¹ Nimbihu ratu bokulu papindi-ya welingu la banjaru, hiwatu ya la palumu-nya i Allah huruda nyuda. Na parama-na-jiaya lapawotu hunggu maraku lai Allah pa-jamangu wada dan njala. ² Na ratu bokulu wiki nadangu, mai duna na malingu-na langga -nggara, jia batuna nuhi peku wanguna mamalijangu la tau manda nggara papina dangunu ma njarangu. ³ Taka rukuna ba na-malijangu- mai-duna nyuna jia-du-yaka hi lupa nawotu badi maraku ruku njala, nda mbulungu bia njala banjaru, taka ruku njala wiki mbuna. ⁴ Nda ningubu haatu mawatu wikina la panjadi Ratu bokulu. Hi nanjadi ratu bokulu na tau, jaka napaau-ya paraina i Allah-hama tuna ih harungu. ⁵ Tuna numbu i Karitu. Nda nawatu-a wikina la panjadi Ratu Bokulu. I Allah, wikima duna na mawotu-ya. I Allah napanii-nya, Nyumu anangu-nggau; la lodu nahu- maka aba ama- mungga, wana. ⁶ Napanii-mbu i Allah la hau pangia. Nyumu ratukau lundu nu-nu, hama tuna i Ratu Melkihendiku, wana. ⁷ Larehi lurina i Yehu jia-la pinu tanana na-hamayangu dangu kaladaku-na lai Allah paringu wai matana, na mamaka pa-pahala-ya nyuna welingu la meti. Dangu rukuna bana pawawangu wikina lai Allah ba natembi mara-kuya, ka rongu-nanyaka. ⁸ I Miri Yehu duna Ana Allah-maya, taka jiapa-kai batunanu, na-papikangu-ma pa-karadakuba jiaya na-padangunamayila. ⁹ Ba halaka patuya ma-pahala langataka, ka jiaya Nyunaka na pingi puala manangu lundu nu ndama mbuu ndabana na tau ma-karadaku lai Nyuna. ¹⁰ Taka i Allah na paluaha-mbunya ba jiaya Nynaka na Ratu Bokulu, hama tuna i Ratu Melkihendiku! Nama Laku Nunju-ya I Ngahu Matua ¹¹ Jaka jia-yaka na mandapu na i Yehu ba Ratu bokulu-ya nadangu-mapa lati napapiaka-nja ba wanggunggai, taka-nda namuda lapakaluaka-nya maa ba ndai nanggadupa jangapu-ya. ¹² Tuama-mana nyaka lati na rehina ba raka ngguru kai, taka jiangu biapa baningu badi ma-piaka-nggainja da kawunga pakiri-na na puluna i Allah. Ndedi-mapa i-ngalangu pangangu ma-mandungu; paka ma-unungu wai huhu-ma-a kaipa. ¹³ Na tau na ma-unungu ipa wai huhu, Ana rara dunyapa; ndedi-mapa najara-nya jaka nggara-ya-nama-padenginu dangu na manjala. ¹⁴ Na pangangu mandungu tungu ma-matua-ya da mbada ndamangu, hi da-ngalangu pahia-kanya na mahamu dangu na-manjala.