IBRANI KAWUDU 9
Na wotu Hai- Langu La Parandi-ngu Ndai
1
Nu na pa-randingu nama-mangilu ni -nguma huri lumungu-na ningu-mbu uma ngia pa-lumungu tau.
2
Na rua-na na mangia ngaba nuna uma tiara pa-wuluda Ruawa matua wandaya na tamuna. Lai nu ningu tanda-palita dangu ningu-mbu menja ngia patuu oti pa-mangenjingu lai Allah.
3
La mbara dalui, nu la hambeli-na na dindi tiara na-padua mbala wada, ninya na ruawa, ruawa mahupu-matua wandanya na tuamana.
4
Lai nu ninya na ngia pawotu maraku papa-ndoi-welingu la amahu rara nangia patunu dupa, dangu ningumbu pati-pa-parandingu na pa-kadapu weli winggirungu amahu rara. Da-a la kuru pati ninya na kdihi marara na maningu ma-nangu, dangu na tokuna i harungu na mahambada kalunga, dangu da dambu kapa-mbalu watu ngia pa-talihu-ha da-hakambulu ukuna i Allah.
5
Lai pinu pati nuna hi ninjai da madua da patau awangu, da maningu rau kapangu dama-paninu maunya na ninya i Allah. Pa rau kapada nuda pa-kadua-da da-hanggubu-nya na ndabi pati, nu da pa-jamangu wada da njala. Na nyuna na rukuda yiada nda peku panii mara hau-andanya nahu.
6
Tuna nuduka ba ahalu ndabaha. Danimbihu lodu patama da ratu la ruawa mangia nabana na uma tiara la pa pa-la-ku ya nawai ngiara-nda.
7
Na matama la ruara mbara daluma na uma tiara nuna didiya na ratu bokulu ma-a Na handakangu-a hau ndaungu ba wunda-ya nuna nangandi wai ria paman-gejingu lai Allah lumunya nyuna wiki dangu lumuda da njala panda mbutina na banjaru.
8
Ba tuna nu na pawangu pahabuala-dunya-nyaka papaina nga huna i Allah, bani nyapa na ruawa mangia ngaba nu la uma tiara-mbedi nambuawa-a na ngarangia mohanggangu la ruawa mahapu matua.
9
Yiana pa-pangiara wanguya na rehi nahu; nu da pa-mangejingu-dangu da banua maraku pangandi-da lai Allah ba nda damaka-pa-palanyapu-nya na eti dalu na tau na mangandi- mangejingu.
10
Nadu da lii nuda ba ruku pangangu dangu pa-ngunungu lupa huri baha hangia-hangia-aha duda. Nudaka mbuu ndabada ba kalaratu pa ita wangu mata-aha duda dapa-namatu lundu tuamaya na lodu papindi-nanya i Allah.
11
Taka i karitu duna mbada mai-naka ba ratu bokulu-ya langara mahamu-ka da mbada ninja. Na mau tiarana i Miri nangia pa wunda-nanya na parama -na ba ratu Bokulu-ya ja-yaka na uam tiara na marihi bokulu manda ningu nyurangu. Nu nda ruku lima tau-aya; nda palewi-na la pinu tana pa-padikangu aya.
12
Natama-nya na ruawa mahapu-matua la uma tiara nuna i karitu, na-handa kangu-a nduma lundu nu-nu la rehi nu anda nangandi-a nduma lundu nu-nu.
13
Na wai ria kamambi dangu na wai ria mini ruamba hapi dangu na-kalatu ana hapi, pa-paiharu-nja da tau iraku tundunya na uku anggama ka da-yahangu.
14
Jia ba tuna, jaka na-payaha-nja da iraku-da da tau ruku wai ria dangu nuna na kalatu, ka manau-naipa duna na wai riana i karitu! Rukuna i ngahu ma-palupangu, na mangejingu wikina i karitu lai Allah ba maraku manda mingu nyurangu-ya. Na wai riana na-payaha-nja da eti dalunda welingu la lii anggama manda lingu, kata lumunya i Allah maluri.
15
Tuna nuduka hi mali padua la papa-randingu bidiya i karitu ka peku ngalada-nya na kanyuru pa-lupangu na pambada randi nanja paraina i Allah da tau da pambadapa-auna. Hi natumbu nuna mbuu ndabana ba mbada ningu-duka mameti, nu i karitu; na metina nuna na-pahala-hada tau welingu la njala pawunda-da ba pawangu-yapa na parandingu ndai.
16
Wadu jaka ningu huratu randi la ngiara kangiha-nja dapa banjalu, ningu badi mbati ba mbadameti-naka na tau narandi-ya.
17
Nadu na haratu randinga la ngiara kangiaha-nja da pa-ba njalu ndedi pawangu-aya ba naluri dupa na tau maruku limanya. Hinapa duna jaka mbada meti-naka.
18
Tuna nuduka hi pamandu wanya wai ria mai badi nuna-parandingu na ma-wungangu.
19
La mangiluna na-pataka nda banya na pareti rukuna na ukuna i Allah la banjaru ihirailu paraina i muha, halaka nuhi napiti, wai ria ana hapi i muha dangu wai ria kamambi bumbu, hi na-paroku-nya wai, hi na-paiharu wanja karangga hihupu dangu wulu mbimbi rara atuna-haratu-da da ukuna i Allah dangu na banjaru ihirailu-ka mbuu ndabada.
20
Ba talanga wundaya nuna na panii i muha, yiana jia-yaka na panunju-mami badi’ wana.
21
Tunaka nu hi na-paiharu-mbunyai wai ria na mau tiara na i miri dangu da kanaingu pa-lumungu wanguka paraina.
22
Tuna numa nunjuya na uku anggama Yahudi, tika pambuu-ndabada-ka amangu ba payaha wanja wai ria-hi peku jamangu-da da njala mbulungu-ana jaka ningu wai ria mambungu.
23
Tuna nuduka na pawangu ba payaha-manja badi da-mahama hadanja da maninja la awangu-ma duda kameti, marihi hamuma badi pawangu.
24
Nadu i karitu ba nda tamangu-nanya la ruawa matua paruku lima tau-a, na maninu maunya na ruawa matua na ma-langataka. I karitu tama-nanya la awangu-ma duna; lai nu nahu hurungu-nanya la hanggana i Allah lumunda nyuta.
25
Naratu bokulu Yahundi natama nimbihu ndaangu la ruawa mahupu-matua la umana i miri ba ngandi wai ria heu banda. Taka i karitu duna ba natama nda jia-aya la pahau dangu pa-mangenjingu wakina.
26
Nudu jaka tua-manaka nu, mbada pahau dangu-dunaka badi lati pa-pandangu mayika weli mula weli talangu. Taka nahuna pa-itanda la rehi mala miri, ba na-nandanguma-a duna pamai la panu tana la pa-puadahu njala ruku mangeji-ngu-na wikina.
27
Mbada hukutu-mana-nyaka paraina i Allah ba na-handaka ngu-a pameti na tau halaka hi mangu parata-nya wai ngiarana.
28
Tuna numbu i karitu ba na-handakangu-a -pa-wangejingu wikina la paduku-ha da njalana na madangu. Hapa tayi nahili mai beliya la pa-dambu wana-nda jia-aya ka panjapu-ha da ruku njala, taka ka pamana-nja da tau da mane-dinya na maina.