1 Gasakbo,Yesus gagebaitelei "Na lakgensol meebai,inunsu ok bo ina akomi lasinia biy ibodena meya Latalla gekang gegamoiya yame iogente. Yesus,Musa,Elia Gekang 2 Wai tangtama leleia,Yesus sa ga petrus,Yakobus,Yohanis gesoi sakbo gageipulte mea buklapang tade.Yesus sa Ga geisa migakiy megafonatadelei. 3 Gefalakbo Gegoya kulbila paka,anma poma maling buktamibo falak gobaite bila desa getawana 4 Gasakbo,megafonatadea Elia ya Musa Yesus gekang uh tukawai 5 . Petrus ga Yesus gebai,"Gur"kul gamoi wetebo ina nisue mideya ganiak mensi sangsoba su gobai: nok eng,nok Musa geng wai nok Elia geng 6 Minatunggasi,Petrus genglaknak wai gebiesak minai lak luw game kawai 7 Anga ganinia,sakafu mesue gotafuite lei,gasakbo Latalla gelakbile sakafu ganeng yame migamande sa akasi akok geng Nedum bo nagasama desakgal,galak gowaising! 8 gofadotana desa,galei teme gata gamung mide sa anma apenga gekangna Yesus geng gekang 9 Gasakbo,gatana buk lapang tami mabo siysa Yesus sa gagebai telei minai inawatu igatemang ibiy me anma apenga gebaina mea Latalla gedum lam ga anma gabodeta ganaimi gengkane tang. 10 angakgatung gekang lakmata gafung mege ih tadi gasakbo miyamang,minai genangu wai gabodente gengkane? 11 Gasakbo Yesus gemangtalei,minatung anma bo taurat migenglak dea gakawai bo akasi Elia gengkul"gesu yame?" 12 Yesus ga gebaitelei"Elia gesu gayame ganinsi mekarnok migakane,ganintuwbo gesurat migamadesa Latallah gedum lam kul migawaiwai,geipang gafung. 13 ganintuwbo Na ibainte,Elia gaile suwemang ganintubo na ebainte Elia gaile sue mang ganintu bo anma gegamabungu me Elia gatadimang,Solmi gobileng bo megatadiyak gal 14 Anga lelea,Yesus,Petrus,Yakobus ya Yohanis gawaitea gesakola apenga gatade,Galeisa anma paringa me gesakola gokohte kiliwiy mang,gasakwete taurat gegafilanga gekang lakmata goteime. 15 anmakangbo gokoliwi gatania Yesus gegate,gekang gogaditmang ganiak mitata tak bo Yesus gatafane. 16 Gasakbo Yesus ga gemangte lai,"minau taurat gegafilang ikang goteimete ako ? 17 Anmanok gaganiymi ga kohsa ga gogawai "Gur"Nedum lami na pulbo mesue atadea sumuiboka geng gobaibo gawah uh demang. 18 Sumui boka anga gaya migabiydesa,gagesa mefununga tagabarwebo migakai gawai asakwete kua gawa goiyame,gasakwete awesa tangkih gasakbo geisa skor.na esakola-sakola gesoibo sumui boka boite getaki,ganintubo biy goranatu. 19 Ganiak Yesus ga gogawai bo lakkawai,"hoi ilbo ina getolegetatang iman igona! watu geadu toninguw natana latami? watu geadu toningngu namitapade ! 20 Ganiak , dumma gapul te mewe Yesus gatade,katiya ga Yesus gateya ga duma gogaset gogayo . duma mefunungta mimutang tagakiy tagawai gasabo kua gawa goiyame . 21 ganiak , Yesus gadum gepa gebai , lewatu taelising nuabo ako megotanintemang gagogawaisa " gatana dummokgumi " 22 Katia getanamiwete gageigabarwe meatbong ya waimi gabarwemang gansi getamasi . ganintubo , A nuanok gafonggodembang Alila nimboka , Aniobuh. 23 Yesus sa gagebai" matung akul gesoi"karnoka nung kangtu me anmabo gemung sol-sol gotadi 24 Dum gepa gataniy bo migamuntai"nalila orumai"nalilbo gotawaisa nobuh. 25 Yesus galeisa anma paring puna-puna debo suwe gowai, Yesus sa ga katiya gokakde gasakbo gagebai,ila katiy gawa uh,iwaimok igaima, na miisorang dum gemungmi ako lentagode gasakbo iwai tawena. 26 Duma le golempi gotayo bo gearasia katia melentagodemang , duma anga solmi gabodemang ganiak anma paring gakawaisa " dum le gabodemang " 27 ganintu bo Yesus sa ga dum gatanga gofung bo ga ' tang , ganiak duma anga gasole lasing ,. 28 Ganiak Yesus gatawe kadiy gemung mideya gesakola mikatina debo gemang minatung nila katiya boi sa boka ? 29 gasakbo Gagebaitelei nuabo ako gabiy lentagolena ganiak megatalasingsa nung akuhapai 30 Angmi Yesus , Yesus ya gesakola gekangma galelea gebuk gegoi , gemungmi anma apenga genglakdengge . 31 minatung gasi atena Ga gesakola gomgapaising ganiak Ga gebai " anmakang gedumma kulme anmakang gatangwite gasakbo geipaninte . geipanteleisa watu bo gesu gamigasole . " 32 Angakganintubo gesakola biy lakmata gemitangna ganiak gegur gebaisa gebie . 33 Gasakbo,Yesus gesakola-sakola gekang ya kapernaum mida . Yesus sa gaile kadiy mideya Ga gebaitelei ," minau i ' jeibaimi godinmang ? 34 ganintuwbo ganunggaram telei minatung gasi,jeisama mimasa gegokawai teleisa mageng gemibata . 35 Gasakbo, Yesus nisingbo gesakola karnok wawiy ok guiti gabo Gagebai " anma uh noka kul gegalilbo te genggenok midente , ganimbang gala kul anungmang tadibo gegesah gasakwete anma kangga gaima gepelayan . 36 Anga leleia Yesus dungmok nok ga guiti meganaimi lasing , gabo Gaduma gopakah gasakbo Ga gebaitelei , 37 mageng dungmokbo ako gatafane me Naniytade , ganimbang ganalak natafane , gasakwete mageng ganatafane , biy nala natafanena ganintuwbo Gal bo nabosiyak Gal . 38 Yohanis ga Yesus gebai ," gur nianma gatesa meaniytadebo setang boi , ganiak nigesahmang minatung gasih galmutia biy sitemolna " 39 ganintuwbo , Yesus ga kawai " gesahna biy anma apenganok luai pia gafonggodesa menaniytadesa ang watumi weta naniymi gasiy gasaide . 40 Minatunggasi , mageng biy soboka-boka dena anga siteita . 41 Nalakgesol meibai , anma tau geng lipotuk konau meing Kristus uhlole kekanga biy nadena 42 Makona geng nebaibo dungmoka nok galila menorumaisa gobaite mewe bikademang, ganimbang gekang genang megotanintesa wiydakata bata angak megetonga gogasile gasakbo geime tamedakata migabarwe. 43 Gasakwete atanga geng gobaibo ameboka mitanmang ganimbang atanga garut gekang genanga atangtukak gekangbo atawe gekang mide, nadenate atanga ge ok tawe naraka atbong sinama migewea. 44 Wete bo kakiygei biy migabodena gasakbo atbonga biy tabana 45 Gasakwete ewageng gobaibo awe boka mimutanmang, ewa sole. gekanggenanga ewa tukak gekangbo atawe gemung mide, dadenate ewa geok me naraka atbong migabarwe. 46 Wetabo kakaigei biy migabodena gasakwete atbong sinamabo biy tabana. 47 Gasakwete engakgeng gobaibo awe boka milasinmang embile mikeh. gekanggenanga atawe Latalla ge kerajaan midesa enga nung nok lei nade nate enga ge ok menaraka atbong migabarwe. 48 Wetabo kakiy biy migabodena gasakwete atbongbo biy tabana. 49 Minatunggasi, anma mikanahbo atsinama mimutanmang. 50 Asia kang, ganintuwbo asiya gemaka gonadembang, taigante iwai gobaite makade, asia imung midente anmakanga tawing tayei tasama