IMBARI KAWUDU 7 I Ratu Melkihendiku ¹ Nyuna I Melkihendiku hanganji la halim-ya. Ratu na I Allah mahupu djangga. Ba nabeli-ka pabiara-ha da hangandji paraina I Ambrahamu, lua-nanya-ka patabuku-ya paraina I Melkihendiku hina-pakanyuru-nya. ² Ka wotu nanya-ka I Ambrahamu lai Melkihendiku hangia la hakambulu welingu la mbuu ndabana da pariba-na.[Nyuna I Melkihendiku, jaka haleli-ya na ngara-na.”Hanga-nji mamuala,” wana duna, tak ba hanga-nji hilumu-nya jaka haleli-ya,” Hanga-nji peku,” wana.] ³ Rukuna yiana I Melkihendiku nda ningu-ma lii kaluaka ba ningu ama-na jaka ndia Ina-na jaka ndiakai boku la mangilu-na, nda ningu-mbu kaluaka dedi-na, jaka ndiakai kaluaka metina. Nyuna pa-pahamangu-ya la Ana Allah” nyuna ratu ma-palupangu-ya. ⁴ Nu ita ndanya-ka ba dira bokulu-ya I Melkihendiku: bokulu tuna numaka hi lupa nawotu-nya pa-hakambulu wada welingu la mbuu ndabada da pangala naka la pahanjalungu nyuna I Ambrahamu, na boku lamangilu-da. ⁵ Ninya la uku Anggama Yahundi ba lupangu-ma da ratu da ana umbuku-na I Lewi ba da ngalangu hangia la hakambulu welingu la ihi paraida da banjaru Ihurailu, nuda angu dedi wikida, jiapakai ba jia ndabaha ba ana umbu kuna I Ambrahamu-ha. ⁶ Nyuna duna I Melkihendiku nda ana umbuku-na I Lewi-aya na nyuna na ngalangu-mbuu hangia la hakambulu welingu laka-nyuru-mbuyaipa I Ambrahamu lati wamu na mambada ngala-nja da parandi-na I Allah. ⁷ Langataka nda jia ningu-a mapanda-ya, ba nangia wawa mapa duna na tau na pa-pakanyurungu welingu lama pakanyuru-nya. ⁸ Da ratu mangalangu hangia la hakambulu, tau mangalangu pameti-ha Taka nama ninya la huratu matua I Melkihendiku duna na mangalangu hangia la hakambulu, tau maluri pa-ngalangu-ya. ⁹ Ta-ngalangua-mbuu patapu-ya nyuna I Lewi nama ana umbuku-nja dama ngalangu hangia la haka-mbulu welingu la tau Ihurailu mbada wotu mbuda haka nuda bajiaya nawotu naha I Ambrahamu L ai Melkihendiku. ¹⁰ Jiapa-kai ka ndedi na dedi I Lewi tangalangu-mbuu patapuya ba mbada ninyaka da-a la ihina I Ambrahamu na boku lamangilu-na. Nu ba jiaya na-patabukuda I Melkihendiku dangu I Ambrahamu. ¹¹ Ba-ngaru dapa da ratu lewi na uku Anggama Yahundi pawua-nya la banjaru Ihurailu.Rukuna banda natuama luana ba da-palaku-ya na parama-da da ratu Lewi la handakana. Ningu dukd badi hili ratu ha-atu mahama-nya I Ratu Melkihendiku, dangu ambu welina la kaluaka-na I Ratu Harungu duya! ¹² Nu ba tuna, jaka na haleli na mandapu-da da Ratu na haleli mbudu badi na uku Anggama Yahun ¹³ Nuna nu na-palana jiaya na mirinda: Nyuna welina la hau kabihu, dangu ndedi ha-atu-a angu kabihu-na ma- katangu parama ratu. ¹⁴ Mbuu ndabana na tau napima-nya ba welina la kabihu Yahundi na Miri-nda; taka ndana tikima-ya duna na kabihu nuna paraina I Muha ba na-panii-nya rukuda da Ratu, ¹⁵ Na papanii-nda yiana narihi luahangu-pa ba jiaya na kawudaku-na na hili ha-atu ratu na-mahama-nya I Melkihendiku. ¹⁶ Hiwotu-nya Nyuna la paratu, nda pa-panamatu-nya na huri lawiti tau-a. Taka napamatu-nya na lurina nama ningu kuaha-ngu dangu na manda ningu njapu-ngu. ¹⁷ Nadu ba napanii na huratu matua, Nyumu ratukau lundu nu-nu hama tuna I Melkihendiku, “ ba wana. ¹⁸ Jia ba tuna, nahu na uku ndai pahangilu-yaka, ba nda na-undungu ap-pa dangu ba nda ningu ap-pa lingu-na. ¹⁹ Na uku anggama Yahundi nda ana ningu-a pa-paraha-na manda ningu nyurangu. Tuna nuduka nyuta nahu hi pawuangu-ta hau monungu marihi hamu; hi peku hangiri-nda-nya I Allah. ²⁰ Hinggilu-nai, nuna mbuu ndabana wangu pakarai-ya harangu welingu lai Allah. Nda ningu-a harangu tungu-nu ba wotuha paratu hawiangu. ²¹ Taka bawotu-ya la paratu I Yehu pa-wangu harangu-maya, ba napanii -nya paraina I Allah, “I Miri mbada harangu-naka, dangu nda na-haleli aya napa wukuna, Nyumu ratu kau lundu nu-nu ba wana. ²² Nu ba tuna nu, kawuku randi marihi hamu-yaka I Yehu. ²³ Hili ni-manyapa na habata : dadanguma da ratu hawiangu, rukuna na-meti hindana padaingu na-payapa-da. ²⁴ Taka I Yehu duna naluri lundu nu-nu, jia ba tuna nawaingaba-na ratuna nda na-pala-a la tau ha-atu. ²⁵ Jiambu-dunyaka hi namaka pa-pamana hala-nja da tau lundu nu-nu dama ngarangia-nya Nyuna la pahangiri-ya I Allah, nadu ba naluri lundu nu-nu la pakamahi-nja nduma lai Allah. ²⁶ Jiaba tuna i Yehu jia-yaka na Ratu bokulu pa-kalana-nda. Nyuna na-matua; nda ana nggara -a pahili-na jaka ndia panjala-nakai. Nyuna pa-pahinggilu-ya welingu la tau njala dangu pa-pajangga pa-hi pungu-ya wewlingu la awangu-ka. ²⁷ Nyuna duna nda hama ada da ratu bokulu hawangu, da magandi manu-mapa maraku nimbihu ladu ruku njala wikana, hi mangapa rukuda da njala na banjaku-ka. I Yehu na-handakangu-ma-a duna pamange-jingu wiwkina lundu nu-nu, ba na-mange jingu wikina ba kamati maraku-ya. ²⁸ Na ungku anggama Yahudi nawatu bia tau ningu yurangu la paratu bokulu. Taka na ma -mala Miri-nya nauku nuna, na-parandi wangu harangu i Allah ba na wotu-ya pa-ratu bokulu, na Anana na pambada tuna ma-panangu manda ningu nyurangu lundu nu-hu.