Lam Male Getasi Genang ¹ Yesus sa gasole gaya Yahuda gebukmide bo waia Yarden buk gensa yeinokde anma mutia migafasing. ² Gasakbo Farisi genmakanga sue gatadebo Geisuh genanga Ga gemang.,lamno gagemale gogasisa kang? ³ Yesus sa gagogawai minau musa ga goibaimang? ⁴ Ga gogawai,. Musa gagoyuw debo gelami suratbo getasi genang gobaibo getasi. ⁵ Ganmante Yesus Ga gebai ililkirak gatung ukangbo anga bilente me inmang. ⁶ Gantuwbo gosolbo Latalla Ga anmakang gobaia lam me male me mang, ⁷ Angakgatung lami gakul gukui gepa gatami melentagolente. ⁸ Gahbo ganok geigono,biy ok na gantubo wenok. ⁹ Angakgatung nuabo Latalla gonokia wai mikaitina ¹¹ Angak ga gogawaite megebai.,mageng gemale getasibo male pia gengsa ga gemale gotapuimang. ¹² Gahbo gemale geng gelami getasibo lam pia geningbang male geng tapui. ¹³ Gasakbo anma kanga ga dumok mutiy pul temesue Yesus gata densi Ga gofane,ganmante sakola-sakola gagesah. ¹⁴ Ganmante Yesus sa gegateyak Ga galilmaka debo gesakola-sakola ga gebai.,dumok mutiya gabosinsi Ga tame natade gesahna Latalla gemane bila anma sol gewate. ¹⁵ Nagesolme ibai,mageng biy Latalla gemane bila gatafanesa dumok nok getawa, gabiya angmidena. ¹⁶ Gasakbo Yesus Ga dumkaka gopakahbo kanggamoi megenmang. ¹⁷ Yesus Ga taklole Gato gogayeisa anmanok tak-tak sakbo sue gatadesakbo gafonatami gaselbu melasing sakbo ga Yesus gemang.,minau Na gobainte nengkangbo gewia? ¹⁸ Gasakbo Yesus sa gagogawai.,minau gatung nebaibo nala kangde., Latalla geng gafa !. ¹⁹ Ukang-ukang mutia inglak.,teipangge,tapuige,takawe,kohge,tasiyge ukui epa genang goi. ²¹ Ganintubo Yesus sa Ga luutiy bo anga Ga guileibo galila gemboka debo Ga gebai.,enanga nuanok tana kaba,angak gatung meawaibo ya nuabo ata gaima gobalkiybo me anmabo nua gatana geng sakbo sue nalak noi. ²² Ganintuwbo lekbile angak megemunga mat,gasa gemunga korade,gala nua adu gata. ²³ Gasakbo Yesus Ga gatalai gamung laisakbo Ga gesakola-sakola gebai bisa kawasa gaya Latalla gesika manemidesa kul tawing. ²⁴ Yesus gelakakmi Gesakola-sakola gogadit ganmante Yesus gawai kawai Latalla gesika mane midesa kul tawing. ²⁵ Yar uh nok gai kabar suku goifesa kangte bisa kawasa nok sika mane goitawe sa boka. ²⁶ Sakola-sakola gogaditte nungme ganende sakbo gagetokawai gahbo makona gengkangbo gewiya? ²⁷ Yesus miguileite sokebo kawai anmakang galilsuisa biyna,ganmante Latalla biyna.,karnoka Latalla gosuisa kang. Yesus goi gepata ²⁸ Petrus ga Yesus gebai" aley karnokbo nigofungsa gama gedi bo oiytelole. ²⁹ Yesus ga kawaisa natatokakme ibai : anmanok biy gekadiy nate gekak genakak lamlu nate maleu, nate gukui gepau,nate gedumle,nate gebiytagemila gedibo noiy nate luaikangak gatung?. ³⁰ angak" inawatu" ekadiy,ekak enaka lamlu nate maleu,edumleu,ukui gepa,ebita emila gedibo noi nate luwai kanggatung?. ³¹ ganmante anma adugei genoka meya gesahmide, gesahsa mesue genok mide ganmante anma adugei genokak meya gesahmide,gesahsak meya genok mide ³² ga yeibai goibo ya yerusalem midesa Yesus geng gesu ; yeibai goisa akinggaba, anmakanga gebie,Yesus gawai gesakola ganung karnok wawiy okah ganeng gapul Yesus ga minai migafonggodebo megetatok de genang gopiysar. ³³ gakawai ilai ina sitawe yerusalem midesa ganimbo anma kanga gedumah, geime ading-ading gegafilang,tauratmi genlakdemang,gasakbo waime anmabo biy Yahudina gatangwite. ³⁴ gosiket,gosupiy,geibone geibah,geiypang; ganintuubo meya watu bo gesu engkanemang ³⁵ Yakobus ya Yohanes bo Zebedius geduma gasuwe yesus gatadebo ga gasoibo gakawai; wur,genimabunga nuwabo genimabunga gobaiteme nitadi. ³⁶ gasakbo gagelekgogawai; minaigeng geimabungbo gobaiteme itadi?. ³⁷ ga Yesus gogawai; amabungdensi nila ekang egamoy midesa nok enangkang mi, nok enang bikiy mi nising. ³⁸ Ganintuubo Yesus sa Gagoyawai temegebai,nua bo isoisa biy inglakna! Iora cawan bo Nakulminesa imine nate neisaransa miiysarang ? ³⁹ Gawai Yesus sa gebai : niora,gasakbo Yesus sa gawai gebai cawan bo na mine sa il'lo mine,neisaransa il'lo gata iysaran. ⁴⁰ Ganmante nenang bikiy nenang kang minisingsa biy natang mina,anma bo lemegetatok dantuu genang. ⁴¹ Anga sakola ganung karnoka gemaiak galila Yakobus ya Yohanis gemaka. ⁴² Gasakbo Yesus Ga galmotia guitite sue bo Ga gebai inlak.gala solmi anma bo biy Yahudina takawaisa solmi tuang bata-batabo geitakawai., ⁴³ Ganintuubo inaimi biy gahna,inaimi mageng tebatade gakul toyaka dante/teipul tafongfuninte. ⁴⁴ Inaimi mageng galila galakul mewe genok midente,gakul ifongfung nate ioyakadante. ⁴⁵ Ganinte anmakang geduma ga suwesa biy gala gatafane genangna,Ga suesa gengtoyaka,Tafongfung. ⁴⁶ Gasakbo gaya Yeriko midebo Yesus ya Ge sakola-sakola wai anma anungmanga melentagodesa gawa soitabo gengkura,gania Bertemeos,Bertemeos geduma yeibai gawami nisinmang. ⁴⁷ ga gemeibo Yesus Nasaret wasa,gamigasoi Yesus Daud gedum! alila netamanade. ⁴⁸ Ganiak anma anungmanga Ga gesah :! ganintuubo ganungkang itte meganende, Daud gedum,alila netamanade. ⁴⁹ Ganiak Yesus sa Ga garambo gogawai"guitisakbo ga gogawai,guitisakbo anma gal anmabo geng usa gebai,emunga rumaide, lasing,Ga uiti., ⁵⁰ anma geng usa gefalak bata ah sakbo me Yesus gatade. ⁵¹ Gasakbo Yesus sa Ga gebai minau imabung bo ina nagobaite me itadi? anma gengusa ga gogawai : wur,ganinsi na lai!. ⁵² Gasakbo Yesus Ga gebai: ma,egorumaigeng obaite omal demang,angakmi galaisa wai nua gate ganiak gatung ga Yesus goisor bo yeibai goi.