¹ Pauluhu mbu na mai la Derbe dangui Listra. Dangu, taruya ninya na ha atu matundungu lai nu, na tamuna Timotius, na ana weli la tau kawini Yahundi nama mbada parhaya, jia na amana jia maya tau Yunani. ² Nyuna pa patanda hammu ya weli la angudedi-angudedi nama parhaya la Listra dangui la Ikonium. ³ Pauluhu na mbuhang yi Timotius na laku angui nyuna, hi nyuna na wandaya dangu na katahhu ya dangu ka nadu tau-tau Yahundi nama todu la pangia nuna. Ka nu, nyuda mbulu halada da pinya ba jia na amana jia maya na tau Yunani. ⁴ Mba ninja nyuda da pangga lapahu ya na kota-kota, nyuda da patakanya na pa ihi-pa ihi nduma tau-tau nama parhaya kada patutungu, nama mbada mbuatangu weli la wunangu dangu da ama mbokulu nama ninja la Yeruhali. ⁵ Hi, da jemaat pambiha ha dalu parhaya dangui mba ninja la patambangu la setiapu lodu. Ala Na Pa'aunya yi Pauluhu Laku La Makedonia ⁶ Kanu, nyuda da laku palapahu ya na pangia Frigia dangui Nggalatia ka nadu mbada mbita nanjaka weli la Ngahu Matua nduma papaniya na pulung la Asia. ⁷ Mbada takaka nyuda la Misia, nyuda da pambangatu pa laku la Bitinia, jia na Ngahu nai Yehu dena pahila anja nyuda. ⁸ Hi, mba halaka palapahu ya na Misia, nyuda da puru la Troas. ⁹ Ningu hau papaitangu wangu na wuwa lai Pauluhun la rehi rudungu. Ningu ha atu weli la Makedonia ninya la padingiru dangu na karai lai nyuna, wananya, "Mu mai la Makedonia dangu mu tolong nggama nyuma." ¹⁰ Mba halaka yi Pauluhu pa itaya na paitangu wangu nuna, nyuma ma pambangatu dangu parianggangu pa laku la Makedonia, mba halaka pa mbuataya ba jia yi Ala mbada pa'aunanggama nyuma nduma la papaniya na Injilu lai nyuda. Na Patobatu Wangu La Lidia ¹¹ Ka nadu nuna, mba halaka pa hanggang la Troas, nyuma ma pangala tilangu pa hanggang la Samotrake, dangu la lodu nama namunya laku la Neapolis, ¹² dangui weli lai nu laku la Pilipi, kota nama kawungana la pangia Makedonia dangu na kota na panjanja Roma. Nyuma ma todu la kota nuna la mba pira mbua lodu. ¹³ Kanu, la lodu minggu, nyuma ma laku la pindu mbahu mbokulu kota hanggang la hingi luku, pangia langgi nyuma mbama patandangu ba jia lai nu ningu pangia pahambayangu. Hi, nyuma ma mandapu dangu ma pabanjaru dangui da tau kawini ndama pabundungu. ¹⁴ Na tau kawini nama tamungu Lidia, weli la kota Tiatira, ha atu tau nama ndagangngu katari ungu nama wotu hailangu yai Ala. Miri na mbunggahu ya na etina nduma la pataru pahamunya jaka nggara ya na pani nai Pauluhu. ¹⁵ Dangu, mba halaka yi Lidia dangui mbulu daba na tau dama todu la umana pa ihuha, nyuna na karai lai nyuma, wana, "Jaka nyumu mu panika nyungga parhaya dangu la patanjingu la dalu nai Miri, maiwa la umanggu dangu toduwa lai nu." Dangu, nyuna na karai pambangatu kama nyuma. Pauluhu Dangui Silas La Panjara ¹⁶ Mba ninggama, nyuma palaku la pangia pahambayang, ha atu ata tau kawini, nama ningu ngahu nduma pa ramal patabuku kama nyuma. Nyuma na ngandi dangu pautungu wangu la mirina la dalu ramalan-ramalan na. ¹⁷ Na tau kawini nuna na tundunyai Pauluhu dangui nyuma mba ninggama la pawarangu, "Tau-tau naina jia maya da ata-ata nai Ala nama Parihing Pajangga, nama paniya na anda pambembahu lai nyumu!" ¹⁸ Nyuna na pambangatu pa palakuya selama la hau lodu-hau lodu. Pauluhu, ka nadu na njadi la pa mbeni ailulu, na pambeling dangui na paninya lai na ngahu nuna, "Nyungga ku paliawa kau nyumu la dalu tamu nai Karitu Yehu nduma paluhu weli lai nyuna!" kanu, na ngahu nuna na luhu, la rehina nuna mbu. ¹⁹ Jiayaika, mbada itayaka da mirinda ba jia na harapan nda nyuda ruku na pa'utungu wangu mbada njapu nanyaka, nyuda da apaha yi Pauluhu dangui Silas, dangui la payindaha nyuda la pangia ma dangu la hangganda ma kuaha pangia. ²⁰ Dangu, mba nyuda mbada ngandi ha yi Pauluhu dangui Silas la hakim-hakim kapala, nyuda da pani, "Tau-tau naina jia maya da tau-tau Yahundi dangu ninja la paparuha la kota nda nyuta. ²¹ Nyuda da anjaruha mbai adat istiadat nama da padeningu nduma nda nyuta patarimma jaka ndia papalaku mba tau Roma ta." ²² Tau dangu nuda da hadangu pahama la pambiara duanya yi Pauluhu dangui Silas dangui da hakim la kota da hiraha na kalembi nai Pauluhu dangui Silas, angui mbu ningu lapa paliawaha nyuda nduma lapa paluha mba tau manduaha dangu mbi tongkat. ²³ Mba halaka ninja la pamayillaha yi Pauluhu dangui Silas dangui dangu kaudu limma, nyuda da warunya la dalu panjara dangu papaliawaha da kapala panjara nduma la panjangga yai Pauluhu dangui Silas la ndapa hawiawa. ²⁴ Mba halaka patarima ya na hilu nuna, kapala panjara pa patamanya yi Pauluhu dangui Silas la dalu panjara nama parihing pa dalu dangu pahondu ha nda wihida nyuda wangu kalorungu. ²⁵ Ningngu la pandua rudungu, Pauluhu dangui Silas ninja la pahambayang dangui la pa ludu la ludu-ludu hailangu nduma nai Ala, dangu da patahangu dama hawiangu mbu da ronguha nyuda. ²⁶ Kanu, ningngu pa njadi gempa pinu tana nama mbokulu hi na pondasi panjara na ngguada. Dangu, ninja mbulu daba da pindu da tambunggahu dangui da pahodu la wihi tau da tambunggahu. ²⁷ Mba nda kapala panjara da hadangu dangu na ngitaha da pindu-pindu panjara mbada da tambunggahu, nyuna na pitiya na kabialana dangu ninya hakudu lapa pameti wikina ka nadu nyuna na patandanya da patahangu mbada palai danyaka. ²⁸ Jia, yi Pauluhu na warangu dangu pambangatu, "Ambu mu pameti wiki dumu ka nadu nyuma mbulu halama ninggama lai yohu!" ²⁹ Jiayaika, na kapala panjara nuna na karai lampu dangu na lu palai tama, kanu na ninya la kandandaku, nyuna na karuduku la hangga nai Pauluhu dangui Silas. ³⁰ Halaka nuna, nyuna na ngandiha nyuda pa luhu dangu hi wana, "Miri-miri, nggaraya napa papalokunggu hiku ngalangu lapa mbembahu?" ³¹ Dangu, nyuda da wua pani, "Parhayawa la dalu kuru tamu nai Miri Yehu dangu nyumu daingu mu ngalangu pambembahu, nyumu dangu mbulu halana na tau nama todu la umamu." ³² Jiayaika, Pauluhu dangui Silas da patakanya na pulung nai Miri la kapala panjara nuna dangu la mbulu halana na tau nama ninja la dalu umana. ³³ Halaka nuna, nyuna na ngandiya yi Pauluhu dangui Silas, la rudungu nuna, dangu na pundahuha dama taluruhu-taluruhu da nyuda, hi nyuna dangu mbulu hala da angudedina ninja lapa ihu. ³⁴ Jiayaika, kapala panjara na ngandiha yi Pauluhu dangui Silas la umana dangui na wuanja pangangu. Hi, nyuna na hanang ailulu, ba jia nyuna dangu mbulu halana nama todu la umana mbada parhaya daka lai Ala. ³⁵ Jiayaka, jaka ninguka la tidu lodu, da hakim-hakim kota da paliawa mba ma piraha da polisi, dangui da pani, "Pahalanja da tau-tau nuda!" ³⁶ Dangu, kapala panjara na paninja da pani nuna lai Pauluhu, dangu da pani, "Hakim-hakim kota mbada paliawa daka nduma lapa pambembahu kau nyumu. Ka nadu nuna, luhuwa nu dangu lakuwa la dalu hamu etmu!" ³⁷ Jia, Pauluhu na pani lai nyuda, "Tau-tau nuda mbada da palu kama nyuma la muka tau dangu, la da ningu pa adili, tau-tau nama jia maya tau negara Roma, dangu mbada pawarru nggama nyuma la dalu panjara. Kanu, ka nyuna dapa luhu kama nyuma la panda pi-panda pi nda? Nia'a! matanja nyuda wiki da mai dangu da paluhu kama nyuma." ³⁸ Nda polisi da paniya da hilu-hilu nuda la hakim-hakim kota. Nyuda da mangadatu jaka da rongu ba jia yi Pauluhu dangui Silas jia maya da tau negara Roma. ³⁹ Hi, nyuda da mai dangu da karai lapa maapunja lai Pauluhu dangui Silas. Mba halaka paluhuha yi Pauluhu dangui Silas, nyuda da karai ka lupa mba manduaha da luhu weli la kota nuna. ⁴⁰ Kanu, nyuda da luhu weli la panjara dangui da tama la uma nai Lidia, dangu mba da itangu ha da angudedi-angudedi dama parhaya, Pauluhu dangui Silas da pambinuha da etida nyuda, hi wampa da laku.