudi inebe obogat he hat enak he wene hoba lek logogin. ¹⁴ Nen, yogotak yi hat hane igilek logogin halok he, apuni Yahudi mene o wema nen wesungun mene telogo hisegen, mene at he hat nen apuni hat mene hinom walasungun. Hat hebe yogotak yi inoe kain etage pogot age hagalasing ati sa elu?'' ¹⁵ He Ester en Mordekhai wene oko uagaluk yogotike, ¹⁶ Hat lan o, lilik apuni Yahudi mene o Susan werek mene inebe obogat natogorinapino,nen supuruk nikilek i nikilek an hesik wesa halino; hineki henagan oba, likene huako wesa halelogolik supuruk i ake motok nagup. An nen helemikerugi ninom ati hake at wesa halugun, an nen inoe kain etage pogot oba kigin, inane huli palek oba halusak motok elok legat meneat; an walasigin at halok he, an walasigin.'' ¹⁷ He Ester en yinogo halino iluk isike higit hogoat Mordekhai haligeluk laike.'iluk isike.