¹ Angu dedinggu dangu Ama- amanggu, patinginya na pakaluakangngu nahu lai nyumu." ² Dangu, bada rongu yaka hi Paulius bana paaunja wangu hilu Ibrani, ka tamba kandi maadaka nyuda, dangu hi Paulus hina pabanjarungu, ³ "Nyungga, tau Yahudaka, madedi la Tarsus, Kilikia, taka matuanggunya la kuataku yiana, hi ajaruka la hakolah Gamaliel wangu pambangatungu panamatunya na kalaratu boku apunda nyuta, dangu hiku pambangatungu la ndumanai Allah, hama djiangu nyimi mbu halami la lodu nahu. ⁴ Nyungga kupamayilaya na anda yiana hi lupa nameti, hi honduya dangu hi patamanja nyuda, da mini tumbudai da kawini, la hukungu, ⁵ hama djiangu mbu na pahakahinguda lai nyungga da Ratu bokul dangu da ama bokulu. Welingu lai nyuda hiku ngalanja da huratu ndumada da angunda la Damsyik hala i lua pa honduha nyuda dama ninja lainu la Yerusalem hama djiangu tau tahanguha dapa hukungu. ⁶ Hala, katumbu nanyaka, ba talanga nahungga la anda ba mareni taka ngguka la Damsyik, talanga wanguna tidu loduya badi, hi djia tungu biana na kabilaku nama handaraku welingu la awangu hina winggirungga. ⁷ Ka marubukunggu nyaka la tanah hala hiku ronguya nama kareuku dangga, 'Saulus, Saulus, kanggikina hu pamayilaka?' ⁸ Hala, hiku hiamaya, 'Ka Nggamukau Nyumu nahu Miri?' Hala, hina kareuku dangga, djiaka Nyungga maka Yesus welingu la Nazaret, napa pamayilamu nahu.' ⁹ Da tau dama kariangga da ngitaya nama hambila nuna, taka ndada pianya na papanina nuna na tau nama kareuka dangga nyungga. ¹⁰ Dangu, hi wanggu nyungga, Nggarayaka badi na papalakunggu Miri?' Dangu, hi Miri na hiamaka nyungga, 'Hadanguwa dangu lakukau la Damsyik, hala lainu, ka pani hala gaunya napa mbada buata hala kau palakuya.' ¹¹ Hala, ba ndaku njadipa pangita lailu nama handaraku nuna, hida luandaka da tau dama kariangga hiku taka la Damsyik." ¹² Hala, hi ninya tau nama tamungu Ananias, tau tanjiya panamatunya na Uku Taurat dangu hida tanda hamumaya mbu halada da tau Yahudi dama ninja lai nu, ¹³ na mai lai nyungga, hala hina ndualaku la karahanggu, hi wana,'angu dedinggu Saulus, ngitawa!' Taka, la rehi nuna, ka ngita maanggunyaka hala hiku ngitaya nyuna. ¹⁴ Dangu, hi wana nyuna, 'hi Allah da boku apunda na pindikau nyumu ndumangu lapa pinya na pawukuna dangu lapa pangitaya nama padeningu, dangu mbu lapa ronguya nakareuku nama luhu welingu la ngaru-Na, ¹⁵ Kanadu nyumu ba njadi munyaka hakahina Nyuna la tau madangu djaka nggaraya napa mbada rongu dangu napa mbada ngitamu. ¹⁶ Dangu, nahu, ka gikina nuhi napa-napa biamu? Hadanguwa dangu kau padjamanguwa wikimu ka parununggau, hala kapayahanggau welingu la mbu halada da njalamu dangu ka paaunya na tamu-Na.'" ¹⁷ "Baku kabelika la Yerusalem dangu batalanga hambayanggu la Uma Allah, hina kuahaka Ngahu, ¹⁸ hala hiku ngitaya Nyuna bana pabanjaru dangga nyungga, 'pariangganguwa dangu luhuwa welingu la Yerusalem kanadu nyuda ba ndada mbuhangua lapa katakuya na pahakahingumu rukunggu Nyungga.' ¹⁹ Hala, hi wanggu nyungga, Miri, kabada pingga dunggaka ba nyungga mahukunja dangu mahonduha nyuda dama parahaya lai Nyumu welingu la hau Sinagoge dangu la Sinagoge hau. ²⁰ Halaka, na wai riana na hakahi-Mu hi Stefanus, maba nyungga duka ma bunya, nyungga wiki ku ndualaku lai nu, ku patunjuya, dangu madaiha da katarida da tau dama pametiya.' ²¹ Halakanu, hi Yesus na pabanjarungu lai nyungga, 'Lakuwa! kanadu, Nyungga nahu ku paliawakau la mamarau la banjaru hawiangu."' ²² Da tau dangu nuda da ronguya hi Paulus lupa na papaninaka yiana. la hambelinaka nuna, katungu danyaka panida dangu hi wada, "Pamauya na tau yiana welingu la pinu tana kaba ndana parakangua lapa luri!" ²³ Hala, batalanga warada nyuda , dangu bada kawukanja da kalembida nyuda, dangu bada habarungu au la ngilu, ²⁴ na katiku huru ndandu na wuangu pareta mata hi Paulus kakarianya la uma ndihi, hida paluahanya lupangu maka badi hi Paulus ba parehaya pakarianya palu kalupa kangalanya djaka nggara latayaka nyuda hida lawanya nyuna pakaringu wara tuda yia. ²⁵ Taka batuna, bada panjuala wanyaka liku manulangu, kawanakai Paulus la hurundandu nama talanga ndualakuna la lihina, mala na njadikanu lapa paluya na haatu tau Roma dangu ndapa uruhuya?'" ²⁶ Taka bana ronguyaka nuna na hurundandu, kaluananyaka la katiku hurundandu lapa paninya, hi wana, "mala nggiki wamuka nahu? Kanadu na tau yiana ba tau Roma duya." ²⁷ Batuna, kamai nanyaka na katiku hurundandu nuna lai Paulus, "pakaluaka nggawa nahu, mala tau Roma ka nyumu? Hala, "langatakama" hi wana hi Paulus. ²⁸ Na hiama na katiku hurundandu nuna, "Mbada ngala manggunyaka na kewarganegaraan yiana wangu ndui dangu. " Hala, hi wanai Paulus, Taka, nyungga baku njadi warga negara welingu baku dedi maka." ²⁹ Njadi, da tau dama parehayai Paulus kapalai waru danyaka dangu na katiku hurundandu ka dira mangadatuyaka bana pinyaka hi paulus ba tau Romaya dangu ba mbada hondunayaka. Hi Paulus na pambajaru danja dama kapipi la Yahudi ³⁰ Djiaba tuna, la hau lodu, na katiku hurundandu ba mbuhangu nanya lapa pimanya djaka nggara lataya nama padeningu hi lupa da pabukunyai Paulus paraiada da tau Yahudi nuda, hala nyuna hina pahalayai Paulus dangu hina paretaha da ama bokulu dangu mbu halada da Sanhedrin la papauhi, hala nyuna hina puru karianya hi Paulus dangu hina tuya la paduada nyuda.