IBRANI KAWUDU 8
Yehu Na Ratu Bokulu-nda Nama Bidi
1
Nuna panii-ma yiana-yama mapapi-ngi;ninya cai mutu na Ratu bokulu na matungu nu, ma-mandapu pa-pareta angu-na i Allah mahupu-mangunju la awangu.
2
Nyuna nalumu-nya na parama ba Ratu Bokuluya la ruawa mahupu-matua, nu la mau tera langataka-na i Miri, na pa-pahada-na i Miri, na panda ruku tau.
3
Nimbinu-na na ratu bokulu-kapawatu-ya la pangandi mangejingu dangu maraku lai Allah. Tuna numbu na ratu bokulu-nda; ningu-mana badi pa-mangeji-na.
4
Lati jaka la pinu tanaya, nda jia ratu-aya, ba mbada ningu- duka ratu mangandi-ha da pamangejingu nunjuya na uku anggama Yahudi.
5
Na parama palumu-da ba ratuha ninu wai mau mara-ananya duna lati welingu la maninya la awangu. Mbada piaka-mana nyaka i muha paraina i Allah la handaka-na rukuna nuna, ka wuluya na mau terana i Miri ba wana, i muha, napanii i Allah lai muha, tangaru paku! Mbuu nda bana mu-wulu-maya badi nunjuya na ngerangu na pa pangi tangu-kaula palindi, ba wana.
6
Taka nahu i Yehu duna na-ngalangu parama ratu na marihi manganangu welingu da parama-da nuda da ratu. Nadu napa njanjingu-na i Allah dangu na tau jiaya-na pa-njanjingu na marihi hamu bana-palatangu-dula-randi na marihi hamu.
7
Labi jaka nda ningu nyuruna na parandi-ngu na ma-man gilu, ka nda nggara ihi wangu ka turaya napa-randingu pa dambu wana.
8
Taka i Allah duna mbada hungguna-ka njala la banjaru-na. Hi napanii, rimangu, namunya tai na lodu, bo kutuya na pa-randingu bidi la banjaru ihirailu, dangu la banjaru Yahunda.
9
Ndahama jiangupaku na pa-nandingu na patunggu la boku la mangilu- da la-lodu luanda-nggunja paluhu welingu la tana mehiru. Nyuda nda da-padaingu-a lapa-randingu patunggu la nyuda; kiringu nunadu hindaku-ihili-nja nyuda.
10
Taka nahu, yiana-yaka na pa randingu la banjaru ihurai-lu la lo lodu na manamu-nya, wana i Miri; napa kutuha da ukunggu la pa-ngadangu-da, dangu ka ku-hu ratu-hala etida. Nyungga napa ka Allah-dangga, dangu nyuda napa ka banjaru-ngunja.
11
Nda-da-panaungu-apa la angu nituda, dangu nda dapanii mbunjapa da angu dedida, tanda yauwa i Miri. Nda wada apa. Nadu ba datanda ndaba-maka ngeru, ka ma-matua-ya ka anakiada-yakai.
12
Napa kujama-nja da njala-daka, dangu nda kuutu-ahapa da ndoku-dangnga, wanna.
13
Nu ba na-jakaru-nya napa-randingu mabidi, mamandai yaka dangu mamiri-yaka na pa-randingu na ma-wungangu, wana-duka nu i Allah; taka jaka nggaraya na mambada mandai, mareni lahupu-mbuna-nyaka.