IMBRANI KAWUDU 12
Tanun-nju Manya I Yehu
1
Nu ba tuna-na ngiara wikinda nyuta nda uku dangu-maha da ma-hakahii la winggiru-nda! Jia ba tuna, matawa kata toku ndabanja da ma-pambotu-ta dangu da njala da ma-karitaku manuta, dangu matawa ka tapa-rukangu papalai langia pa-parimbu na pahangganda.
2
Matawa ka tapanau-ya i Yehu, maa ba Nyunadu na ma-patumbu la hupu njapuna. I Yehu na-patoru-nya namayila-na la ai-harikangu! Nda na-kawiala-anya na meti la ai harikangu nuna ba pa-makia wanguya. Pangada-nanya na hawuala-ma-a na hanganji-na i Allah hi anguda la pa-pareta.
3
Mala kai pangada-nya nggiki hama ma-yilana i Yehu ba na-hangga-nja da tau njala da ma-mbangatu la pa-ndubaku-ya! Jia batuna nu ambi kudu eti wanyai hi nambuata na monun gu-mi.
4
Nadu bai pabiara danya na njala, ndedi i mbeni hanggangu-a hi lundu luhu wai riami.
5
Dangu ambu mbula-dunya yiana na panaungu-na i Allah, na papanii-nanggai ba ana-nanggai: oi ananggu, katana pahamu-manya na pa-piakangu-na i Miri dangu ambi kudu eti wanyai jaka nahangga-nggai.
6
Nadu ba na-pawahiku-nya nimbihu-na na tau pambuha-na duna i Miri, dangu na-parambahu-nya nimbihu-na na tau ana-nggunya, ba wana.
7
Matawa kai kataku-ya na rambahu welingu lai Allah ba-hama tuna pa-wahikungu mapa-welingu la ha-atu amaya nadu ka ningu nu ha-atu ana panda payalu-na paraina na ama-na?
8
jaka nda pa-payalu-nggai hama tuna mbuu ndaba da da anana hawiangu, ka nda ana langataka-akai taka ana wuku ramba kai.
9
narihi-aipa duna hanggangu la ama pangahu-nda na maninya la awangu, jiangu-maka badi ba tNingu-madu amanda la pinu tana, Nyuna na payalu-nda taka hi tatembi-ya. Ba tuna, ka arihi pa-wawangu wikinda lai Nyuna, ka taluri.
10
Da ina amanda la pinu tana ningu dirana na rehi ba da-payalu-nda pa-namatu-nya na mahamu la kanandingu-nda. Taka i Allah duna hi na-payalu-nda-ndumana na pahamu wanda nyuta wikima, kapeku matua karia-ndanya Nyuna.
11
Deningu-mana nu bana payalu-nda, nda pahamu eti wangu-aya ba pa-wahiku-nda, taka pahawina wangunya. Na nyuna tai la malamiri-na, ndumanda nyuta duta pambada payalu-na-nu ba na-pawahiku-nda jia-yaka na mapawitinya hi kiri, luri nunju-ndanya na pawuku-na i Allah dangu hi tataka-nya na pada-ndanya na luri mambiru.
12
Jia mbuduya i yehu ni nameti la hambeli pindu bokulu paraingu ka peku pa-yaha-nanya welingu la njala na banjaru-na wanya na wai ria wikina.
13
Jia batuna nu, matawa ka ta-hurungu lai Nyuna-la hambeli mapa-uma tiarangu kata-angu ngiara-nya ba pa-oka-nya Nyuna.
14
Na du la pinu tana yiana ba nda ningu-a ngia pa ngiangu ma-padaingu ndumanda nyuta, ba himbu-ndanya ngia pa-ngiangu na manamu-nya.
15
Jivatuna ba nalii padua-nda i yehu-matawa ka tawo-wotu manunya i Allah; nuna nu kameti maraku pa-malangu-ngu-ndanya lai Nyuna, na maluhu la-tada ngaru ba tawotu hailanya na ngarana.
16
Ambi maruambangu-du la patuu mahamu dangu la pa-marangga pandula dangga angumi, nadu ba jiaha da maraku tungu yia da maliya na etina i Allah.
17
Matawa kai pa-tundungu la tau maka pipi-kai dangu kai pawawa lai yuda, ma-a ba jia-duha dama hamata manuya naluri hamangu-mi nadu ba lupangu ningu hiamada ngiara lai Allah. Jakai pa-tutungu lai Nyuda, peku lumu hamu eti duda-nggai’’ jaka nda tuna nu, napa dalumu hawina eti nggai.na matungu nu nda pa-utu wa ami-
18
I hamaya manu aru nggama nduma-ma ba pimama-nya ba ningu lai Nyuma eti pa tandangu-ma mahamu, nadu la ngga-ngara bia ba mbuhangu manu mama-nya pawunda-nya nama tubangu,
19
Ku-kamahi pa-ihikunggai, kai hamaya-ngga ndumanggu ka naluu pabelingga I Allah lai Nyimi.
20
I Allah mbada paluri nanyaka na mirinda I Yehu welingu la meti.Jiaya na metina nuna duka nahu hi nanjadi hupu ma pawangu lai Nyuta mbimbi-na. Nuna nametina pamandu mbunanya na randi pa-lupangu na patura nanda Nyuta I Allah.
21
Mala aruki I Allah na pingi pualana na peku na hamu ka na-pamatu-nggai-nya na mahamu hangia-hangia da pakalana-mi la pawunda wanya na pambuhana mata aruki rukuna I Miri Yehu Karitu, ka natuya I Allah da-a la eti-nda nggaraya na pambuha-na. Matawa I Karitu ka wotu haila-nya lundu nu-nu Amingu.
22
Taka nyimi dimi, taka-minyaka la tandula Haingu dangu la paraingu-na I Allah na maluri, nu na Yeruhali la Awangu dangu riu rata papaliawa-na,
23
Tama minya la kabungguru ma -hawola nuna kabungguru dada kawunga anana I Allah, da mbada ningu tumangu la huratu la awangu. Hurungu-minya lai Allah, na hakimu ma patanda-nya mbuu ndabana na banjaru. Hangga-minja da hamangu tau meti da matanji da mambada lundungu.
24
Hurungu-minya lai Yehu na mali padua lapa parandingu bidi; hanggami-nya na wai ria pa-paiharungu na mapanii-ya namarihi hamu welingu la wai riana I Hambelu.
25
Jia ba tuna nu, pananjarungu badi ka ambi jukaru-nya Nyuna na mapuru la pinu tana hi na-pataka-nya na puluna I Allah. Nda peku palai ad-da. Ka manauama-naka nyuta yia mambada rongunya Nyuna na mapanii welingu la Awangu! Jaka nda tapatingimanya ,ka nggiki hama pahala bianda! Nyunaa na wuanda panamungu welingu la hurga.
26
L a rehi nuna na talia nggoru-na napaka- nggupuku-ya na tana. Taka nahu parandingu-nanyaka, hilu handakangu-ki napa ka-nggupuku-ya nda didi-aya na pinu tana taka na Awangu-mbuu’’ wana.
27
Nu hili handakangu ba wana piaka-nanya nangiarana pa-nggubulu Awangu na pambada padikana bana nggaduku napa hi paleli-nya ka peku pa daingu-na na manda ngalangu pa-nggaduku.
28
Jia ba tuna matawa kata pamalangungu lai Allah, ma-a ba tangala-dunya welingu lai Nyuna na hau pa-hang-ngandji na manda nggaduku. Matawa ka ta-pamalangu-nya dangu kata lumu-nya I Allah. Hi tatembi-ya ba dangu mangadatu-ndanya. Tundu-nya na paora wiki mana duna.
29
Nadu na Allah nda ba beri epi mapakarangu-nya.