¹ Dangu, na njadika, la Ikonium, Pauluhu dangui Barnabas da tama duangu la Sinagoge tau Yahundi dangu da pabanjaru hama nggiki tu na hi mbama pira danguha da tau, ka tau Yahundi ha ka tau Yunani ha, da njadi pa parhaya. ² Jia, tau-tau Yahundi dama da parhaya da kahiliha da tau-tau nda Yahundi dangui da wuanja hilu ka lupa nyuda da lawanja da tau-tau parhaya. ³ Hi, nyuda da todu lai nu la dalu rehi nama mandai hili da tungu pabanjar dangu toru mbeni duma nai Miri, nama wuangu hilu ruku na hilu panamungu-Na, angui mbu na wuangu tanda-tanda ajaibpu dangu parama-parama nama njadi welingu la limmada nyuda. ⁴ Jiayaka, tau-tau la pangia nuna da mbanggi-mbanggi, da hawiangu da tundungu la tau-tau Yahundi dangui da hawiangu da tundungu la ama mbokulu. ⁵ Jaka ningu usaha papandoi, ka weli la tau-tau nda Yahundi ka tau-tau Yahundi mbu, dangui da makapalaha nyuda, duma pamayillaha dangui da linggu wanja watu da ama mbokulu, ⁶ ba halaka yi Pauluhu dangui Barnabas dangu da palaika la Listra dangui la Derbe, pangia-pangia la Likaonia, dangu la pangia-pangia la tutuda. ⁷ Dangu, lai nu nyuda da patakanya ruku na Injil. Pauluhu La Pangia Listra Dangui La Pangia Derbe ⁸ La Listra, ningu ha atu tau nama mandapu dangu dena halangatu'a na wihina, na kalippar weli la kambu inana dangu dena ngalangu'a handakang papangga. ⁹ Tau nuna ninya lapa rongu yai Pauluhu ka nadu nyuna mbana pabanjaru, mba halaka yi Pauluhu pa tarruya dangu na itaya mba jia nyuna ningu pawai duma lapa papanjanya, ¹⁰ Pauluhu na pabanjaru dangui lingu ma pambandukku, "ka nu, na tau nuna na kawullang wikina dangui na pangga. ¹¹ la nahu na tau dangu da itaya jaka nggara ya napa palaku nai Pauluhu, nyuda da tungu lingu ngaruda dangui da pabanjaru la dalu hilu Likaonia, "Da dewa-dewa mbada purundaka la pandua-pandua nda nyuta angui da njadi pahama angui na tau!" ¹² Tau-tau nuna da pa'aunya yi Barnabas pa njadi Zeus dangui Pauluhu pa njadi Hermes, ka nadu nyuna nama pimpinha la dalu pa pabanjaru. ¹³ Na parhaya la dewa Zeus, na pangia hambayang ninya la hambeli pangiada, da ngandi lembu-lembu mini dangui mbi bunga la pindu mbahi mbakulu kota. Nyuna dangui da tau ndangu nuda da mbuhangu pa wuangu parupu mbada lai Pauluhu dangui Barnabas. ¹⁴ Jiayaika, da ama mbokulu Barnabas angui ama mbokulu Pauluhu da ronguya na ruku nuna, nyuda da hiraha da kalembi nyuda dangu da palai tama la pandua-pandua da tau dangu nuda, hida warangu, ¹⁵ dangu hi wada, "Angudedi-angudedi, ka nggikina nyumu mu palokuha mbului daba da naida? nyuma mbu tau ma tungu nu makama hamana nyumu dangu ma ngandi ihi li mahamu dumamu ka lupa nyumu mu pambeling weli la ruku-ruku nama nda ningu lii na naina lai Ala nama luri, nama pandoi ya na awangu, dangu na pinu tana, dangu na tehiku, dangu mbulu daba nama ninya la daluna. ¹⁶ La wala wuana-wala wuana nama nahuyia, Nyuna na pahalanya mbulu daba pangia da pangga la anda-anda nda. ¹⁷ Jiayaka, Nyuna dena pahala anya Nyuna la panda ningu hakahi. Ka nadu, Nyuna na palakuya nama hamu dangu na wuangu lai nyumu mbi urangu weli la awangu dangu na rehi-rehi pa wua nama pambinu eti dangui pangangu dangui pahanang wangu." ¹⁸ Jaka mbu dangu pani halaha na ruku nuna, nyuda da deda pingu apa lapa tahanja nda tau dangu nuda ka ambu da wuangu kurban nduma da nyuda. ¹⁹ Jiayaika, tau-tau Yahundi da mai weli la Antiokhia, dangu Ikonium, dangu mba halaka pa wandaha da tau dangu nuda, nyuda da tukuya yi Pauluhu dangu watu dangu da yindaya la hambeli kota ka nadu mbada patandanya ba jia yi Pauluhu mbada metina. ²⁰ Jia, mba da matundungu da wili winggirunya yi Pauluhu, nyuna na hadangu dangu na tama mbeli la kota. La lodu nama namunya, nyuna na laku dangui Barnabas la Derbe. Kambeli La Kota Antiokhia La Pangia Siria ²¹ Mbada halaka papatakanya na li langu la pangia nuna dangu mbada panjadi dangu matundungu, nyuda da kambeli la Listra, dangu la Ikonium, dangu la Antiokhia, ²² dangu pa undunya da ngahu da matundungu, paliawaha nyuda nduma lapa kapingatu la dalu parhaya, dangu paniya ba jia nyuta ta tama mbudi la Paraing maha ali nai Ala la dalu dangu pa pamayilla wangngu. ²³ Ba yi Pauluhu dangui Barnabas na patunji ha da ama mbokul-ama mbokul nduma da nyuda la setiappu jemaat, ba halaka pa hambayangu dangu pa puaha, nyuda da wuanja da ama mbokul-ama mbokul nuda lai Miri, nama lai Nyuna nyuda hida parhaya. ²⁴ Jiayaika, nyuda da lapahu ya na Pisidia dangu taka la Pamfilia. ²⁵ Ka nu, ba nyuda mbada patakka danyaka na pulung la Perga, nyuda da puru la Atalia. ²⁶ Weli lai nu, nyuda la hanggang la Antiokhia, ngiapa nyuda pa mbada pawuangu la panamung nai Ala nduma na parama napa mbada halla daka nyuda. ²⁷ Mba nyuda da takka dangu da pabundungu pahama duanja da jemaat, nyuda da pani halaha mbuli dabana napa bada papalaku nai Ala angui mbui nyuda dangu ka nggiki hama tuna Nyuna bada mbunggahu nanyaka na pindu pa parhaya nduma da pangia-pangia hawiangu. ²⁸ Dangu, nyuda da todu angui da matundungu nduma na rehi nama mandai.