Narandingu Nduma Pangia pa- Parendingu-na i Allah ¹ Jia ba tuna undungu-mana-nyapa duma na randina i Allah. Dangu napa nawua-ma-ndanya nu na hangahu na pambada randi-nda. Jia ba tuna, matawa ka ta mangga-ngu ka ambu ningu haatu lai nyimi na manda ngalanya na hangahu parandi-nanda. ² Nadu nalii manangu nuna pambada pa-takangu-yaka lai nyuta. Hama tuna lai nyuda. Na nyuna nda ningura. Linguna nu na lii langu lai nyuda. Na duba jiaya naro ngu-danya nuna-nda dapawai-a. ³ Taka nyuta mapawai tangala-nya duta na hangahu parandi nanda i Allah. Nuna napata-ngangu dangu na papanii-nai Allah “ Nyungga ku mbeni dangu ku harangu, Nda jia ngalangu ada-patama lapa-hangahu dungga nyungga, wanggu, wana. Napanii tuna nu i Allah jiapa-kai-ba mbada njapuna na parama-napiti welingu ba napa-dikanya yia na pinu tana. ⁴ Nadu rukuna na lodu papihu wana ba nidunya napa-tulihu la Huratu matua, la lodu papihu wana hangahu-nanyaka i Allah welingu lambua ndabana na parama naka. Bawana. ⁵ Rukuna nuna nimanyai na pa patulihu, nda jia, ngalangu-ada patama la tana nuna, la pangahahu dangga Nyngga, bawana. ⁶ Jiaba tuna na nyuda da marongu mangilu-nya nalii mana ngu nuna, nda ngala -anya nuna hangahu-maa banda dapawidu. Jaka tuna nu luahangu-nanyaka ba ningu tau hawiangu mapeku pangala-nya nuna na hangahu. ⁷ Nadu ba nahili kawuku- duya nahili- ha lodu i Allah, nalodu nahu ba wana. Ba nda pira mbua ndaungu biapama palangangu ba napamii i Allah la ngaruna i ndautu rukuna yiana, hama tuna na patiki nu kawai. Jakai rongunya na wai liina i Allah la lodu nahu, ambi marau -du” ba wana. ⁸ Lati jaka mbada wua-nanjaka nuda da tau parainai i Yohua na hangahu parandi-na i Allah, nda jia panii-anapa lati i Allah rukuna na hili hau lodu. ⁹ Jia ba tuna, nduma ba-njaruna i Allah ni-manyapa napa ndi-na la pahangu hama tuna i Allah ba nahanga hula lodu papihu wana. ¹⁰ Nadu natau na ma-ngalanya na hangahu parandi nanya parainyai i Allah, napa na-hangahu- mbu welingu la parama-naka, hama tuna i Allah. ¹¹ Jia batuna, matawa kata pari-ngangu langa taka ma palanga-nya na ngahu parandi nanda i Allah. Kaambu ningudu haatu lai nyuta manda lii hama tuna nyuda amangu, rukuna banda dapawai lai Allah. ¹² na pulu nai Allah pulungu luriya dangu na maka na rihi pahataraya welingu la hapanda madaka mbeli mbapa. Na pulungu nuna na tanju parapangu la pakawari hamangu dangu ngahu: lupa kawohuku dangu tambiliku, lupa na pi parapanya na kanandingu na pawuku eti tau. ¹³ Ndaningu papadikangu makabeli la hanggana i Allah. Mbu ndabana pangitanya dangu na tambunggahuma a la mbara matana lai Nyuna na ngia pahiama ninggu nda. ¹⁴ Tuna nuduka hilupangu takata undugu-ma badi la papiaka-wainda. Nadu banidunya lai nyuta na hupu ratu bokulu-nda, nambada tama lundungu la hanggana i Allah -jiaya-Nyuna maka i Yehu na ana Allah. ¹⁵ Na ratu bokulu-nda ndajianda pi-ananya da lamanga-nda. Taka pambada kamangu-yaka la mbuu nda bana, hama tuna Nyuta; jia-aya banda ningu njalana! ¹⁶ Jia batuna nu, matawa ka tatoru mbeni paha-ngirinya i Allah nama-pareta wanda nama eti. Napa i Allah namila- nda eti hina-pakanyuru-ta kapeku pa-ndu langu la rehina.