At Haman nen apuni Yahudi mene weagarinabigeluk isike wene ¹ wene atinogo arat hagalaikomo re, inoe kain etage pogot Ahasyweros en Haman wanike, Hamedata aput, aua agag mene, wanikesik ayabu re uan mene nen ebe logousak oba at he it ake inebe obogat ineyabu hukotek welaikarek mene inom higit hogo logouagaluk wogotike. ² It yabu inoe kain etage pogot werekma halelogolik kwe ape oba jage welauka mene nen haman inetep awi yagasogo hogoratilauka, nen inoe kain etage pogot en at hesik isike hagat halelauka, mene at he at Mordekhai nen eitep abi yagasogo hogoratelaike lek. ³ Anogo ba nen,ap ake inoe kain etage pogot welagarek oba ayubu kwe apeba jaga welagarek mene nen Mordekhai yogotelogolik, Iinoe kain etage pogot en halelogoni ike mene nahalok halelagen lek?" ⁴ Mordekhai arat wenagatukama ineki ebelopok at en it inane asuk holelaike lek, atiba it en Haman yogotelogolik Mordekhai elok logousak akegen iluk yogotuka, nen at en it arat yogosigilogolik an nebe Yahudi mene iluk isike. ⁵ At Haman nen eileken hasike hak Mordekhai nen etep abi yagasogo hogoratilek kamoisikomo, Haman wene apik palike. ⁶ Ati nen he, at en eloken oba lakilik ebe amelo lakikilologolik at en mordekhai arat apuni it mene hesik Mordekhai oba yogotike. Haman nen apuni Yahudi mene inebe obogat lapukogo inoasigin iluk isike, apuni at Mordekhai mene inoe kain etage pogot Ahasyweros werekma a'la yabu lalauka mene inomat inoasigin isike. ⁷ Tugi abepagik mene holelike atire tugi etage Nisan, wam mauge 12 en warogo inoe kain etage pogot Ahasyweros en aweama hagasek werekma, it en Pur wulakesuka, oageke lakesuka, at Haman werekma ineki ebe lopok tugi yi holok ti holok wagakolek, tugi 12 ati re tugi etage tugi Adar oba holelike. ⁸ Atiba, Haman nen inoe kain etage pogot Ahasyweros mel yogotike, '' Apuni inukuloak omaket ake o yiabi tiabi werek mene inebe motok esa hukoat aikasik apuni inukul etage lopok wereke, o hat welagatek ke obogat werek. it mene inane yinogo halelogogun iluk inane palek ati apuni ake inukuloak lopok mene inom higit lek o.nen it en inoe kain etage pogot mene ane hologo halusak lek, ati nen it inebe inoe kain etage pogot en yoma ake motk logouagaluk heksasak motok lek. ⁹ Inoe kain etage pogot hala elok iluk ebeten halok, it inoasuak iluk egen halok nen an en 10.000 talenta perak oba apuni ake yabu halusak mene wogosamo it en inoe kain etage pogot mene aka hago welaikarek oba a'la kelakeiwesuak en wogosegen.'' ¹⁰ ati nen, inoe kain etage pogot en sikan eki agut oba mene waganogo nen haman, Hamedata aput, aua Agag mene ,apuni Yahudi mene inasei anogo wogotike ati. ¹¹ At inoe kain etage pogot en Haman yogotike,''eka perak nen apuni inebe yire hat mene, hat en it hesik halusak akegen ati hano.'' ¹² Tugi alep agik mene holokogo, ineke 13 atioba, inoe kain etage pogot en it suesika holal palarek mene panitera lak wasasike nen it en Haman ane isike mene ap inougi kaintek inetage pogot o ukul lopok hago welaikarek mene nen ap kaintek hugi inabi kul lopok inetage pogot welaikarek mene, ineyabu hukutek hago welaikarek mene higit hogo suaesika a'la holal palik nen it inane egarek higit hogo halukwa.Inoe kain etage pogot Ahasyweros etageba ane iske mene suesika oba holal paluka nen eberogoat mene halama uagaluk sikan eki sele oba mene waganogo inoe kain etage pogot okawerek en halike. ¹³ Suesika halek ati it wolok laikarek mene inoba hisuka ma wolok o ap abi sili lopok wolok supurik lauka ati re it apuni yahudi mene lek halogo, inebe inoatik, apuni Yahudi mene inebe motok ake haraksigilek, elege nen ap inaluetek,nen hemi nen yekerugi makatek,nen apuni yahudi mene inagarok inakiabusak en malagik usak hesik, ineki ake omaket oba,ineki 13 atiba tugi 12 oba, ati ene re tugi Adar oba haluka. ¹⁴ Suesika halek ake ati inane huli palek o ukul lopok hesik, nen ineki ake ati oba inelu logouak en apuni inebe obogat hesik hinane hukoro yogosilik lano. ¹⁵ Inoe kain etage pogot en suesika halek wolok lani iluk isikomo motok pikit lauka,nen ane isike mene ati o Susan welagarek oba nen isuka. Inoe kain etage pogot nen Haman eperak i nikilogolik hurek welauka, nen o sili Susan ati arat awolok isike'iluk isukwa.