Anggur Milami Sengkia Bogembika Getamungdi ¹ Megetamungdi genangak Yesus sa mikawai anmanok anggur mila gobai,gageba gobaite mekiliwiy gasakbo gapidabo anggur migasa genang gobai ganinte gamenara linsamabo migoyaka genang gobai.game anmabo misengkia gogatang gante gala ya mane apengamida ² Ya gangme gewatumidea anmanok gabohbo sue anmabo sengkia sa gatade ganinsi gebali megeng. ³ Ganmante gagafungsakbo gabonebah waigeiboi geiboia biy nuanok gona. ⁴ Ganiak gawai anma apenganok gabohtesue anga gafilanga gabone gasakbo gobaite ya wuimaide. ⁵ Gasakbo gawai anmanok gabohte sue angak wete gawai pang ako migafonggodebo megatadia tiy geibone tiy geipang. ⁶ Mila adu gatana geduma nok gata anga dumbo galil gembokak gal. megesahsa dumbo angak megogaboh ganiak anga megatabosiak gakawai dumbo nalila gemboka gagolu goparu. ⁷ Ganmante milami fanesa gagetokawai ina Ahli waris gengsue ako. sue sigeipaninsi warisanna meme sinangde ⁸ Gasakbo gagafung gawai pang sakbo me anggur wisikatami gabarwemang. ⁹ Anggur mila gedu gahbo gaminai gobai? Gasuebo siygobaite muilai gasakbo anggur mila meanma apenga geng. ¹⁰ Ibiytana surat bila gelakka galakbo bilenia galedena: wiy bo lumang kadiy gobai gepoma gei gabarwesak leme penjuru wiydemang. ¹¹ Akok Latalla gegobaisakbo siguileisa simunggarena nakgal. ¹² Gayiybai kiyabo gafunindete anma anungmangak anungmanga genglakbo Yedus sa Gatemungdisak kawaiak gatung gebie soke gasakbo ga Yesus sa gedibo getak. ¹³ Gasakbo Ga anma su ok Farisi genmakanga ya Herodian genmakang gabohbo sue Yesus gata densi gamang gesiy. ¹⁴ Gasuesakbo ga Yesus gebai,guru ninglakbo ala sol anma apenga gelak gowaisingna,anma gelasing gema guileina ganmante Latalla geyiybaiak bogesolak metom ganmante tafilang bal gowaite me Lei gengsa solre solna? ¹⁵ Nikul gowaire nibiy gowaina? gegakiy gegawaisa Yesus genglakdeak Gakawai minatung i Neking gaduhte ako? seng isa dinar nok mesuensi Naguilei. ¹⁶ Gamesue gasakbo Yesus Gagebaite soke,mibileng ya ganosinga magenang geng midimang? Gagogawai Kaisar ganosing ya Kaisar geng mibilenmang. ¹⁷ ganiak Yesus sa gakawaite megebai,nuabo Kaisar genanga me Kaisar geng nuabo Latalla genanga meLatalla geng,ganiak ga Yesus sa gosuisa biy galil gorana. ¹⁸ Saduki genmakanga gakawaibo anma gengkane gona,gasue Yesus gatadesakbo gagemang,gakawai., ¹⁹ Gur Musa gabilente mesingbo anma no-nok gei genma bo genotbo lamgai gabode,lemale gengbo tana dum gegolena ganmante gemale genisingbo gabodemang.ganiak gekak nate genaka lami wai nok malepaia geng ganmante angak webiy dum gegole nabo ya lami gabodemang. ²⁰ Dika damabo getoisiya ganung gisang ok. Genoka gamale nok geng ganmante biy getole getatang nabo male gabode. ²¹ Lambo ge oka wai male anga geng,ganmante angak we toletatang nabo ya lami gabode.gasakwe lambo gesu. ²² Ganunggisak okka biy nok gei dum golebo megewate migatangna. megesahsa malebo angakwe gabode. ²³ Watu ya tengkane midea gagengkanesa,male ako mau gemalede?gante leme dika dama ganung gisang ok gemale dea. ²⁴ Yesus sa Gagogawai akok meilakdebo me io uhde,angak surat bila gegamabungak ibiy nungmitangnare nate Latala ge Kuasa? ²⁵ Gemungmi watu ya anma gabodeta ganaimi gengkane sa lamgeng malegeng re lamme maleme gogatang ganmante gaya solmi Malaikat-malaikat bo Sorgami getawade. ²⁶ Anma gabodebo gengkanesa Musa gesurat mibilenia ibiy galedena atakiy sama genang nalak Abraham ge Latalla,Isak geLatalla gasa Yakub ge Latalla. ²⁷ Gala biy anma gabodeta geLatalla na,anma gengkang ge Latalla.ila sol-sol io uh demang. Ukangbo Kul Gemitemang ²⁸ Gasakbo Taurat migenlak nok gemaisa ako tenang bih.galeisakte Yesus Gagogawaisa nung kang-kangtu ganiak gadawai Yesus gemang ukang tau konau geng kul getemang? gasa kul getuk. ²⁹ Yesus Gagogawai ukangbo kul getuk nate gemtea gowaising Israel genmakang mutiy siTuhan Allah angak Tuhan. ³⁰ Ganiak eTuhan Allah galila emboka desa emung ganeng anosing ganeng gasa esui epa gasa erumaia gaimade. ³¹ Gante ge oka enok etayaia alilge tamanadesa e ih getamanak getawadante.biy ukangbo gemtemanggai gona. ³² Gasakbo Taurat genglaka ga Yesus gebai" Ala sol Gur, ala a kawaibo gala nungnoka anga tatok ganiak biy anma apenga gona. ³³ Gasakbo alila gemboka emung ganeng,geenlak erumaiak enok etayaia alila getamana desa solmi e ih getamana desak getawa mekorban karnok migawintemang. ³⁴ Yesus sa Gaguileisa anma anga Gagogawaisa lakbo sulmi lakmi gelakluw mikawai ganiak gagebai ala biy Latala gemane bila biy geokiyna anga ganiniak anma biywai tadukabo Yesus sa gemangna. Kristus sak geng Tuhan. ³⁵ Ga akuh kadiygi tom sak Yesus Gakawai,tohsah gatung Taurat genglak mutia ga kawaibo Kristus sa Daud gedum? ³⁶ Daud ga Roh kudus mikawai Tuhan ga neTuhan gebai nenang kang konak minising mea na esal emoia me ewa gidi. ³⁷ Daud ga kawaibo Kristus sak Tuhan ganmante minau gatung Kristus sa godingbo gedumde ganiak anma anungmang gemeisa gemunga mal. ³⁸ Suipa bome Taurat genglak getatokde.Ga tomtapaisingmi Yesus sa Gakawai Taurat genglak getatokdesa ilil-ilil dante getatafonami golu goparu gatafane. ³⁹ Sinagoge minising sa gewate gogasam. abe kofa ma katemi gewate gogasam. ⁴⁰ Galakgeng malepai gekadiy gatami solmi akuhsa milapane .ganimbo ukangbo kul suk ga gatafane. ⁴¹ Yesus Ga tatangbo mewite gewate getatokkak mi Ganising gasakbo anma gageseng me tatangbo gewate wite kawasa mutia geadu batabo gamewite. ⁴² Gasakbo malepai nua gatana seng isa kada ok gebali sen nok kak mewitemang. ⁴³ Yesus sa Gagesakola-sakola guitibo Gagebai gesolak Nakawaite meibai,malepaibo nua gatana geng adume tatangbo gewate miwitemang me apenga tamungdisa. ⁴⁴ Anma Apenga nua gatau gamebo gatang bo demang ganmante malepaibo nua gatana,gegatanak genangwebo memang ga gatak gaimame tatangbo gewate miwitemang anga tagengkangak gaima."