YESUS TAWE YERUSALEM MIDE SOHUI LEIDE ¹ Watu yeaima suh yerusalem yeahde, Betfage ansa Betania yaming Zaitun buktami. Yesus yasakola yaning ok yaboh, ² ansa yebai, "maya desabo ifuna yata, i bote mide, keledai foniya i yatak yasik lasining dengbo, biyahma tanatasingna, keledai anga wolake ahbo leh sulsi. ³ Alma tol yal ilisin, 'tonyak i angan wobaimang?', yebaibo, koledaiya, 'Tuhan ying yepulsi biy fadatademabo yawaite suesi." ⁴ Ansakwe, yama ahbo keledai foniya awing yetami woiwo mitatau angmiya yiybaimi silelasim yekape wolake me yatang. ⁵ Almakangbo angmi tolasiniya yalisin, "minau yatung keledaiya i wolake me yatamang?" ⁶ Ya wowai solmi Yesus yai woawaiyak yaning. Aniyak almakang mutiya sakola ya ningok yeatangbo mamang. ⁷ ansakuse yaningok keledaiya lehmeya Yesus yatade, ye juba mudiya me keledaiya tadi, ansakwe Yesus te tanising, ⁸ Almakang aningmangang ngada ye juba yapah me yiybai mi luman, ansa almakang piya milami bong yatang wosole me yiybai mitowal. ⁹ Almakang aningmang yafanata wai yamutai woi yaima kawai, "Hosana! Kangmal me yalbo Tuhan yaniy mi sue. ¹⁰ Kangmal me sitam sisung Daud yekerajaan wotang wowal! Hosana, weta melenta mi!" ¹¹ Angahbo Yesus tawe Yerusalem mide, albo wai tawe Latala ye akuh kadiy mide nuanana ye belesa wiylai laibo wobale fadata deyak yawai ye sakola yaning karnok wawiy ok yeaima maya Betania mide. ¹² Ansakwe, watu yefunumpa yeaima Betania mi maya, yeisama debo Yesus yamaitan. ¹³ Bukabonga ya okoimi ye wida yataksa, ya maya yatakah minai yeng buka bong mi ye yatak watu yabong yek wode, yabai ma yatakna, widau tu yeatak, ang watu biy buka ihde ye watuna. ¹⁴ Angak yatung, Yesus yabong anga yebai, "Alma biy isa kate te yewiyana" Anyak ye sakola-sakola yemai lai. YESUS MAYA LATALA YE AKUH KADIY MIDE ¹⁵ Akbo, yeaima ya Yerusalem mide. Ansa, Yesus te Latala ye Akuh Ka diy mide akbo amakang Latala ye Akuh kadiy mi baile nate wobailesa bolsurat. ya meja-mejabo seng mi tewatedesa miyakil ansa alma ye kadara-kaderabo lumang mi wobaik, ¹⁶ Anga amakang bonua-nua wadente Latala ye Akuh kadiy balintesa yesah. ¹⁷ Angahbo Yesus almakang wom yafasin ahbo kawai, "Akan wobilen, Nekadiya akan yaniy wowe merul sal ye Akuh Kadiyde na? Aruite i wobai bak-pran ye walide. ¹⁸ Ansa Ading-ading Yafilang ansa Taurat mi yenglak yemai ansa tou wobante ante yalpan. Nabah yaima yatak ye bie lai nate almakang aningmanga Yesus yelak-bile mi yalehta. ¹⁹ Ansa watule tinsamade, Yesus wal ye sakola-sakola monema' yiyya lai. LATALA YEMIMUNG NU OTADISA ME SINANGDE ²⁰ Ansakwe, tutakang watu yeaima ma balinte, yeaima buka bong yataksa yeli yaneng auke lai. ²¹ Petrus mi yaminanbo ya Yesus yebaisi, "Guru, likat! Bukabo A wosaman ya le auke lai! ²² Anganbo, Yesus yelak mutiya woawal, "Latala bo i Worumai me inangde. ²³ Mattungak namewo iba, mang buklapang ako yebai, Akebo mote me tame wai woisilang, ante emifung bei wotawaina, ante wotadi, minaw a kawai, woitaksi, aning angbo angan woitaksi. ²⁴ Angak yatung, yale kawai me ibai, minai i mi tungbak ahbo soi, wotadi ille yatafane, aringdengbo anga me in. ²⁵ Ansa, isolde lasirinte tengbak, yasakte nuanok minifungrai me alma nok taningde, Eng nipabo sipoumanenikwe Hapda yeng iobuk. ²⁶ Akte i bei ye tapela wobuh na ipa sipou manemingada biy i tapela iyobuh na. YAHUDI YAFUNGFUNSA YESUS YEPARENTA WOISIN ²⁷ Ahbo yeaima wai sue Yerusalem mide. Yesus Latala ye akuh kadiymi mawane, ading-ading yeyafilang, tawat miyonglak wai Yahudi yesak yedama sue yatade. ²⁸ Ansa yeaima Yesus yebai, "Parenta tau 'A ma nana wobaimang, nate mau yeng parenta me eninte Awoitak woima?" ²⁹ Yesus kawai me yebai, "Na ilisin' Na ilisin minok I kawai me nenang woawalintentena me woibai, minai parenta na nuanana wobai. ³⁰ Yohanes ya li waimi rumya sipamane mi sue nate ahnakangu yatwoi suci? A noawai!" ³¹ Yeaina woto kawai ahbo kawaisi, "Si woawai, sipounane mi woi sue, ya akan kawai, Ahbo ton yak ibiy wuyui dena? ³² Ahte, si akan woawai, Almakangou woi suet?" yafungfinsa almakang aningmang yatok bie nadih yeaima akan wosui, Yohanis mattung-mattung Lubiling. ³³ Angak yatung yeaima Yesus woawai, " Aring dengbo Nalak wete aring, Nalak wetebiy me ibaina minai parenta Na nua nana angata wabaimang.