¹ Larehi napa, ningu la huanga kabunguru Antiokhia, wunangu-wunangu, nuna yi Barnabas Simeon na papa aungu Niger, Lukius weling la Kirene, Menahem na papamatua ngu ndangui Herodes, maramba pangia, ndangui Saulus. ² Larehi tau- tau yiana ninja lapa hambayang nyai Miri ndangu nda puaha, na Ngahu Matua wanna, "Padumanya nduma Nggu Barnabas ndangu Saulus nduma na tugahu nama nduma na nuna nyungga mbada ku pa'aunja nyuda." ³ Hallaka, mba hallaka nyuda mba puaha ndangu pahambayangu, angui mbu la pa njakarungu limma nda nyuda lai Barnabas ndangui Saulus, nyuda nda paliawaha madua palaku. Barnabas ndangui Saulus la Paraingu nai Siprus ⁴ Hi, mbada paliawaya palaku welingu la Ngahu Matua, Barnabas ndangui Saulus nda purru la Seleukia, ndangu welingu lai nu nda pala la Siprus. Larehi mbada takka la Salamis, nyuda nda patakkanya na pullung nai Allah la sinagoge-sinagoge tau Yahudi, hallaka nyuda mbu nda karianya yi Yohanes panjadi papaliawa nda nyuda. ⁶ La rehi nuda mbada laku pahalatuya mbulu daba na paraingu lu ndu la Pafos, nyuda da ngalangu ha atu ma tanggu pandubaku, ha atu wunangu kambalik Yahundi, nama tamungu Baryesus. ⁷ Nyuna angui Prokonsul Sergius, Pauluhu, ha atu nama pingu, nama karaiya yi Barnabas dangui Saulus pamai lai nyuna dangu mbuhang paronguya na pulung nai Ala. ⁸ Jiayaika, Elimas, matanggu padubaku nuna, ka nadu tunanu maka na tamuna jaka pahilunya, na rakapyai Barnabas dangui Saulus, angu na paraukangu na papahillir yai Prokonsul nuna weling la pawaina. ⁹ Jiayaika, Saulus, angu mbu na patanda mba jiayai Pauluhu na mbihunya Ngahu Matua, na taruyai Elimas, ¹⁰ Dangu wana, "Ho nyumu, nama mbinu dangu mbulu daba nama kambalik dangu mbulu daba nama da hammu, nyumu jiaya ana nai Hetang, nyumu jiaya na muhu weling la mbulu daba ma padening, ndau mbuhang'a nyumu papattu pahillir la anda nai Miri nama kunduhu? ¹¹ Nahu, taruya, na limma nai Miri na mai la pinumu dangu nyumu daingu njadi papoki ndangu ndau itangu mata lodu lundu pira mb ua rehi." La rehi nuna mbu, na kamburang dangu na kapatangu puru lai nyuna damngu nyuna na laku weli winggir pahimbu tau ndumangu pakapipiya na limana. ¹² Halaka, Prokonsul nuna njadi parhaya la rehi mbana itaya nggaraya nama mbada tungu li ka nadu na hangatar hanggang la pa'anjar nai Miri. Yi Pauluhu dangui Barnabas Laku La Paraingu Antiokhia La Pangia Nai Pisidia ¹³ La hau rehi, yi Pauluhu dangui da tau-tau dapa kariana pa pala weling la Pafos lundu la Perga, la Pamfilia, jiayaka yi Yohanes na laku warunja nyuda dangu da kambeli la Yeruhali. ¹⁴ Jiaya, yi Saulus dangui Barnabas da laku pangalatilangu weli la Perga dangu taka la Antiokhia, la Pisidia. Dangu, la lodu minggu, nyuda laku la Sinagoge dangu mandapu lai nahu. ¹⁵ Mba hala pambaha Hukum Taurat dangu mbuku tanji ama mbokul, kapala-kapala Sinagoge paliawa tau papani hanggang la tau mandua ama mbokul nuna, "Angudedi-angudedi, jaka nyumu ningu hilu-hilu mahanangu nduma tau-tau yiana paniyauwa." ¹⁶ Hi, yi Pauluhu na ndualak dangu nan wuangu pareta wangu limmana dangu wana, "Ho tau-tau Ihirailu dangu nyumu nama mangadat nyai Ala, ronguwa! ¹⁷ Yi Miri tau Ihirailu yiana mbada pindiya na appu ndai da nyuta dangu da pajanggaya na paraingu da nyuta mba nyuda todu la tana Mehiru dangu wangu pungu na panjakaru nyuna na kapipi ha nyuda paluhu weling lai nu. ¹⁸ Mba ningu la patu kambulu ndaungu, Nyuna na torungu hanggang la hori da nyuda la marada ndialangu. ¹⁹ Dangu, mba halaka Nyuna papamauha da pitu pangia l;a tana Kanaan, na pandumanja da tana nuda. ²⁰ Mbulu daba yiana na tun gu lina hama jiangu lundu la 450 daungu. Halaka nuna, yi Ala na wuanya lai nyuda nama padira-padira ya lundu la rehi nai ama mbokul Samuel. ²¹ Halaka, nyuda karai ha atu maramba, dangui Ala na wuanja nyuda yi Saulus ana kiada mini Kish, tau weling la kambihu Benyamin, lundu patu kambulu daungu. ²² Hallakai yi Ala na pamaraunyai Saul yi Ala na pahadanya yi Daud ndumang panjadi maramba da nyuda nama rukunai Ala nama mbada pa hakahingu dangu wana, 'Nyungga mbada ngalanyai Daud, anana mini nai Isai, tau nama tanji la eti-Nggu, nama daingu palakuya mbulu dabana na pambuha-Nggu.' ²³ Weling la nuwa tau yiana, yi Ala pahama dangu na randing-Na na ngandi hanggang la Ihirailu ha atu mapa panangu, nuna yi Yehu. ²⁴ Mba ndedipa na mai nai Yehu, yi Yuhani mbada pani naka mba ndedipa ruku paihu pamanjariangu hanggang la mbulu daba tau Ihirailu. ²⁵ Dangu, la rehi yi Yuhani, mbana halaha da tunggahuna, nyuna pangalangu wana, 'Nyumu mu patandangu nggamu ka Nyungga yiana? nyungga nda jia aka nyuna. Jiayaika, taruya, ha atu nama mai mba hala nyungga, halapa la wihi-Na nyungga daku parakang pa allinja.' ²⁶ Angudedi-angudedi, nuwa na kalembi nai Abrahamu dangu tau-tau la huangamu nyumu nama mangadatunyai Ala, hanggang lai nyuta na mbuambaruya na pamanang yiana mbada takana. ²⁷ Ka nadu, nyuda damma todu la Yeruhali dangu ma kapipi ha nyuda, namanda tandaya Nyuna dangu dena pinya na panina ama mbokul, na pambahana tiapu lodu minggu, mbada ngganapuna na panina ama mbokulu nuna dangu mbana hukunya yi Yehu. ²⁸ Dangu, kajappang kai nyuda ndada ngalangu pahiama wada nggarambu, ndumang pahuku pametiya, nyuda da karai yai Pilatus ndumang pa pameti-Ya. ²⁹ Dangu, la rehi nyuda da ngganapu mbulu hala ndapa tulihu da rukuna Nyuna, nyuda da papuru-Nya weling la ai harikangu dangu pakatuda-Ya la reti. ³⁰ Jiayaika, yi Ala na pahadanya Nyuna weling la huanga tau meti, ³¹ dangu lundu hau lodu-hau lodu, yi Yehu na paitang wikina hanggang la tau-tau na karia-Na weling la Nggalilea taka la Yeruhali, nama nahu na njadi hakahi-hakahi-Na ndumang na paraing yiana. ³² Dangu, nyuma ngandi ndumamu hilu mahamu ruku na randing nai Ala hanggang la appu ndai da nyuta, ³³ Mbai Ala mbada pinuya na randing nuna nduma da nyuta, ana-ana da nyuda wangu na hadang nai Yehu, hamana napa tulihu la mbuku pulung Mazmur kawudu dambu: "Nyumu maka ana-Nggu. Lodu nahu, nyungga mbada njadi ama-Nggu.' ³⁴ Ruku nai Ala nama pahadanyai Yehu la huanga tau meti, nda njia kambeli na hanggang lapa meti. Yi Ala mbada wana, 'Nyungga ndaingu wuanggu lai nyumu mahamu nama tanji dangu njadi paparahaya, napa wuangu hanggang lai Daud.' ³⁵ Rukuna nuna ma, Nyuna mbu hi wana la Mazmur hawiangu, 'Nyumu nda matanya tau tanji-Mu paitaya mbana meti.' ³⁶ Ka nadu, Daud, mba halaka pa uruhuha da nuwa wikina rai ruku napa mbuhanai Ala hina meti, dangu pakatudaya la huanga appu ndaida, angu mbui paitaya na meti, ³⁷ Jiayaika yi Yehu nama Ala pahadanya weling huanga tau meti, dena itaya nama meti. ³⁸ Rai ruku nuna, matanyauwa kau pinya nyumu, angudedi-angudedi, mba weling lai nyuna yianaya na pamanangu nduma njala-njala napa paluahana lai nyumu, ³⁹ dangu welingu lai nyuna, tiapu tau nama parahaya na bebahu welingu la mbulu ndaba nggara, nama pawelingu lai nyumu dana njadi pa mbembahu weling la Hukum Taurat nai Muha. ⁴⁰ Njadi, rimangu-rimangu ka lupa na ruku-ruku napa panina la mbuku pulung ama mbokul dena li lai nyumu: ⁴¹ 'Tarru ya, ho tau nama pa njuki! Katataku ndangu na metiwa, kanadu Nyungga mbada palaku ya na paramma la rehimu, hauna na paramma na panda parahayamu, angui mbui njiaka ningu ha'attu tau nama patakangu lai nyumu.'" ⁴² Larehi nai Paulus ndangui Barnabas mbana luhu, tau-tau na karai ka nyuda nda patakkanya ruku na pulung nuna la lodu minggu nama namunya. ⁴³ Bahallaka pa pahamburu la sinagoge nuna njapu, ndangu na tau Yahudi ndangu tau Proselit ⁴⁴ La lodu minggu nama namunya, tikka pa mbulu ndaba tau na pabundung nduma parongu ya na pullung nai Miri. ⁴⁵ Njiayaika, larehi tau-tau Yahudi mbada ittaya ma ndangu nuna, nyuda na punu nja iri eti ndangu pakiringu palawanya nggaraya na papaninai Paulus angu papa irrakuya. ⁴⁶ Hallaka, Paulus ndangui Barnabas na hiamaya ndangu turu mbeni ndangu wanna, "Ruku naina na pentingu mba na pullung nai Allah latti na paluahanya lai nyumu la mangiluna. kanadu nyumu mbau tullakuya ndangu mu ndiha wikimu ndau parakkangu'a pa pangalangu luri palupangu, tarruya, nyuma ma pambeling la pangia-pangia hawiangu. ⁴⁷ Kanadu, tunanu yi Miri mbada wuangu hillu lai nyuma: 'Nyungga mbada panjadi kau nyumu hambila nduma pangia-pangia hawiangu ka nyumu hi ngalangu pangandi ma mannangu takka la hupu pinutana.'" ⁴⁸ Larehi tau-tau nda Yahudi nuda nda rongu ruku yiana, nyuda nda hannangu ndangu nda panjangga ya na pullung nai Miri. Ndangu, hama ndangu na pambada pahamanya ndumang paluri palupang, njadi parahaya. ⁴⁹ Hi, pullung nai Miri na mbinu la mbulu ndaba pangia nuna. ⁵⁰ Njiayaika, tau-tau Yahudi na pakambalik nja nda kawini-kawini matanji na patembi ndangu tau-tau penting la paraingu, ndangu na pahadanya na pamanyilla wangu hanggang lai Paulus ndangui Barnabas, angubui panyaraha madua nda paluhu weling la huppu pangia nda nyuda. ⁵¹ Jiaya, mbada kambahuha nda awu la wihi nda nyuda hanggang la tau-tau Yahudi lai nu, Paulus ndangui Barnabas laku la Ikonium. ⁵² Ndangu, nda ma tundunya nda mbinu nja ndangu hannangu ndangu wangu Ngahu Matua.