Pasal 2
He Ester ebe kain age menogo hesuka wene
1
Wene ebe yi arat hagalaikesik oba nen, Inoe kain etage pogot Ahasyweros en wene palike mene amage arat lek aikomo, at en he wasti oba ebelaike, at en kinogo halike nen at hesik wene kinogo huli palogo hesike.
2
Anogoba nen, ap inoe kain etage pogot ayabu halarek mene, nen igilogolik,'' He ake tugum elok mene inoe kain etage pogot hesik ake herani.
3
At inoe kain etage pogot en atinogo halini iluk ayabu halarek mene o etage werek lopok welaikarek mene inetage werek welaikareke a'la ke werekma it en hemi aban mene hugi inebe obogat lapukogo he Susan welagarek oba atogotuka. It en hemi inaua wurikmo Hegai nen ekiba wogosek laike, inoe kain etage pogot werekma yabu halerek mene nen, it hemi hesik jaga gagalek welaike. it hesik obasi apen hano mene wogosasike.
4
Anogoba nen, hemi kain age Wasti ugulukmo he kain age hagalasusak hesik ake a'la nen amolo aike.'' Weni ati hake halugun isukama inoe kain etage pogot a'la nen elok agasike,nen at en halike.
5
He Susan welagarek oba ap ake Yahudi mene etage Mordekhai welaike, Yair aput,Simei aput, Kish aput, ebe Benyamin mene,
6
O Yerusalem en wogosek waika mene Yoyakhin eki hele warogo wolok wagalogolik inom at wogosek wauka mene, inoe kain etage pogot Yehuda mene, Nebukadnezar en wolok, inoe kain etagepogot Babel mene nen wolok waike.
7
At en Hadasa kulike, ati ebe re Ester, agosa opase lek en elekerek ati wanikesik kulike. Helekerek ati ebe hano nen hago welaike. Nen agosa opase inebe walaukama, Mordekhai nen wanikesik kulikomo opase at hagalaike.
8
Pemerintah nen inoe kain etage pogot en yinogo halugun iluk halogo hisukwa mene arat selekma weinam halogo hisuka, nen hemi salisik hugi Susan werekma inebe abigat mene omakima natogoro welauka, Hegai nen hagasek welaike, Ester ho inomat wogosek inoe kain egate pogot welagarek oba welauka, Hegai nen it hemi hugi ati hesik jage hagasek welaike.
9
He salisik ati nak he oabut elok hake hasikesik nen okawerek nen ebe sebek isike. Hagai nen obasi hano inebenake watarek wogotik nen supuruk isago hano mene at noagaluk wogotike, nen apuni inebe paigoak en ap inogogi kaintek inetage pogot welaikarek ke mene inoabut elok hugi wetewerogo hisasuka mene it logousak oba re o hanoma logouagaluk o selir inoe kain etage pogot welagarek oba hisasuka.
10
At he Ester en an nebe nukuloak ap apuni yimene nen nebe apuni yimene nen tagomake iluk usak mene Mordekhai nen agogo ugun iluk ane kopalike.
11
At Mordekhai eki ninuke nanuke he Ester ati kinogo hagalagasik werek iluk sekegetagaluk' hemi hugi welaikarek oba selepon ma lago motok welaike.
12
Hemi tugumtek hugi inebe lopok inoe kain etage pogot Ahasyweros oba kusak hagalaganem kigilauka, hemi mene hesik inane amusu palek hisuka oba tu'gi 12 huli warogo arat auak hagarogo hisigilauka, nen ineki atem oba re inebenake obasi hago mene motok warogo hisigilauka: tu'gi 6 oba re e mur amusu inebenake watelauka, nen tu'gi 6 enat laga kogo kasai amusu inebenake watilauka, nen amusi hinago etage werek lopok inebenake watilauka.
13
Anogo nen hemi tugum mene ake inoe kain etagepogot oba laike, nen inebe obogat at a'la walok mene hugi wagotukama hemi inawi wurikmo welaikarek oba nen wogisek ap inougi kain tek inetage pogot welaikarek oba wogosek hisalauka.
14
O homanoke aganem, at kigilake nen ohealek hup siak hogo at o himi inawi wurikmo lagalaike, Saasgas ebe, inoe kain etagepogot mene ayaubu ake selir ati jage welaike mene nen ago halilaike. Hemi tugum hugi hobuk en inoe kain etagepogot oba halagalauka lek, we inoe kain etagepogot a'la nen walok agegen mene hugi nak inetage wasigi'laike.
15
At Ester, Abihail eak, Mardekhai nen kulike mene, Ester ebe kulikesik at eak hagalaike, at lasak oba hesik hagalaikomo inoe kain etagepogot oba laike, Hagai, inoe kain etage pogot ayabu ake hemi mene hugi jage welagarek mene nen yinogo usak iluk isike mene ake oba kino igilek. Apuni inebe obogat lapukogo ineilanem en Ester ebe etauken sebek isike.
16
At en inoe kain etage pogot Ahasyweros welagarek oba ineki tu'gi 10 oba holokhogo nen wolok laike, ati tu'gi Tabet oba, wam mauge 7 nen warogo kopokogo pemerintah inoe kain etagepogot aweama hagasek welaike.
17
At inoe kain etage pogot etuken tulem he he Ester logolik hemi hetakit abelsek negen welaike,nen at etuken sikipogo etabi etabiratilogolik it hemi hetakit he we abit negen lagasigilaike, anogoba nen kare-kare ap inougi kaintek itarek mene ukuloakma nen korogo he Wasti ugulukmo halogo hisike.
18
Anogoba nen laga kogo, inoe kainetage pogot en agoromi ayabu halarek mene yabu hukotek mene inebe obogat mel nen yabu halarek mene ato inom isago hukoat nasuka, ati re he Estar oba nen isago nasuka. At en inoe kain etage pogot inala nen hano logolik oko wogosuagaluk ineki ake ati oba apuni inawi kul lopok ane wulapike,at Mordekhai a'la wene weak ebetike mene enagat hutasike.
19
At Mordekhai ebe o ap inoe kain etage pogot aua koba hurek werekma helimikirugi ineka alep agik nagorogo hisasukwasik en hubuk lagakogo natogrinapuka at.
20
Mordekhai eperak logolik at ane ikenem hologo halelaike hagat He ester en an nebe yoma mene nukuloak yimane iluk ake igilek.
21
Ineki akeba re, Mordekhai ebe o inoe kain etage pogot welagarek oba hurek werekma, at Bigtan nen Teresh, inebe pire inoekain etage pogot welagarek oba kwe ape palekma jaga welaikarek mene, wene huko mene palukwasik kinogo halogo nen inoe kain etage pogot Ahasyweros elok wasusak iluk akasuka.
22
Mene re, at Mordekhai wene ati elu aike ati.nen He Ester eilanem yinogo hagala iluk isike, nen Ester en Mordekhai etageba inoe kain etage pogot yogotike.
23
Wene ati eberogoat mene ega'lek mene ega' iluk ero hitasuka hak he"eberogoat haluka mene at hagalaike, anogoba it inebe pire inukulok palogo ebe hele kelogo hisasukwa ati nen suesika oba holol palogo hilik etage salelouagaluk inoe kain etage pogot eilanem halogo hisuka iluk isike.