¹ Bama pahaiwaka dangu nyuda mapalirungu hanahungu la kos. dangu hadangu la mbaru mahanahungu la Rodos, dangu welingu lainu ma hili laku la Patara, ² Hala, bama ngalanyaka na kapal nama laku la fenisia ³ Taka bama ngitayaka la Siprus hima laku lapahunya hima li ningu la kalaima dangu hima palirungu pangalangu la Siria, hala hima puru Tirus, kanadu na kapal bapa purungu nanya gandi. ⁴ Bama patabuku duanjaka dama parahaya, hima todu lai nu ningu pihu mbua lodu mandaima. Dangu, wanya na Ngahu, nyuda bada panaunya hi Paulus ka ambu na heidu la Yerusalem. ⁵ Taka bana njapuka na rehima lai nu, hala hima pangalanya na lakuma. Nyuda mbu halada, da karianja da papahada dangu da anada, hida lua pakareninggama la hambeli kuataku. Taka, bahalaka papatika la hingi wara dangu pahambayangu, ⁶ hima wangu pamarangga paramihingu danga anguma. Halaka hima hei la kapal dangu nyuda hida kabeli la umada. ⁷ Bama panjapuyaka na lakuma la Tirus, ka takamanya la Ptolemais dangu hima tabukuha da angu dedinda da angu parahayanda, hala hima todu lai nyuda ningu hau loduma. ⁸ Hadangu la hau lodu hima wangu palaku hiama hanahungu la Kaisarea. Hima tama umanai Filipus, napa mapihu wada nyuda hala hima ndadiku danya. ⁹ Tau mapatuha da anana kawini nyuna dama tanggu patakangu lii. ¹⁰ Batalanga ninggama lainu ba pira mbua loduma, na haatu wunangu nama tamungu Agabus na puru welingu la Yudea. ¹¹ Hala, bana taka nggamaka nyuma, kapiti nanyaka na borungunai Paulus hala hina honduya da limana dangu da wihi wikina, hala hiwana, "Yiana duyaka napa panina na Ngahu Matua, 'tuna nuduka da tau Yahudi la Yerusalem bada honduya na tau nama mangunya na borungu yiana hala hida wuaya la banjaru hau ¹² Taka bama ronguyaka nama tuna nu, nyuma dangu da anguma dama ninja lainu ma pamonunyai Paulus ka ambu na hei la Yerusalem. ¹³ Hala, hina hiama hi Paulus, "Nggaraya na papalakumi, kanggikina hi hii dangu hi palajaruya na etinggu? Kanadu, nyungga ba hawanjiru manggunya, nda mbulunguna ba hondu biaka, la pameti wanya na tamunai Miri Yesus mbupa la Yerusalem." ¹⁴ Dangu, ba ndapa njadipa la papamonunyai Paulus, ka kandi amanyaka dangu hi wama, "Kata panedinya na pawukunai Miri biaka una." ¹⁵ La hambelida da lodu nuna, ka hawanjiru manyaka nyuma dangu himakabeli la Yerusalem. ¹⁶ Ba tau mapiraha dama parahaya welingu la Kaisarea da karianggama nyuma, hala hida karianggama la umanai Mahason, na tau Siprus, na haatu tau nama mbada mandai lapa parahaya, hima ndadiku danya nyuna. hi Paulus na tadaluya hi Yakobus ¹⁷ Bama takaka la Yerusalem, da angu dedinda dama parahaya da katakukama wangu mbaha etida. ¹⁸ Hala, la hau lodu, hi Paulus hina lua karianggama lapa tadaluya hi Yakobus, dangu mbu halada da ama bokulu dama mai. ¹⁹ Bama halaka papaninja tabi ba wamanjaka nyuda, kapakiringu nanyaka hi Paulus papani wanya mbu halana na panamungu nai Allah napa mbada palakuna la mbu halana na banjaru napa mbada palakuna nyuna ²⁰ Dangu, bada ronguyaka nyuda, hala nyuda hida wotunyai Allah. Halla, hiwadanyai Paulus,"Tangaruya ni Angu angu dedinggu, pira riu biaya na tau la angu Tau Yahudi lainu dama parahaya hida pambangatungu lapa palakuya na Uku Taurat, ²¹ dangu nyuda pa mbada pakaluakangu mahaka na rukumu nyumu, djiaduya bau papiaka halanya na tau Yahudi la njuanga banjaru hawiangu lupa kada hiliru welingu la kalaratu nai Musa, hala hiu paninja nyuda ka ambu na hapu duhapa da anada nyuda djaka ndia ka ambu da kiku dunyapa na kalaratunda nyuta. ²² Hala, kanggarayaka badi na papalakunda? namaimu nyumu daingu manaka bada ronguya. ²³ Djiaba tuna nu nahu, palakuyawa djaka nggaraya na papanimanggau. Ninja ba tau mapatuha welingu lai nyuma dama ninja la lumbu Randingu, ²⁴ karianjawa nyuda dangu kai payahanguwa wikimu dangu nyuda hala kau wuanja wilida bada pabuluya na lunggida. batuna nuduka,hina pihalanya tau ba makambaliku halaya duyaka na kareuku tau na papani wada rukumu nyumu, taka nyumu wiki ba tundu mamunya dumu na uku Taurat. ²⁵ Taka, rukuna na banjaru hawiangu dama mbada parahaya, mbada tulihu mamanjaka huratu dangu mbada buatangu mamaka lupangu maka badi nyuda bada yilirunja da, 'tolungu da pambada wotu la marapu, dangu welingu la ria, dangu welingu la nggaraya na pawangu pakoholu, dangu welingu la njala njuraku. Hi Paulus ba yapaya ²⁶ Halaka, hi Paulus na karianja da tau nuda, hala la hili hau lodu, bana halaka papayahangu wikina dangu nyuda,ka tama nanyaka nyuna la Uma Allah hina paniwanya na rehi payahanguna wikina ba njapu nanyakala rehi bada wuanguha da kameti marakuda haatu mara haatuda ²⁷ Ba mareni amanaka napa pihu mbua lodu wana, da tau Yahudi welingu la Asia, bada ngitayaka hi Paulus da la Uma Allah, hida pambanaha da tau dangu ka yapayai Paulus ba wada, ²⁸ hala hida wara, "Ha tau Israel mala aru! Natau yiana maka nama papiakanya na tau la gini- gini la palawanya na banjarunda nyuta, dangu na Uku Taurat, dangu na pangia yiana. Dangu, nama rihi nda hamu, bana karianja da tau Yunani la Uma Allah hidda pairakuya na pangia nama yahangu yiana!" ²⁹ Kanadu, ba ndedipa nyuda mbada ngita madanyaka hi Trofimus, tau Efesus, bada paangungu da la kuataku dangu wadaka nyuda hi Paulus kabadi nama tama karianya da la Uma Allah. ³⁰ Halaka, mbu halana na ihi kutaku na kayanggaku hala na tau dangu namai palangungguru. Hala nyuda hida yapayai Paulus hida yilaya la hambeli Uma Allah, hala da pindu Uma Allah hida lu bitanja. ³¹ Kapametiya ba wadaka lati, kataka nanyaka na kareuku katiku pamba tentara Roma kanadu la panggubuluna la Yerusalem ba kanyauru nanya. ³² La rehi nuna, nyuna bana kariangu hurudandu, hala hida parianggangu pa puru tuamaha nyuda. Dangu, na tau dangu bada ngitayaka na katiku hurundandu dangu da hurudanduna, ka djaka daka lapa paluya hi Paulus. ³³ Batunaka nu, na katiku hurundandu na lua tuamaya hi Paulus hina yapaya, hina wuangu pareta lapa honduyai paulus wangu dua mbungu nggeli bahi. Hala, kapakiringu nanyaka la papa aranyai Paulus dangu djaka nggaraya na pambada palakuna. ³⁴ Djiaba tuna, naha hawiangu welingu la tau dangu nuna hida wara bada paniwangu habata dangu hawiangu duda paniwangu danya hau rupa mai duda. Dangu, ba ndana pi hamun nyapa nyuna kaba pakanyaurungu nanyaka lai nu, hina wuangu pareta kakarianyai Paulus la uma ndihida. ³⁵ Hi Paulus da wangu pamalinggiya kanadu na tau dangu banda padjiangu nanyapa na tau dangu la rehi nuna. ³⁶ kanadu, na tau dangu nuna daingu mana bada ndutuha nyuda, ba dalu warada padua, Panjapu maya badi nyuna!" ³⁷ Hala hi Paulus hida tama ngandiya huda la uma ndihi, ka wankai Paulus la katiku hurundandu, " na peku lati nu ba ningu papaniwanggu lai nyumu? " Dangu, na katiku hurundandu nuna na hiama, "Hi pingu nyuna nu nyumu hilu Yunani? ³⁸ Djaka tuna nu, kanda tau Mesir akau nyumu makariangu tau patu rata dama pameti tau nahu yia hala hu pandoiya na pakanyaurungu la marada mapawarangu? ³⁹ Batuna, hi wanai Paulus, "Nyungga yia tau Yahudi welingu la Tarsus, kilikia, haatu tau wwelingu la kuataku nama kawandi. Nyungga ku kamahingu, puli arungga kaku pabanjaru duanja da tau yiada." ⁴⁰ Dangu, bana wuanyaka rehi pariana na katiku hurundandu, hi Paulus na ndingiru la tangga hina wundanja lima da tau bana mbuhanguka pakareuku. Hala, bana kamandalu halaka, kapakiringu nanyaka nyuna papa banjarungu wangu hilu Ibrani hi wana.