¹ Kabama lapahu nyaka nyumu dangu malundungu ma, nyuma ma pinya kaba na pulau nuna dapiniya Malta. ² Datau asli pulau nuna dapa pangitanguya na hamu etida nama dira hamu ai lulu ya. Kaba, nyuda da paduru epi dangu da hamburu kama nyuma mbulu halama kaba la rehi nuna pakiring nanyaka na urang dangu na maringu bakulu. ³ Kabai Pauluh na pauhi nja da kalai-kalai dangu na mbanjaluha la dita epi, hiu na na ular bludak na luhu kanadu na mbana hala hina kuluru nya na lima nai Pauluh, ⁴ Kaba da mandadiku asli lainu bada itaya na binatang nama berbisa nuna bana tiwalungu la limanai Pauluh, nyuda da pani haatu dangu hawiangu, " Ndapa hili ranggu anyapa, natau yiana jiaya haatu nama pameti, sekalipun na malundung weling la tehik, keadila nda jia mata ananya pa luri." ⁵ Kataka, Pauluh na kambahunya na binatang nuna dala epi dangu ndana menderita a nggara-nggara. ⁶ Datau-tau nuda da kira ya i Pauluh na mbua ato na meti la rehi nuna mbu. Kataka, bada mandai ka nyuda papatiangu dangu ndaningu a hau manjala nama njadinya, nyuda da beruba pikiran dangu hida pani kabai Pauluh jiaya na dewa. ⁷ La hau na rehi, la sekitar pangia nuna, ninya na tana mangu na kapala la pulau nuna nama tamungu Publius, nama hamburu kama nyuma dangu na njamu kama nyuma dangu hamungu ba tailu mbo lodu ma. ⁸ La rehi nuna, na amanai Publius katuda nanya la ngia pakatuda kaba pariti nanya dangu disentri. Pauluh mainanya patadaluya dangu pa hambayanya dangu na mbanjaluya na limana la dita tau nuna dangu na pahamuya. ⁹ Bana halaka panjadi na witing nuna, datau-tau hawiangu la pulau nuna dama hidu mbu damai lai Pauluh dangu na pahamuha. ¹⁰ Nyuda mbu datamba tembi kama nyuma dangu bama siapu ka nyuma palaku, nyuda da handia nggama mbulu hala dapa paralu ma nyuma. ¹¹ Bana lundungu ka lapa tailu mbo lodu wana, nyuma ma laku dangu hau kapal weling lai Alexandria, nama berlabu la hau pulau nuna selama musim maringu dangu papaki Dioskuri kaba lambangu nanya. ¹² Ba takaka la Sirakusa, nyuma mandadiku lai nu tailu mbo loduma. ¹³ Weling lai nahu, nyuma ma laku hanggang la pantai dangu taka la regium. Haromuna, na ngilu selatan na tungu, dangu la hili hau lodu na, nyuma mataka la Putioli. ¹⁴ Lai nahu, nyuma ma hamburu ha da angudedi hama pawai ma dangu da dunda nggama kapeku ndadiku hama-hama danja nyuda selama pihu mbo lodu. Hala, nyuma ma laku la Roma. ¹⁵ Dangu, da angudedi-angudedi hama pawai la nahu, kabada ronguya rukuna nyuma, maingu weling lai nahu lundu taka la Forum apius dangu Tres Taberne lapa pahamburu dangga ma nyuma. Kabai Pauluh bana itaha nyuda, na bersyukur lai Ala dangu na pamandunya na etina. ¹⁶ Bama takaka nyuma la Roma, Pauluh da pahila nya pandadiku miha, dangu haatu prajurit nama ndakiya. ¹⁷ Lapa tailu mbo lodu wana, Pauluh na pauhi nja da kapala-kapala Yahudi lainu, dangu bada halaka nyuda papauhi, hina paninja nyuda, " Angudedi-angudedi, handaka mbuna nyungga ba ndaku palakuya na nggara mbiaya nama palawang dangu bangsa nda nyuta ato da hori-hori apu ndai nda nyuta, kataka nyungga da wuaka beri hamana haatu tahanan weling la Yeruhali la lima datau-tau Roma. ¹⁸ Kabada halaka nyuda papareha ka nyungga, nyuda da mbuhang pa puli ngga nyungga kaba nda ningu a alasan da lapa hukung pa meti ka nyungga. ¹⁹ Kataka, Kaba datau-tau Yahudi ndada mbuhangu a, nyungga ku parukang pa hei banding lai Kaisar, nda jia mbu ka nyungga ningu tunduhan ka lawanya na bangsa nggu. ²⁰ Njadi, nuna duyaka, nyungga mbada karai ngguka kapeku ita nggu nggau nyumu dangu pakariyauku danggau nyumu kaba nyungga da hondu wangga rantai yiana rukuna na monungu nai Israel." ²¹ Haka, nyuda da pani lai Pauluh, " Nyuma ndama tarima a huratu rukumu nyumu weling la Yudea dangu ndaningu a haatu mbu weling la angudedi-angudedi pawai nama mai lai yohu papatakanya na kabar ato papaniya hau nama nda hamu rukumu nyumu. ²² Kataka, nyuma ma mbuhang parongu weling lai nyumu nggaraya napa ngalamu kaba rukuna na sekte yiana, nyuma ma pimanya ba langgi-nggi datau-tau da tantangunya." ²³ Kaba da halaka nyuda pa aturu hau lodu nduma nai Pauluh, nyuda damai la pangia pandadiku nai Pauluh, da kariangu hau rombongan tau dangu. Weling la mbaru lundung la rudung, Pauluh na pakaluakanja nyuda dangu na hakahi rukuna Kerajaan nai Ala dangu na parukang pa yakinu nja nyuda rukunai Yehu, hamu weling la hukungTaurat Musa, hama mbuna na kitab para nabi. ²⁴ Datau ma pira da yakin hanggang napa pani nai Pauluh, kataka da hawiangu da tukaku paparahaya. ²⁵ Kaba nyuda ndada patunju a haatu dangu hawiangu, nyuda mbu da laku mbana halakai Pauluh papaniya na pernyataan naina, " Na padeningu ma nggaraya napa pani nai Ngahu Matua la apu ndai mu lilai Nabi Yesaya, ²⁶ Lakuwa la bangsa yiana dangu paniya wa: Nyumu rongu, kataka ndau parna a pa mangerti, dangu nyumu ita, kataka ndau parna a pamengerti. ²⁷ Kaba, da etida bangsa yiana mbada timbi daka dangu da kahilu da da mbotu lapa rongu, nyuda mbada bita dahaka da matada. Kapeku, ambu da ita nyuda wangu mata da, rongu wangu kahilu da, mangerti wangu etida dangu pambelingu. Halaka, nyungg ku pahamuha nyuda.' Kanadu nu, matawa na witingu yiana nyumu pimunyaka kaba na pamalundung wangu weling lai Ala mbada pataka nanyaka la bangsa-bangsa hawiangu dangu da ronguya nyuda." ²⁹ [ Bana halakai Pauluh papatakanya na pani-pani nuna, datau-tau Yahudi da laku dangu dangu pa ndapa hama da la anguda nyuda ]. ³⁰ Pauluh na ndadiku dambu ndau ailulu na la uma napa hewa miha na dangu lapa hambur ha mbulu hala natau nama mai lai nyuna. ³¹ Kabana buabarunya na Kerajaan nai Ala dangu na ajaru rukunai Miri Yehu Karitu dangu dira torumbeniya dangu nda ningu a halangan nggara mbia.