Nu hili handakangu ba wana piaka-nanya nangiarana pa-nggubulu Awangu na pambada padikana bana nggaduku napa hi paleli-nya ka peku pa daingu-na na manda ngalangu pa-nggaduku. Jia ba tuna matawa kata pamalangungu lai Allah, ma-a ba tangala-dunya welingu lai Nyuna na hau pa-hang-ngandji na manda nggaduku. Matawa ka ta-pamalangu-nya dangu kata lumu-nya I Allah. Hi tatembi-ya ba dangu mangadatu-ndanya. Tundu-nya na paora wiki mana duna. Nadu na Allah nda ba beri epi mapakarangu-nya.
1
Napanau-naungu Nduma Tau Mapa Wai. Matawa ka daingu-na na marangga pa-mbuhangu-mi dangga angumi ma pa-angu dedingu ba tau karitu-kai .
2
Ambi jia matangu dimi panggepi ari-yaa la uma bundu nda pina-nya ba papaliawa-ha.
3
Inamu-ha da tau dama ngiangu la uma kapatangu. Ba hama tuna ngiangu mbumi-nyai dimi la uma kapatangu hama tuda Nyuda. Hamanai da panggana mayila la manda palatangu, matawa kai namu mbuha ba beri nyimi-ma patuda-nggai nu.
4
Matawa na lii lalei lii manguama ka natembi ndaba-ya tau, jia ba tuna nudu hi lupangu badi da marangga pa- mandungu dua wikida da ma palei pa- pahangu. Na tau nama kajari dangu nama njuraku napa ngiara na-patanda-nya ngiarana paraina I Allah.
5
Matawa na lurimi ka ambu na- panyaku-ya amahu, taka matawa kai patoma wabianya nggara ya tuda na maninya lai nyimi. Ma-a ba mbada panii naka i Allah, nda jia mata-anggunggau dangu nda-jia danjaku-anggunggau, wana.
6
Tuna nuduka hi tatoru mbeni papanii, i Miri jiaya na ndulanggu, nda ku-mangadatu-a. Jia nggiki nangga-ka tau? Hi wanda wangu.
7
Ambi mbula- dunja da tau da makapi-pikai-da mambada papiaka-nggainya na paluna i Allah. Panau maya nggikina ba daluri dangu ba demeti, dangu kai tandunya na pawaida.
8
I Yehu karita duna jia-jia-maya, amangu nahukai dangu lundu nu-nu.
9
Ambu na-iru ngandi-dukai mbuu ndaba na pa-piakangu manda pa-deningu hangia-ngia, da ma-panjara nggai. Pamandu manja badi da etinda paraina hamu etina i Allah, ba jiaya nuna du na mahamu; ambu jia ni-hai da kalaratu ruku pangangu nangiapa mandungu ninguna na etimi. Da tau amangu dama nunju-ya nuna na, kalaratu nda ningu-a linguna.
10
Ningu hau ngia pawotu maraku-nda nyuta. Ka wotu wangu kameti maraku lai Allah, taka da ratu dama-lumungu la mau tiarana i Miri, nda ngiara-adanya la panganya na kameti maraku na maninya nu la pinuna ngia pawotu maraku.
11
Na wai ria banda na pawotu na pa-jamangu wada. Dan njala mangandi-ya paraina ratu bokulu la rowa mahupu-matua, taka hi tunuha da metida da banda la hambeli ma-pa-uma tiarangu.
12
Jia mbuduya i yehu ni nameti la hambeli pindu bokulu paraingu ka peku pa-yaha-nanya welingu la njala na banjaru-na wanya na wai ria wikina.
13
Jia batuna nu, matawa ka ta-hurungu lai Nyuna-la hambeli mapa-uma tiarangu kata-angu ngiara-nya ba pa-oka-nya Nyuna.
14
Na du la pinu tana yiana ba nda ningu-a ngia pa ngiangu ma-padaingu ndumanda nyuta, ba himbu-ndanya ngia pa-ngiangu na manamu-nya.
15
Jia batuna ba nalii padua-nda i yehu-matawa ka tawo-wotu manunya i Allah; nuna nu kameti maraku pa-malangu-ngu-ndanya lai Nyuna, na maluhu la-tada ngaru ba tawotu hailanya na ngarana.
16
Ambi maruambangu-du la patuu mahamu dangu la pa-marangga pandula dangga angumi, nadu ba jiaha da maraku tungu yia da maliya na etina i Allah.
17
Matawa kai pa-tundungu la tau maka pipi-kai dangu kai pawawa lai yuda, ma-a ba jia-duha dama hamata manuya naluri hamangu-mi nadu ba lupangu ningu hiamada ngiara lai Allah. Jakai pa-tutungu lai Nyuda, peku lumu hamu eti duda-nggai’’ jaka nda tuna nu, napa dalumu hawina eti nggai.na matungu nu nda pa-utu wa ami-nya.
18
Na Hamayangu Pamalangungu
v 18 I hamaya manu aru nggama nduma-ma ba pimama-nya ba ningu lai Nyuma eti pa tandangu-ma mahamu, nadu la ngga-ngara bia ba mbuhangu manu mama-nya pawunda-nya nama tubangu,
19
Ku-kamahi pa-ihikunggai, kai hamaya-ngga ndumanggu ka naluu pabelingga I Allah lai Nyimi.
20
I Allah mbada paluri nanyaka na mirinda I Yehu welingu la meti.Jiaya na metina nuna duka nahu hi nanjadi hupu ma pawangu lai Nyuta mbimbi-na. Nuna nametina pamandu mbunanya na randi pa-lupangu na patura nanda Nyuta I Allah.
21
Na wai ria banda na pawotu na pa-jamangu wada. Dan njala mangandi-ya paraina ratu bokulu la rowa mahupu-matua, taka hi tunuha da metida da banda la hambeli ma-pa-uma tiarangu.
Napa Tabi Njapu Wana
22
Ku- kamahi nggai angu dedi kai kanandi pahamu-nja yiada da lii panaungu-nggu, nadu yiana na huratu-nggu ba nda natika-a pamalai.
23
Kai pinya ba mbada luhu naka I Timutiu na angu dedi-nda welingu la uma kapatangu. Jaka mbada taka nanggai-ka , napa ku karia-nya jaka ku mai patadalukai.
24
Tabi wada wami-nya mbuu ndabana da makapipi-kai dangu na kabungguru-na I Allah mbuta biana.Tabi wada mbunggai da angu dedinda la italia.
25
Mala aru-kiwa I Miri kana paliri-nggai kanyuru mbuu ndabami angu dedi.