¹ Jiayaika, mba ma piraha da tau da puru weli la Yundia dangu lapa pa'anjarha da angudedi-amgudedi ma parhaya, "Jaka nyumu ndau katahhu hamana dangu na kalaratu nai Muha, nyumu ndau ngalangu a pa lapa pambembahu kau." ² Kanu, jaka njadi na pambiara wangu dangu na pahanggang ngaru nama nda kudu la yi Pauluhu dangui Barnabas dangu da tau-tau nuda, nyuda da mbuatangu ba jia yi Pauluhu dangui Barnabas, angui mbu ba ma piraha da tau-tau hawiangu weli la nyuda, da hai la Yeruhali nduma lapa patabuku dangui da wunang dangui da ama mbokul ba ruku dangui da mahama naina. ³ Hi, ba halaka lapa tuha la dalu na pap palaku wangu weli la jemaat, nyuda da lapahu ya na Fenisia dangu Samaria dangu lapa paniya dangu patutungu ruku na papanjangu pa katu da pangia-pangia hawiangu, dangu na ruku nuna na ngandi pahanang wangu nama parihing mbokul nduma mbulu hala na angudedi ma parhaya. ⁴ Mbada takaka nyuda la Yeruhali, nyuda pa hambur ha weli la jemaat, da wunangu, dangu da ama mbokul, hi nyuda dapa paniya mbulu halana napa palaku nai Ala lai nyuda. ⁵ Jia, mba ma piraha da tau weli la tau Farisi nama mbada parhaya dangu hi wada, "Na penting ma nduma lapa katahhu ha nyuda dangu nduma lapa papaliawaha nyuda kada tundunya na Hukum nai Muha!" ⁶ Da wunangu dangu da ama mbokul da patabuku duangu nduma la papambanjaru wanya na ruku naina. ⁷ Mba halaka na papambajaru wangu nama malai lai nu, Petruhu na dingiru dangu hi wana lai nyuda, "Angudedi-angudedi, nyumu mu pinya ba jia la rehi nama lapahu Ala mbada pandoi nanyaka na papindi wangu la huangamu nyumu ba jia weli la ngarunggu, da pangia-pangia hawiangu daingu da ronguya na ihi Injilu dangu da njadi pa parhaya. ⁸ Dangu, Ala, nama tandaha ya da eti tau, mbada na paniyaka lai nyuda dangu na wuanja mbi Ngahu Matua lai nyuda, hamana napa mbada papalaku-Na lai nyuta, ⁹ dangu Nyuna dena pahiawa-pahiawa anda nyuta dangui nyuda, mba halaka Nyuna pa pambidahu ha da eti da nyuda weli la parhaya da. ¹⁰ Njadi nu, ka nggikina nyumu mu kamanyai Ala dangu mu wuanya kuk nama mbotu la nggoru dama tundungu dama, hamu da appu ndai da nyuta angui mbu nyuta, deta ngalangu pa tanggungnya? ¹¹ Jia, nyuta ta parhaya ba jia nyuta ta ngalangu pambembahu weli la panamung nai Miri Yehu, hama da nyuda mbu." ¹² Jiayaika, mbulu hala da pambundungu tau nuda da kandi dangu nyuda da ronguya yi Barnabas dangui Pauluhu, hi dalu la haka mbulu dambu wunangu nuda da pani halaya na tanda dangu na papanjangu wangu napa mbada pandoi nai Ala la huanga pangia-pangia hawiangu. ¹³ Mbada halaka nyuda papanjangu pabanjaru, yi Yakombuhu na wua pani, "Angudedi-angudedi, ronguka nyungga. ¹⁴ Simon mbada pani nanyaka jaka weli la kawungana yi Ala mbada hamata nanjaka da pangia-pangia hawiangu, nduma la papitiya weli la huanga pangia nuda na manguna nduma na tamu-Na. ¹⁵ Na pani da nabi da pa'ainja na ruku naina, hamana napa tulihu, ¹⁶ 'Mba halaka naina, Nyungga daingu ku kambeli. dangu daingu ku pahada mbelinya na umanai Dautu nama mbada mbapa. Nyungga daingu ku pahada mbelinya na hupu-hupuna, dangu Nyungga daingu ku papahamu ya, ¹⁷ ka lupa da umat tau pinu tana nama ninjapa da ngalangu pahimbuya yi Miri, dangu mbulu hala da pangia hawiangu napa papa'aungu la dalu tamu-Nggu, nama palakuya mbulu halada naida,' nsa pulung nai Ala, nama palakuya mbulu halana naina, ¹⁸ mbada papinya weli la kawungana ngaungu. ¹⁹ Njadi, nyungga ku pani ba jia nyuta latti deta pasulit aya da tau-tau weli la pangia hawiangu nama mbada pambeling lai Ala. ²⁰ Jia, nyuta latti ta tulihu lai nyuda ka nyuda da pamaraungu wikida weli la ruku-ruku nama pairakuha weli la berhala-berhala, dangu weli la ndoha-ndoha seksual, dangu angui mbu weli la nggaraya nama mbada pakohulu dangu weli la wai ria. ²¹ Ka nu, weli la ana nama la kawungana, Muha mbada ninguna, la setiapu kota, tau-tau da paniya ka nadu pa lapa mbaha ya la Sinagoge-sinagoge la lodu Minggu." Huratu Nduma Tau Parhaya Nama Da Yahundi ²² Ka nu, da taru pahamunya weli la wunangu, dangu da ama mbukulu, dang mbulu hala da jemaat, da pindi tau-tau weli la huanga da nyuda nduma pa paliawa la Antiokhia angui Pauluhu dangui Barnabas. Pa paliawa yai Yundahu napa papa'aungu Barnabas, angui mbu Silas, dama kapala la huanga angudedi-angudedi ma parhaya, ²³ dangu nyuda da tulihu huratu dangu limma da nyuda, tungu nu: ²⁴ Ka nadu nyuna mbada rongu maka ba jia mba ma pira kama weli lai nyuma, nama lai nyuda nyuma ndama wuangu papaliawa, mbada paganggu nggau dangu pani da nyuda nama pakanabu ya na ngahumu, ²⁵ na ruku naina papataru hamuya weli lai nyuma, mba halaka panjadi pahamang duangu, nduma papindi tau-tau dangu papaliawaha nyuda lai nyumu angui mbu da angudedi-angudedi ma nyuma napa panamu, Barnabas dangui Pauluhu, ²⁶ nama mbada tungu luri da nyuda nduma tamu Mirinda nyuta, Karitu Yehu. ²⁷ Ka nadu nuna, nyuma mapaliawa yai Yundia dangui Silas, nama nyuda wiki daingu da paniya na ruku-ruku nama pahama la wua pani. ²⁸ Ka nu, kana rihi pahamu pa na Ngahu Matua dangu nduma ma nyuma duma pabanjalu ya nama mbotu la ditamu nama da parihing pambotu weling nama parlu naina, ²⁹ ba jia nyumu mu pamarau wikimu weling la nama mbada wuangu la berhala, dangu weli la wai ria, dangu weli nggara ya nama meti la pakohulu dangu weli la ndoha seksual. ³⁰ Mba halaka nyuda pa karai palaku, nyuda da puru la Antiokhia, dangu halaka papabundunya na jemaat, nyuda da wuanya na huratu nuna. ³¹ mba da tau-tau parhaya da mbahaya, nyuda da hanangu parai ruku na pani halangatu nuna. ³² Yundahu dangui Silas, nama nyuda mbu nabi, na pamandungu dangu na pakaparu wada da angudedi-angudedi nama parhaya dangui dangu pani. ³³ Dangu, mba halaka nyuda pa todu lai nu nduma pira mbua rehi, tau-tau parhaya nuda da pahalangu nja nyuda pakambeli dangu mbaha eti la tau-tau nama mbada paliawa ha nyuda. ³⁴ (Jiayaika, pa pani hamuya weli lai Silas nduma lapa padaingu lai nu.) ³⁵ Jia, Pauluhu dangui Barnabas da todu la Antiokhia, dangu pa anjaru dangui pa paniya na pulung nai Miri pahama dangui da tau dangu hawiangu mbu. Pauluhu Dangui Barnabas Da Pahiawa ³⁶ Mba halaka la pira mbua lodu, Pauluhu na pani lai Barnabas, "Maiwa nyuta kata kambeli dangu la patadaluha da angudedi-angudedi nama parhaya la setiapu pangia, pangia da nyuta mbata patakkanya na pulung nai Miri nduma ka ita wanja nggiki hama da nyuda." ³⁷ Barnabas na mbuhang pawanda ya mbu yi Yuhani napa pa'aung Markus. ³⁸ Jiayaika, Pauluhu da patandangu ba jia deda ngalangu'a latti pawanda tau nama mbada laku warunja nyuda la Pamfilia dangu deda laku pahama a dangui nyuda nduma na parama nuna. ³⁹ Hi, na njadika na pambiara wangu nama ihiku hi nyuda da pahiawa ha atu mandua da. Barnabas na ngandi angui Markus dangu da hanggang la pangia Siprus, ⁴⁰ Jia yi Pauluhu na pindiya yi Silas dang da laku, mba halaka pawuanja weli la angudedi-angudedi ma parhaya la daluna panamu nai Miri. ⁴¹ Dangu, nyuna na lapahuya na Siria dangui Kilikia dangu pani papamandu wanja da jemaat.