¹ Kaba halaka pa mbuataya nyuma pa lakula Italia, nyuda da wuyai pauluh dangu ba pira da dama tahangu hawiangu la haatu parwira pasukan agustan nama tamunguYulius. Nyuma ma hei la hau kapal ² weling la Adramitium nama mbuhang pa laku la dangu-dangu pelabuhan la sepanja pantai Asia. Nyuma malaku dangu na karia nggama i Aristarkhus, tau Makedonia weling la Tesalonika. ³ La lodu haromuna, nyuma mataka la Sidon, Yulius napalakunyai Pauluh dangu hamungu dangu napa hilanayi Pauluh lapa lua pararuha da anguna ndumana lapa uruh napa mbutu nai Pauluh. ⁴ Weling lai nahu nyuma malaku dangu mapala hanggang la Siprus kaba na ngilu na mbangatu na lawang ara. ⁵ Kabama taka ka nyuma dangu bama lapahunya na pantai nama malai Kilikia dangu Pamfilia, nyuma mataka la Mira la Likia. ⁶ Lai nahu, naparwira nuna na tuamanya na hau kapal weling lai Alexsadria nama pala la Italia, halaka hina pa leli nggama nyuma la kapal nuna. ⁷ Nyuma ma ngeri pala kaba pira mbo lodu ma, dangu dira handukaya nyuma bama taka la Knidus. Kabana ngilu dira mbangatuya hi nda pekuna nyuma palaku rihi marau, nyuma ma pala hanggang la pantai Kreta la arah Tanjung Salmone. ⁸ Nyuma mapala lapahunya na tanjung nuna dangu dira handukaya dangu matakanya hau napangia nama tamungu Pelabuhan Indah, nama ninya la lihina na kuataku Lasea. ⁹ Kaba nyuma ma pimanya mbada warungu maka waktu, dangu la rehi nahu, napa laku wangu la tehiku nuna dira mbahayaya kanadu rehi puaha datau yahudi mbada lapahu naka, Pauluh na panau nja nyuda, ¹⁰ dangu hi wana nja nyuda, " Angudedi-angudedi nyungga ku ita kaba napa laku wangu yiana na nduta ya napa ruha dangu na runggi bakulu, nda mbulu ngu a napa wotuna dangu na kapaluna, kataka mbu na luri nda nyuta." ¹¹ Kanadu, na parwira nuna na rihi parahaya yapa na nahkonda dangu nama mangu kapalu ngu katimbangu i Pauluh. ¹² Kaba ndana hamu a ba ndadiku la pelabuhan nuna kaba ninya pa musim maringu, dangu ma natau nama patunju ka laku weling lai nu dangu da parukang kapeku taka da la kuatak Fenik, hau pelabuhan la Kreta, nama hanggang la arah mbarat daya dangu mbarat tehiku, dangu ndadiku lainu kaba ninya pa la musim maringu. Na Ngilu Nama Dira Mbangatuya Na Nahakuya Nakapalu Nai Pauluh ¹³ Kaba natungu na ngilu mbangatu weling la selatan, nyuda da patandang kaba nyuda mbada taka daka la ngiapa patunju da nyuda. Kanadu nu, nyuda da yilaya na njangkar dangu da laku sepanjang pantai Kreta. ¹⁴ Kataka, ndedi hili mandai ana, na ngilu nama dira mbangatuya, napa pani Euroklidon, na pahapu weling la pulau nuna. ¹⁵ Kabana landahu yaka ngilu nuna na kapal lu manyuma dangu ndapa maka apa pa hangganya na kamundina, nyuma ma menyerah dangu mata ma amanyaka na kapal lu manyuma hina hali-lindingu. ¹⁶ Kabama pakiringu ka nyuma paka nggamiku hanggang la pulau kudu nama tamungu Kauda, dangu ba dira matiya nyuma mamaka pakamanduya sekoci kapal lu manyuma. ¹⁷ Bana halaka na awak kapal payilaya sekoci la ditana kapal, nyuda da paki liku-liku pa tolung wangu kapeku mandungu na kapal nuna. Kaba nyuda mangadatu danya pa terdampar la Sirtis, nyuda da paparunja da alat-alat kapal hida matanya da kapal lu da nyuda pa hali-lindingu. ¹⁸ La hili hau loduna, kaba nyuma na pahali-lindi nggama la dita ngilu nama dira mbangatuya, datau pakiring danyaka pawarung pawotuna nakapal. ¹⁹ Dangu, la lodu napa tailu wana, nyuda da warunja da alat-alat kapal wangu lima wikida nyuda. ²⁰ Kaba hamu mata lodu ato ndia kandunu-kandunu ndada luhang a ba pira mbo loduna dangu na ngilu nama nda kudu na nahaku kama nyuma, njapu ma adanyaka mbulu halada monungu ma nyuma lapa pa malundungu. ²¹ Kaba dangu natau nama mbada laku mandai naka kaba nda ningu a pangangu, Pauluh na ndualaku la taluara da nyuda dangu na pani, " Angudedi-angudedi, lati nyimi tundunya na li panaungu nggu nyungga dangu ndai laku a weling la Kreta hi ngalanya nama ruha dangu napa runggi wangu hama tuna yiana. ²² Kataka nahu, nyungga ku djukaru nggai nyimi kai padaingu tambah kanadu la huangamu ndaningu a nama mbulangu lurina, dira ana mbana mbulangu na kapal. ²³ Kaba,ni kamodu, ningu malaikatu nai Ala, nama nduma ngga nyungga dangu napa hambayang nggu nyungga, na ndualaku la hangga nggu, ²⁴ hala hina pani, ' Ambu mangadatu, Pauluh. Nyumu lupang kau ndualakuma la hangganai Kaisar. Dangu, itaya, Ala mbada mura etina lai nyumu dangu da mbulu hala datau dama laku karia nggau nyumu. ' ²⁵ Kanadu nu, Angudedi-angudedi, tahang kadi etimu kanadu nyungga ku parahaya dala i Ala kaba mbulu hala nama njadi hamana napa mbada pani nangga nyungga. ²⁶ Kanadu, nyuta lupang ma ta kasasar la hau pulau. ²⁷ Kataka, la rudung napa hombulu patuna, kaba nyuma ma hali-lindingu pa la sepanjang tehik Adria, kira-kira la padua rudung, da awak kapal da ndungga kaba nyuda lihi danyaka na mamadu. ²⁸ Nyuda da pajualanya na watu duga dangu da tuamanya na manjolungu na wai dokambulu rapana. nyuda da hili manju hakudu, hida hili ndauha ya na watu duga dangu da hili tuamanya na manjolungu na na wai hombulu lima mbo rapa napa. ²⁹ Kaba nyuma ma mangadatu pa takae la watu karungga, nyuda da papurung patu janggar weli la buritan dangu da hambayang ka peku riangga lodu na. ³⁰ Kataka bapira da da awak kapal parukangu danya pa lapa palai miha weling la kapal dangu mbada papurungu daka sekoci la tehik dangu da pura-pura papapungu jangkar-jangkar weling la haluan, ³¹ Pauluh wana nya na parwira nuna dangu da prajurituna, " Jaka datau-tau nuda ndada ndadi ku a da la kapal, nyumu ndapa ngala anggau lapa malundu nggau." ³² Hala ka nuna, da prajurit da kadipuha da liku sekoci dangu da matanya pa tambulu. ³³ Kaba mareni tuama naka na lodu, Pauluh na karai ha nyuda mbulu hala da kada piti pira pangangu, dangu na pani, " Lodu nahu jia na lodu hombulu patu nyumu panga-ngalang pa ninggau dala tegang dangu patorung pamanju kaba ndapa ngangu a nggara-nggara mbu. ³⁴ Kanadu nu, nyungga ku karai kai nyimi kai piti pira pangangu ndumana pamalundungu wamu. Kaba, ndaningu a hawala ru lunggi mbu nama mbulang weling la padua mu nyumu." ³⁵ Bana halaka papaniya nuna, Pauluh napitiya na roti dangu na hambayang lai Ala la hangga da nyuda mbulu hala da, na kawi-witaya na roti nuna, hida pakiring pangangu. ³⁶ Maka, nyuda mbulu hala da hida pandingiru ha da etida dangu nyuda wiki mbu da ngangu. ³⁷ Da jumla ma nyuma nama ninggama dala kapal ningu 276 tau. ³⁸ Ba hala ka pangangu lundu mbihu, nyuda da pamalinya na kapal dangu da waru nya da gandum la tehik. ³⁹ Mbana pa kiring ka pa mbana na lodu, nyuda ndada pi a nyapa ba ningu ma madu, kataka nyuda da hamaya na na hau teluk nama ningu pantai ngu, lapangia napa mbuhang da nyuda pa berlabu ya na kapal lai nu jaka na njadi. ⁴⁰ Maka, mbada halaka pa ndauha jangka-jangkar, nyuda da matanya dala tehik, dangu la waktu nama pahamang, da pulinya na liku-liku kamundi dangu da pa hei nya na layar la muka kapal kapeku ngandina ngilu nyuda lundu la pantai. ⁴¹ Kataka, kapal na tabrak karungga la pangia pahambura na dambu na tehik hina takae na kapal, Haluan na na kapal na takae dangu ndana njadi apa pa ngaduku, hala na buritan na kapal lujuru nanyaka kaba na ndalahuya ngaling. ⁴² Da prajurit ningu rencana da lapa pametiha da tahanan ka ambu ningu du haatu mbu nama ngeni dangu mapalai miha. ⁴³ Kataka, perwira nuna, na monung ka peku pamalundu nyai Pauluh, na cegaya na rencana da nyuda. Na pareta ha kapeku na natau-tau nama pingu pa ngeni kapeku kalinjuku mangilungu da weling la kapal dangu kada hanggang la mamadu. ⁴⁴ Dangu, dama rihi ninja la dita papan, ningu mbu nama paki benda-benda hawiangu weling la kapal. Dangu tuna nu, mbulu hala natau na lundung la mamadu dangu malundungu.