¹ Bana djaka na pakanyaurungu nuna, hi Palus na dunda nja dama kikunya, bana halaka la papaandunja da etida nyuda, hina paramihi duanja nyuda hala hina laku hanggangu la Makedonia. ² Bana winggiru halanyaka lainu dangu hina wunja panaungu lai nyuda dama kikunyai Kristus la nggubuluna la Makedonia, hala nyuna hina taka la Yunani. ³ Dangu, lai nu hi Paulus na ndadiku ningu 3 mbua wulana. kanadu da tau yahudi bada pahamangu la pamahi kata lawanya nyuna ba tanga palirunguna la Siria ba wada, hala nyuna hina buataya lapalaku ningu la Makedonia. ⁴ Hi Sopater welingu la Berea na angunyai Paulus, na anai Pirus, lailu hi Aristarkus dangu hi Sekundus, welingu la Tesalonika, dangu hi Gayus welingu la Derbe, dangu hi Timotius welingu la Asia. ⁵ Nyuda da laku mangilu hala hida panedi nggama nyuma la Troas, ⁶ taka nyuma hima palirungu welingu la Filipi ba halayaka na lodu bokulu Roti ndapatai wolungu, ningu mbua loduma bama todu lai nu. na hupu njapauna na padaluna hi Paulus la kuataku Troas ⁷ La kawunga lodu la minggu nuna taka da tau Yahudi na kawunga lodu la minggu da pakirinya djaka na tamaka na lodu la lodu nomu, taka hi Lukas na pakiya na rehi Yunani la ayat yiana, na palana djiaya na rudungu kla lodu minggu, batalanga pamatungu nguda la pakawita kambamba pamangu rudungu, hi Paulus napabanjaru duanja nyuda kaba ninya napawukuna kaku laku a lodu nama namunya, dangu nyuna hina pamalaiya na kareukuna lundu paduaka rudunguya. ⁸ Da dangu da epi la kurungu ma ngia dita, la ngia papauhima nyuma. ⁹ Dangu, lai nu ninya na haatu bidi mini nama tamungu Eutikus batalanga uhukuna la jendela dangu hina tuamanya katuda.Hala, hi Paulus pabanjarungu dira mandaiya, hala nyuna tamba katuda mangandu ma ana ka kanabu nanyaka nyuna la lantai patailu wana hala hida dendiya ba mbada meti naka. ¹⁰ Tunakanu, hi Paulus na puru hina napunya, hala hina rohuya, hi wana," ambu takanyaurudu kaba ninyapa na hamanguna lai nyuna." ¹¹ Bana hei belika hi Paulus, hala hina kawita kanguta dangu hina hi ngangu, hina pabanjaru duanja nyuda dangu dira mandaiya, lundu marai romuya. la hambelinaka nuna, hina wangu palaku. ¹² Hida karia belinya nuna na bidi mini la dalu lurina dangu dira hananguha. Welingu la kuataku Troas dalaku hanggangu la kuataku Miletus ¹³ Djiaba tuna, bada laku mangiluka la kapal, nyuma mapalirungu mangilu la Asos kama hamburuyai Paulus lai nu kanadu mba mbada djiamayaka na pawukuna, nyuna wiki na mbuhangu palaku li lawihi bana laku lai nu. ¹⁴ Dangu, bana hamburu kamaka nyuma la Asos, hala nnyuma hima karianya la Metilene. ¹⁵ Bama palirunguka welingu lai nu, hadangu lahari hinaka himataka la Khios. hili hau lodu hinaka hima mareninya la Samos, taka hili hau lodu hima wangu pataka la miletus. ¹⁶ Kanadu, hi Paulus ba mbada buatangu manaka la papalirungu la palaku ningu la Efesus mata ka ambu ta panajapu ningu rehi la Asia kaba mbuhangunanya la palu taka la Yerusalem, djaka ningupa pekuna, la lodu Pentakosta. Kaku pambajaru duanja da ama bokulu la Efesus wanai Paulus ¹⁷ Welingu la Miletus, hi Paulus na paliawa tau la Efesus la papaninja da ama bokul la pamai lai nyuna. ¹⁸ Dangu bada takaka lai nyuna, hala hiwananja nyuda, "nyimi mbada pi wiki maminyaka, nggiki wanggu baku luri lanjungami nyimi ba dira manadika, piti welingu ba hina ku diliya la Asia. ¹⁹ baku palokuya na nduma nai Miri wangu kiadaru etinggu, dangu wangu wai matanggu, dangu matu- matu mapakamangu matakangga wangu kambalikuda da tau Yahudi. ²⁰ nggiki hamana baku pamandungu wikinggu ndumangu la pabuabaruya lai nyimi mbu halana nama ningu lingungu dangu baku papiaka nggai lahangga tau dangu hala baku nimbihunggai umami. ²¹ Paweli etingu bai pahakahingu, la tau Yahudi hamukai la tau Yunani, rukuna na manjaria lai Allah dangu lapa parahaya la Mirinda, hi Yesus Kristus. ²² Dangu la rehi nahu, ngitaya,wangu bana honduya Ngahu, ba talanga nahungga la anda hanggangu la Yerusalem, dangu ndaku wangu papimanya djaka nggaraya nama tumbu la wikinggu lai nu, ²³ kanadu na Ngahu Matua bana pahakahingu mapa langantakangu nimbihu la kuataku na ngia paningga hi wanangga na uaka dangu na pamayilla wangu bapanedi nanggapadua. ²⁴ Djiaba tuna, ndaku bokulu eti waanya na luringgu bana pawilingu hi lupa kupalaku na wai ngiaranggu dangu na papaloku napa ngalanggu welingu lai Miri Yesus, ndumangu lapa njadi hakahi mapaweli etingu rukuna na Injil napa wuanai Allah. ²⁵ Dangu nahu, ngitaya, nyungga kupimanya banda ninguapa la njuangamu, lai nyumu nyungga hiku laku winggirungu lapa buabaruya na pahanganji, hiku hili ngitaya beliya na rupa wikinggu. ²⁶ Lailu ruku nuna, nyungga hiku pahakahingu lai nyumu la lodu nahu kanadu nyungga banda ningua njalanggu la mbulu halana na wai riamu. ²⁷ Kanadu, ba ndaku patungua wikinggu lapa buabaru nggaunya lai nyumu mbu halana napa wukunai Allah. ²⁸ Rimangu badi wikimu dangu dangu mbu halada nda kababa mbimbi dangu, djiaduhaka da kabungguru, lailu nyuda na Ngahu Matua nama panjadikau makapipiha ndumangu lapa pawanja da kabungguru nai Allah hi Paulus napamaunya na wai ngiarada dma kapipiya na kabungguru nai Allah, djia duyaka kada pawanja da kabungguru hama djiangu da mbimbi dama tundunya nama pawanja. dapa ,mbada ngalana wangu wai ria wikina djaka ndia, wai riana na Ana wikina, ²⁹ Nyungga ku pimanya bataliu ngguka, da banda dama mbeni damai la njuangami, ndada hili namu aha da kababa nuda. ³⁰ Dangu, welingu la njuangimi nyimi wiki napa na hadangu da tau dama pabanjaru wanya nama panjaranya na tau parahaya hi lupa na tundunja nyuda. ³¹ Djiaba tuna nu, mangga rimanguwa, hala kainamu manuya kanadu na lodu dangu na rudungu, ningu 3 mbua ndauna, ba ndaku kamuataludu lapa anmu manunggai nyimi haatu mara haatumi dangu wai matanggu. ³² Dangu nahu, nyungga ku huraru nggai nyimi lai Miri dangu la pulungu pawua-Na nama maka lapa pahadanggau dangu lapa wuanggau kangiahamu la njuangada mbu halada da tau dam yahangu. ³³ Nyungga ndaku mbuhangua amahu bara, dangu amau rara, djaka ndia malanja nai nggamubiaya. ³⁴ Nyimi wiki hi pimanya ba wangun lima wikinggu baku himbuya na pambuhanggu dangu nyuda mbu dama angu manungga nyungga. ³⁵ La mbu halana, nyungga ku pangitanggau wangu rama pambotungnggu ham djiangu yiana, lupangu ma badi kata ndulaya nama nda maka dangu kata panamunya na papanina hi Miri Yesus, na rihi hamupa bata wuangu welingu bata ngalangu." ³⁶ Dangu, bana halaka nu nyuna la pakaluakanya mbu halana nuna, hala nyuna hina patika dangu hina hambayangu duanja nyuda mbu halada. ³⁷ Hala, kahi hala danyaka nyuda dangu nyuda mbu halada hida rohuya hi Paulus dangu hida pudukuya, ³⁸ dira handuka nyuda, rihimaka una ba ndai hili ngita ayapa na rupanggu ba wana. hala, hida karianyai Paulus la kapal.